Tɔn-Fɔɛ-Fila-Nyɔgɛ 13:16 - ALLALA KUMƐ

¹⁶ Wo si mɔgɛ wonu bolo-fannu nadɛn soe tɛma kan-tina-kelen. Wo si soe anubɛ fan wo damasi mintan. Wo mani de Mari yala iko saraka-mintantɛ. Wo kana soe wo sɔ tun. A si ma tonbɔn la.

Tɔn-Fɔɛ-Fila-Nyɔgɛ 13:16 ပူးပေါင်းရင်းမြစ်များ

Bɔ-Koe-Iyipiti 22:19

“Ni min ya a sa kolo-fan, ni wo ma, soge do fɛ, wo ni wo tigi faga yati!

Aiseya 17:1

Mari ko Damasika soe si ma tonbɔn la,

Aiseya 25:2

I wara soenu ma sundu-kunyɛ la ka so-latankanɛnu kasara pɔ! Ma yogenu ya bon-hakikɛ min bɛɛ sɔ, wo bɛɛ ara tii mɛmɛ!

Yɛrɛmaya 49:2

Wati ye nala, mɔgɛ minnu siginɛ Amonnuna so-karantan Raba burɔ, Mari ko a si a ma, wonu ni kɛlɛ-sɔnkɛ lamɔɛn. Soe wo si to tonbonyɛ la. A dafɛ-so-mɛsɛnu si mintan gburr! Minnu ya kan-tinɛ wonu bi Isirɛla mɔgɛnu bolo nun, Isirɛla mɔgɛnu fanan si anu gben nyɔ.

Isikiyɛli 26:14

N si nyɔ ma iko fara-gbaran-makolɔn, yɛgɛ-fagalɛnu ni to anuna yalɛnu tagbalala kan min. Mɔgɔ-wo-mɔgɔ ti ke soe wo sɔla a kurɛ la tun. Nde, wo tigi Mari kan le kɛ la.

Maika 1:6

Maika ya Mari kuman-kan latenbi mɔgɛnu ma ko a si Samariya soe ma tonbon-kole la. Nyɔ si ma fen-ki-tinɛnu na. Mari ko a si bon-kerinɛ wonu mirannu nakɛ a rɔ fole la, fɔ bon-gbɛnu, wonu denu bi tola.

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Tɔn-Fɔɛ-Fila-Nyɔgɛ 7:26

Anuna bɛsɛ wonu sɔgɛ la ni bɔ wo la lass bawo anu bi Marila dankɛ le kɔrɔ. Ni wo ya bɛsɛ kɛ do bi ka na a la wola bɔnnu na, dankɛ min bi anu kuma, wo si wole fanan bira.

Yasowa 6:21

Kɛlɛ-dannu ya soe bira-a-la ka mɔgɛnu faga faan la, kei wo, musu wo, anubɛ anuna dennɛnu. Anu ya kolo-fan fanan bɛɛ faga.

Yasowa 6:24

Anu ya soe bɛɛ mintan fɔ fan minnu nadannɛ sɛnɛ la anubɛ wodi-gbɛ anubɛ silɛɛ anubɛ nɛgɛ-dogbɛrɛnu. Anu ya wo bɛɛ di Mari ma ka wonu to Marila fen namara tinɛ rɔ.

Yasowa 6:26

Wo wati rɔ, Yasowa ya tɔn gbɛlɛya mɔgɛnu ye ko, “Mɔgɔ-wo-mɔgɔ wa soe kɛ sɔ a kurɛ la tun, wo tigi si to Marita dankɛ kɔrɔ. Mɔgɛ min ba soe kɛ tarɛ sɔɛ dabira, wo si foo ala den-kei fɔlɔtɛ la. Min ba tarɛ dɛ kɛ ladan, wola den laban si faga.”

Yasowa 8:28

Yasowa ya Eyai mintan. Ha bi, a ye tonbonyɛ la.