Tɔn-Fɔɛ-Fila-Nyɔgɛ 12:7 - ALLALA KUMƐ

⁷ wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 12:7 ပူးပေါင်းရင်းမြစ်များ

1 Ko-Kɔrɔta-Karan 29:22

Anu bi fen dɔnla wulɔn tele rɔ, anu sewara ka fen-dɔn-kɛ Mari yala. Anu ya Silamɛnina mansayɛ lawasa Mari tɔgɛ rɔ, ado kɛ le mara a fila nyɔgɛ la. Wo kɔma, anu ya Sedokila saraka-masɔ-wɔlɛ lawasa ka dantɛgɛ-tuli kɛ anubɛ mansɛ salɛ rɔ.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Makawandili Kumɛnu 3:12

Nba, min fisa, mɔgɔ tenbi a niyi la, a ni to a nyɛrɛ ladiyala a siyi-tele-bɛɛ kɔrɔ.

Makawandili Kumɛnu 3:13

Woletɔ mɔgɛ bɛɛ ni fen dɔn ka a min ka a nyɛrɛ ladiya a halala-fan rɔ. Allata kɔ-fan le wo dama la.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Aiseya 23:18

Wo ye tɔnɛ min bɛɛ sɔrɔnna yilayɛ rɔ, wo si a lasɛgi ale Mari ma fɔrɔsɛ la. Wo ti a lamara wo nyɛrɛ ye. Kɔnɔ wo ye Marita wɔli-kɛlɛnu sarala wodi wonu denu na.

Aiseya 62:9

Min bi tɔrɔla dɔn-fan min na, wo le ye wo dɔnna, ado wo le si to Alla tantola. Min bi tɔrɔla minni-fan-sɔrɔn la, wo le ye a yi minna. Wo si wo min Bato-Bɔn lu-kole ma.

Isikiyɛli 44:3

Kɔnɔ dɛ latogonni kɔmɛ, n si mansɛ do sigi anu kun na min si dɔn-fen-sɛnimɛnu dɔn n yala nyɔ. A si don-ni-bɔ kila-kunna-konko la min bi tenbi-bolɔn wo burɔ.”

Yowɛli 1:16

Mala dɔn-fannu bi tinyana ma yala kɔnɔ a ma-kunya sa. Sewa sa mata Alla Bato-Bɔn la mumɛ!

Yowɛli 2:26

Kɔnɔ a ko dɔn-fan ra si boroko-baraka wo gba ma, kurukurun ti a ban, tarali ti a ban. Wo si a ma, wo ni ale wota Mari Alla tanto. Ale ara kabana-koenu kɛ wo ye. Sibolo-gbɛrɛkɛ-mɔgɛnu ti anu yɛ layigi wola sole rɔ tun.

Saraka-Masɔlɛnuta Tɔnnu 23:40

Tele wo nyɛrɛ rɔ, ma si mala kɔn-gbɔ-hakikɛ donu keri. Ma si na tin-yanbɛnu firifirila san ma anubɛ kɔlɔma minnu yanba-kun siyaman bi a la. Ma ye ladɛn kɛ kɛla wo nya ka mata Mari Alla gbiliya.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

Tɔn-Fɔɛ-Fila-Nyɔgɛ 12:12

Wole anubɛ wola dannu anubɛ wola wɔli-kɛlɛnu anubɛ Lifayi bɔnsɔn-mɔgɛ minnu siginɛ wo tɛma, wo si ta wo ladɛn ka sewa wo nyɔgɔn fɛ Marita kan-tina-yabɔnɛ wo rɔ. Wo si wo miri Lifayi bɔnsɔn-mɔgɛnu ma bawo anu ti nyamanɛ wo fenfen sɔrɔn anu nyɛrɛ ma.

Tɔn-Fɔɛ-Fila-Nyɔgɛ 12:18

Wobɛ wola dannu anubɛ wola wɔli-kɛlɛnu anubɛ Lifayi mɔgɛ minnu siginɛ wo tɛma, wo damasi ni kɔ-fan kɛnu dɔn wota Mari Allata kan-tina-yabɔnɛ wo rɔ. Wo si sewa nyɔ rɔ ka a tɛgɛ wo ara koe minnu nadan Mari ye.

Tɔn-Fɔɛ-Fila-Nyɔgɛ 12:8

“Wo wa ke nyɔ tumɛ min, wo ti Mari bato nyɔ iko wo ye a mala nya min kaka. Wo ye Alla batola iko a di wo ye nya min nun

Tɔn-Fɔɛ-Fila-Nyɔgɛ 14:23

Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Tɔn-Fɔɛ-Fila-Nyɔgɛ 14:26

Wo si wo diyana-dɔn-fan bɛɛ san wodi wo la. Wo si ninkinu san, ni wo ma, sagɛ. Wo si nɔnbɔ-gbɔ-yi san, ni wo ma, baan-yi. Wobɛ wola denbayɛnu si wonu dɔn nyɔ rɔ wota Mari Alla bato tinɛ nyɔ ka wo nyɛrɛ ladiya kɔikɔi!

Tɔn-Fɔɛ-Fila-Nyɔgɛ 15:20

San-bo-san, wole Isirɛla mɔgɛnu anubɛ wola denbayɛnu si kolo-fan kɛ donu dɔn Marita kan-tina-sɛnimɛ rɔ.

Tɔn-Fɔɛ-Fila-Nyɔgɛ 26:11

Mari ye ko-nyimɛ min kɛla wo ye, wobɛ wola denbayɛnu si baraka bira a ye wola ko la. Wo tenbi nyagalan kɛ la, wo ni a ma, sundannu anubɛ Lifayi bɔnsɔn-mɔgɛ minnu siginɛ wo tɛma, wonu ni kofu wo ma.

Tɔn-Fɔɛ-Fila-Nyɔgɛ 27:7

Wo si to wola yisi-kima-sarakɛnu dɔnna nyɔ fanan. Wo ni to sewala nyɔ wota Mari Alla yakɔrɔ.

Tɔn-Fɔɛ-Fila-Nyɔgɛ 28:47

Wo ma sɔn Mari sako-kɛ-koe ma wo yisi-sewanɛ la wo tumɛ wo ye wo diya,

Filipai 4:4

Alamɛ Mari ya sewɛ di wo ma tumɛ bɛɛ. N bi a fɔla tun ko wo ni nyagalen dɛɛ!