Tɔn-Fɔɛ-Fila-Nyɔgɛ 12:5 - ALLALA KUMƐ

⁵ Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 12:5 ပူးပေါင်းရင်းမြစ်များ

1 Mansɛnu 14:21

Mansa Silamɛnina den Rihobowami ya mansayɛ sɔrɔn Yuda nyamanɛ rɔ a sɔrɔn-san bi-nani ani san kelen nyɔgɛ le ma. Mari ya Yerusalɛm soe yabɔ ata mɔgɛnu si to a batola kan min. San tan-ni-wɔrɔnfila kɔrɔ, Mansa Rihobowami siginɛ Yerusalɛm soe wo burɔ mansayɛ la Yuda mɔgɛnu kun na. Mansa Rihobowami na tɔgɛ le Nama. Amon kɛ le ale musi wo la.

1 Mansɛnu 8:16

kebi a nara ata mɔgɛnu na ka bɔ Iyipiti, a ma so-wo-so yabɔ Isirɛla nyamanɛ rɔ, ata Bato-Bɔn si sɔ kan min. Kɔnɔ a ya n fa Dawuda yabɔ ka a sigi mansayɛ la ata mɔgɛnu kuma.”

1 Mansɛnu 8:20

Ale Mansa Silamɛni ya a fɔ tun ko, “Mari ara ala kumɛ wo latɔnbagaya kaka. N bara sigi n fa Dawuda gbɛ rɔ mansayɛ la iko Mari ya lanyiri kiri nya min. Kaka, n bara Bato-Bɔn sɔ Isirɛlata Mari Alla ye.

1 Mansɛnu 8:27

“Kɔnɔ n Mari Alla, duninya kɛ dɔgɔ i yala. Hali san-kole min kolo, wo ti a bɔ i ye. I si kun i Bato-Bon-nɛ kɛ la kama worɔ?

1 Mansɛnu 8:29

I wara kan tinɛ kɛ min yabɔ i bato-koela ko la, i yandi Mari, i ni i fonde to bɔn kɛ ko su-ni-tele. Nba, woletɔ Mari, n ba n ya-lamunun bɔn kɛ la tumɛ min, i ni i wɔlɔ matɔlɔ nta madiyalɛ la n bi min nakɛla i ma.

2 Mansɛnu 18:22

Tumado, wo ye a fɔla le ma ye ko wo ye lala le wota Mari Alla la, wa? Mansa Hɛsakaya ya kan-tina-mayɛlɛnɛ minnu tinya wonu na, ale Mari bato tinɛ le ma wonu na, wa? Wo kɔma, a ma a fɔ wole Yuda kɛnu ye ko wonu ni to sarakɛnu bɔla saraka-mintan-tina kelan wo rɔ Yerusalɛm, wa?

1 Ko-Kɔrɔta-Karan 22:1

Woletɔ Mansa Dawuda ya a fɔ ko, “Gbere-kole kɛ si ma Mari Alla Bato-Bɔn sɔ tinɛ la anubɛ Isirɛla mɔgɛnuna saraka-mintan-tinɛ.”

2 Ko-Kɔrɔta-Karan 7:12

Mari ya a nyɛrɛ yira a la suyi rɔ. Mari ya a fɔ a ye ko, “N bara ila matarali-kan lamɔɛn. Anu bi sarakɛnu bɔla n ye kan min, n bara wo bira.

Ɛsira 3:2

Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Ɛsira 6:12

Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Ɛsira 7:17

“I si wodi wo lawɔli i hɛnkili la ka sarakɛnu san a la. I ye min sanna sarakayɛ la, wo le kɛ la, tura-bulun-hakikɛnu wo, saga-yiginu wo, saga-dannu wo, anubɛ fui-fen-sarakɛnu anubɛ minni-sarakɛnu. I wa ke anu na nyɔ, i si anu mintan saraka-mintan-tinɛ kuma Bato-Bɔn la Yerusalɛm.

Nihɛmaya 1:9

Kɔnɔ ni ma sɛgira i ma tun ka ileta tɔnnu bira, i si ma kundɛn tun kan tinɛ wo rɔ ile ya min yabɔ i bato-tinayɛ la. I ko hali ma basanta duninya-tonko-nanɛ bɛɛ la, i si ma kundɛn tun.

