Tɔn-Fɔɛ-Fila-Nyɔgɛ 12:4 - ALLALA KUMƐ

⁴ “Wo kana wota Mari Alla bato iko mɔgɛ kɛnu bi anuna bɛsɛnu kɔla nya min.

Tɔn-Fɔɛ-Fila-Nyɔgɛ 12:4 ပူးပေါင်းရင်းမြစ်များ

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

Saraka-Masɔlɛnuta Tɔnnu 20:23

Ni kei ya a sa a berennuna musi fɛ, ni wo ma, a fanuna musi, a ara a berennu nayarabi anubɛ a fanu. Ni kei ya a sa a fanuna musi fɛ, ni wo ma, a berennuna musinu, wo mɔgɔ sunu ti dan sɔrɔn ha anu si faga. Wo hakɛ-dunɛ si to anu denu kuma.

Tɔn-Fɔɛ-Fila-Nyɔgɛ 12:3

Anu si sarakɛnu mintan anuna bɛsɛnu bi kan min, wo ni wonu wayan ka anu tanyɛnsɛn. Anu bi kuru-lɛsɛnɛ minnu kɔla, wo si anu tatii. Anuna kɔlɔma minnu nadannɛ iko musila muninyɛ, anu bi min kelela Asura, wo ni bɛsɛ wonu tɛgɛ ka anu mintan. Wo le si a ma, mɔgɛnu ti ta bɛsɛ wonu kɔ kan-tinɛ wonu tɔ tun.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 20:18

Wo ye wo mala alako wonu kana wo karan anuna bɛsɛ-kɔ-bolo-yogomɛnu na. Ni wo bilara anu fɛ, wo ara hakɛ kɛ wota Mari la.

Yasowa 22:15

Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?