Tɔn-Fɔɛ-Fila-Nyɔgɛ 12:8 - ALLALA KUMƐ

⁸ “Wo wa ke nyɔ tumɛ min, wo ti Mari bato nyɔ iko wo ye a mala nya min kaka. Wo ye Alla batola iko a di wo ye nya min nun

Tɔn-Fɔɛ-Fila-Nyɔgɛ 12:8 ပူးပေါင်းရင်းမြစ်များ

Hɛnkilimaya-Kumɛnu 21:2

Mɔgɛ ya a lɔn ko a ye koe min bɛɛsi ladanna a nyɛrɛ ma, wo latelenta kɔnɔ Mari le ya ma yisirɔ-koenu lɔn.

Emɔsi 5:25

“Wole Isirɛla mɔgɛnu, Mari ko wo ye wulɛ rɔ san bi-nani kɔrɔ tumɛ min, wo ya wola sarakɛnu anubɛ kɔ-fan minnu di Mari ma, wo ma anu di a ma wo yisi bɛɛ la.

Yilan-Yilan Koe 15:39

Wo wa a bunsan kɛnu yen tumɛ min, wo si wo miri Marila tɔnnu ma ka anu bira. Wo si a ma, wo ti wo nyɛrɛ sako kɛ ka wo kan-kɔ sɔ a la.

Kɛwɔlɛnu 7:42

Woletɔ Alla ya a kan-kɔ sɔ anu na feu, alako anu ni tele anubɛ karɛ anubɛ lolenu bato san ma, ado a sɛbɛnɛ nɛbinuta buku do rɔ ko, ‘Isirɛla mɔgɛnu, wo ya kolo-fan minnu kan natɛgɛ ka wonu ma sarakɛ la san bi-nani kɔrɔ wulɛ rɔ, wo ma wonu di nde ma wo yisi bɛɛ la.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 12:9

bawo wo ma ta wɛ lanyiri-nyamanɛ rɔ wo si sigi yisi-kimɛ rɔ kan min.

Yasowa 3:9

Yasowa ya a fɔ mɔgɛnu ye ko, “Wo na yan. Mata Mari ya min fɔ n ye, n si wo fɔ wo ye.

Kɛlɛ-Kurugbɛnu 17:6

Wo wati ya a taran, mansa sa Isirɛla mɔgɛnu bolo. Woletɔ Isirɛla mɔgɛ bɛɛsi ye anu diyana-koe mala wo wati rɔ.

Kɛlɛ-Kurugbɛnu 21:25

Kɛnu bi mala wati min, wo ya a taran, mansa sa Isirɛla mɔgɛnu kun na. Bɛɛ ye ata diyana-koe mala iko a di a nyɛrɛ ye nya min.