Yaburi 78:68

A ya Yuda bɔnsɔn yabɔ, a diyana-so Yerusalɛm ye kan min, kɔni.

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Bɔ-Koe-Iyipiti 25:22

Alla ya a fɔ Musa ye tun ko, “Malebɛ ile si ma nyɔgɔn bɛn nyɔ. N bi kumɛ min fɔla i ye ka a latenbi Isirɛla mɔgɛnu ma, n si wo fɔ i ye tɔn-kenkirɛ wo kuma melikala muninyɛ wonu tɛma.”

Yɛrɛmaya 26:2

Mari ya a fɔ nde, Yɛrɛmaya ye ko n ni ta sɔ Bato-Bon-kata burɔ. A ko n ni ala kumɛ kɛ bɛɛ latenbi wole ma minnu nara ka bɔ Yuda soenu tɔ batoli-kɛ-tinɛ. A ko n kana dan wo fenfen-fɔ-tinɛ.

Yɛrɛmaya 7:12

Mari ko wole, Yuda mɔgɛnu ni ta Sailo soe burɔ. A ya nyɔ le fɔlɔn fɔlɔn yabɔ a bato-tinayɛ la. Ale Mari ara min ma ko-yogoma-kɛlɛnu na nyɔ, a ko wo ni ta wo rayen wo yɛ la.

Yɛrɛmaya 7:14

Woletɔ ale ara kan-tinɛ min yabɔ a bato-tinayɛ la Yerusalɛm, a si na nyɔ tinya pɔ, ado wo lara kan-tinɛ wo la dɔgɔma-ma-de! A ya nyɔ di wobɛ wo benbanu ma. Kɔnɔ hali wo, a ko a si nyɔ kasara iko a ya Sailo soe kasara nya min.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:13

Wo kana belenna wola saraka-mintantɛnu bɔla loroko-laraka!

Tɔn-Fɔɛ-Fila-Nyɔgɛ 12:18

Wobɛ wola dannu anubɛ wola wɔli-kɛlɛnu anubɛ Lifayi mɔgɛ minnu siginɛ wo tɛma, wo damasi ni kɔ-fan kɛnu dɔn wota Mari Allata kan-tina-yabɔnɛ wo rɔ. Wo si sewa nyɔ rɔ ka a tɛgɛ wo ara koe minnu nadan Mari ye.

Tɔn-Fɔɛ-Fila-Nyɔgɛ 12:4

“Wo kana wota Mari Alla bato iko mɔgɛ kɛnu bi anuna bɛsɛnu kɔla nya min.

Tɔn-Fɔɛ-Fila-Nyɔgɛ 14:23

Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Tɔn-Fɔɛ-Fila-Nyɔgɛ 14:24

Ni Allata duwɛ tora wo kuma, wo ni yaka-siyaman sɔrɔn kɔnɔ a ni a taran, wo ye tala a dila Mari ma kan min, wo fɛ-yan wo la,

Tɔn-Fɔɛ-Fila-Nyɔgɛ 15:20

San-bo-san, wole Isirɛla mɔgɛnu anubɛ wola denbayɛnu si kolo-fan kɛ donu dɔn Marita kan-tina-sɛnimɛ rɔ.

Tɔn-Fɔɛ-Fila-Nyɔgɛ 16:11

Wo si nyagalen nyɔ rɔ wota Mari Allata kan-tina-yabɔnɛ wo rɔ, wobɛ wola dannu anubɛ wola wɔli-kɛlɛnu anubɛ Lifayi mɔgɛnu anubɛ sundannu anubɛ kelennɛnu anubɛ kɛɛ-musinu, wobɛ minnu siginɛ.

Tɔn-Fɔɛ-Fila-Nyɔgɛ 16:15

bawo Marita duwɛ ara to wo ye. Wola ki-fannu sabatira. Wo ni wota Mari Alla gbiliya ka Lele-Sɔɛ-Ladɛn kɛ tele wɔrɔnfila kɔrɔ Marita kan-tina-yabɔnɛ wo rɔ.

