Tɔn-Fɔɛ-Fila-Nyɔgɛ 12:31 - ALLALA KUMƐ

³¹ Wo kana wota Mari Alla bato iko anu denu bi anuna bɛsɛnu kɔla nya min bawo anu bi layarabi-koe ladanna min ma di Mari ye. Hali anuna dannu kɛndɛ, anu bi anu mala sarakɛ la ka anu mintan gburr!

Tɔn-Fɔɛ-Fila-Nyɔgɛ 12:31 ပူးပေါင်းရင်းမြစ်များ

2 Mansɛnu 16:3

A ya Isirɛla mansɛnu sɔn bi hali ka a halala-den-kei ma saraka-mintantɛ la bɛsɛnu ye. Min kolo wo ko, Mari ya mɔgɛ minnu gben nyamanɛ wo rɔ nyɔ nun, wonu taranta kisimiriya-koe kɛ le sufa mala nun.

2 Mansɛnu 17:31

Ifa kɛnu ya anuna bɛsɛnu nadan minnu tɔgɛ le Nibahasi anubɛ Tarataki. Sifafeyim kɛnu ya anuna bɛsɛnu nadan minnu tɔgɛ le Adamɛlɛki anubɛ Anamɛlɛki. Wonu kɛnɛna anuna dannu mintanna bɛsɛ kɛnu ye.

2 Mansɛnu 21:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Mansɛnu 3:27

Mohabu mansɛ wo ke soe tun, a ya ala den-kei fɔlɔtɛ bi min si sigi a gbɛ rɔ nun ka wo ma saraka-mintantɛ la soe wo tarɛ kuma. Isirɛla mɔgɛnu ya wo yen min kɛ, anu ma sisi wo mafɛlɛnna. Anu sɛgira anu barɛnu tɔ.

2 Ko-Kɔrɔta-Karan 33:2

Mansa Manasa ya hakɛ kɛ Mari la ka kisimiriya-koenu ma iko Mari ya mɔgɛ minnu gben Isirɛla mɔgɛnu yarɔ fɔlɔ nun.

2 Ko-Kɔrɔta-Karan 36:14

Min sanɛ wo kuma, kun-tiginu anubɛ saraka-masɔlɛnu anubɛ Isirɛla mɔgɛnu tora ko yogomɛ mala iko sibolo-gbɛrɛ minnu bi anuna foolɛnu tɔ. Mari nyɛrɛ ara a Bato-Bɔn min sɛninya nun, anu ya wo latinya.

Yaburi 106:37

Anu ya anuna den-keinubɛ anuna dunmusinu ma sarakɛ la Kenan kɛnuna bɛsɛnu ye.

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Yɛrɛmaya 32:35

Anu bara saraka-mintan-tinɛnu sɔ Hinom lɛɛ rɔ Beyali ye, anu si anuna dannu mintan kan min bɛsi Molɛki ye. A ko ale ma a fɔ ko anu ni kisimiriya-koe wonu ma. A miriya ma tugu wo la lefan, ni Yuda kɛnu si bɔ ko sufa wo la.

Yɛrɛmaya 7:31

Wole Yuda kɛnu bara bɛsi-kɔ-tinɛ min tɔgɛ Tofɛti sɔ Bɛn-Hinɔm lɛɛ rɔ. Wo ye wola den-keinu anubɛ wola dunmusinu mintanna bɛsɛnu ye nyɔ rɔ, ado Mari ko ale ma tɔn wo di wo ma. Ado nfan, a miriya ma tugu wo la lefan!

Isikiyɛli 20:31

Ha bi, anu bi kɔ-fen kelan kɛ dila anuna bɛsɛnu ma, ado anu bara anuna dannu ma saraka-mintantɛnu na ale bɛsɛ kelan wo ye min kɛ, woletɔ anu bara anu nyɛrɛ latinya. Wo kɔma, anu bi anu tuila ka na n sako-lɔn-tinɛ tun. Nde, anu Tigi Mari ara n keli ko n ti sɔn, anu ni n manyinika ko-wo-ko la.

Isikiyɛli 23:27

N si tɔn sigi ila kei-koteyɛ la. I dennɛ ya ila kisimiriya-koe minnu dabira Iyipiti, n si tɔn sigi wo bɛɛ la. I ti i yɛ sɔ bɛsɛnu na tun hali ka i miri Iyipiti wara-koe ma.

Saraka-Masɔlɛnuta Tɔnnu 18:21

“Wole Isirɛla mɔgɛnu kana sɔn, mɔgɛ ni ala dan ma sarakɛ la Molɛki bɛsɛ ye. Ni min ya wo ma, wo ara mata Mari Alla tɔgɔ tinya.

Saraka-Masɔlɛnuta Tɔnnu 18:3

Wo kana Iyipiti mɔgɛnuna kɛ-nya bi, wo siginɛ kan tinɛ minnu tɔ fɔlɔn. Wo kana Kenan mɔgɛnu kɛ-nya bi, wo ye tala kan min fanan.

Maika 6:7

Ni ma nara saga waga-siyaman na Mari ye, wo si a hɛnɛ? Ni ma nara tuli la, kurukurun ti min ban, tarali ti min ban, wo si a ma, Mari ni sewa ma la, wa? Ni ma ya mala den fɔlɛnu ma sarakɛnu na Mari ye, wo si a ma, ma hakɛ ma ni koto, wa?”

Tɔn-Fɔɛ-Fila-Nyɔgɛ 12:30

Wo wa ban mɔgɛ wonu fagala wota Mari Alla sɛnbɛ kɔrɔ tumɛ min, wo kana anuna batoli-kɛ-nya bi. Ni wo ya wo ma, wo si ma gbalo la wo ye. Anu bi anuna bɛsɛnu kɔla nya min, wo kana a lɔn defan!

Tɔn-Fɔɛ-Fila-Nyɔgɛ 12:4

“Wo kana wota Mari Alla bato iko mɔgɛ kɛnu bi anuna bɛsɛnu kɔla nya min.

Tɔn-Fɔɛ-Fila-Nyɔgɛ 20:18

Wo ye wo mala alako wonu kana wo karan anuna bɛsɛ-kɔ-bolo-yogomɛnu na. Ni wo bilara anu fɛ, wo ara hakɛ kɛ wota Mari la.

Tɔn-Fɔɛ-Fila-Nyɔgɛ 9:4

“Wota Mari Alla wa ban fanka dila wo ma tumɛ min ka mɔgɛ kɛnu faga, wo kana wo miri bawo wo sɔn kin, woletɔ a ya nyamanɛ wo di wo ma. Kɔnɔ a sa wo nya. A ya nyamanɛ wo di wo ma bawo Kenan mɔgɛnu wunduyogo.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.