Tɔn-Fɔɛ-Fila-Nyɔgɛ 16:2

San-bo-san, Abibu karɛ kɛ la, wo si ta kan-tina-kelan wo rɔ min yabɔnɛ Mari bolo. Wo si wola kolo-fannu kan natɛgɛ nyɔ ka wo ma wola Kanan-Ko-Ladiyɛ dɔn-fen-sarakɛnu na.

Tɔn-Fɔɛ-Fila-Nyɔgɛ 16:7

Wo si soge wonu te ka anu dɔn Marita kan-tina-yabɔnɛ wo rɔ. Wo banda kɛ, wo si sɛgi wo warɛ.

Tɔn-Fɔɛ-Fila-Nyɔgɛ 17:8

“Ni a taranta, kiti tɛgɛ gbɛlɛyara wola kiti-tɛgɛlɛ do bolo, a ti ke min natɛgɛla a nyɛrɛ ma, a si kumɛ wo lata Marita kan-tina-yabɔnɛ wo rɔ. A ni a taran, bolo-fen-ko-kɛlɛ le, ni wo ma, a ni ma gbalo-ko-kiti la, ni wo ma, a ni ma mɔgɛ-faga-ko-kumɛ la, ni a ti ke kuma-su kɛnu banna,

Tɔn-Fɔɛ-Fila-Nyɔgɛ 18:6

“Ni saraka-masɔlɛ do bɔra wola soe donu tɔ ka ta saraka-masɔ-wɔlɛ kɛ Mari ye, kan-tina-yabɔni-kelan wo rɔ nyɔ, a si wɔlɛ wo kɛ le iko saraka-masɔlɛ doi minnu siginɛ nyɔ.

Tɔn-Fɔɛ-Fila-Nyɔgɛ 26:2

wo si wola dɔn-fen-kun-fɔlɛnu bi ka anu sa sendenu tɔ ka ta anu na kan-tina-kelan wo rɔ wota Mari Alla si na min yabɔ wo si a bato kan min.

Tɔn-Fɔɛ-Fila-Nyɔgɛ 31:11

Mɔgɛnu ba na ladɛn rɔ, wo si tɔn kɛnu karan anu ye Marita kan-tina-yabɔnɛ wo rɔ.

Kɔlɔsi 2:9

ado Alla wara-koe-mumɛ-bɛɛ taranta Kirasiti le tɔ.

Hiburunu 12:22

Kɔnɔ wole ara ke Sayɔn kɔnkɛ min ma, Mansa Dawudata kɔnkɛ le wo la anubɛ Alla-nimɛta soe, Yerusalɛm min bi Arinyɛni tɔ, kɔni. Allata melika waga siyamɛ minnu nadɛnnɛ nyɔ, sewɛ ye wonu yisi rɔ.

Yasowa 18:1

Anu banta kɛlɛ kɛla wati min, Isirɛla mɔgɛ bɛɛsi nara Sailo. Saraka-masɔlɛnu anubɛ anu madɛnbɛnɛnu ya Marita Fani-Bɔn sɔ nyɔ.

Yasowa 22:11

Kɔnɔ Isirɛla mɔgɛ toenu ya a lamɔɛn tumɛ min ko anu ta-nyɔgɛnu bara saraka-mintan-tinɛ ladan, anu ya anu nyɔgɔn nadɛn Sailo soe burɔ ka ta anu ta-nyɔgɛnu kan ma.

Yasowa 9:27

Kɔnɔ wo wati rɔ, a ya anu ma wɔli-kɛlɛnu na. Anu mara sɔgɔ-nyininɛnu anubɛ yi-bilɛnu na. Mari ya saraka-mintan-tinɛ min yabɔ a bato-koe la Isirɛla mɔgɛnu ye, anu bi wɔlɛ wo le kun na bɔn la nyɔ ha bi.

Lankɛnimayɛ 14:1

Wo kɔma, n ya n yɛ lata tun. N ya saga-dan wo sɔnɛ yen Yerusalɛm kɔnkɛ kuma. N ya mɔgɔ waga kɛmɛ, waga bi-nani, ani waga nani (144,000) yen sɔni a fɛ. Saga-dan wo tɔgɛ anubɛ a Fa tɔgɛ sɛbɛnɛ wonu telɛ ma.