Tɔn-Fɔɛ-Fila-Nyɔgɛ 12:2 - ALLALA KUMƐ

² Wo wa ta nyamanɛ wo rɔ, wo ni nyɔ-mɔgɛnuna bɛsi-kɔ-tinɛnu tinya feufeu! Ni anu bi kɔnkɛ denu kuma, wo ni ta anu tinya. Ni anu bi gbɔngbɔn denu kɔrɔ, wo ni ta anu tinya fanan.

Tɔn-Fɔɛ-Fila-Nyɔgɛ 12:2 ပူးပေါင်းရင်းမြစ်များ

1 Mansɛnu 14:23

Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

1 Mansɛnu 3:2

Wo wati rɔ, mɔgɛnu taranta sarakɛnu bɔla saraka-bɔ-tina-siyaman tɔ bawo Mari Bato-Bɔn ma sɔ wɛ nun.

2 Mansɛnu 11:18

Nyɔ-nyamanita-mɔgɛ wo damasi wulita ka ta bɔn wo la anu si Beyali kɔ kan min. Anu ya saraka-bɔ-tinɛnu tinya nyɔ ka bɛsɛ wonu tinya. Anu ya bɔn wo tinya fanan. Wo kɔma, anuna bɛsi-kɔlɛ min tɔgɛ Matan, anu ya wo fanan faga saraka-mintan-tinɛnu dafɛ nyɔ. Yɛhoyada ya kandali-kɛlɛ donu to Mari Bato-Bɔn makandan tinɛ nyɔ.

2 Mansɛnu 16:4

Ale Mansa Ehasi kɛnɛna sarakɛnu bɔla ka isɛntinu mintan Alla-batobɛlɛnuna kɔ tinɛnu tɔ kɔnkɛnu anubɛ kɔlɔma-kuru-wɛnu kɔrɔ.

2 Mansɛnu 23:13

Yuda mɔgɛnu kɛnɛna Saidon kɛnuna bɛsɛ do kɔla nyɔ min tɔgɛ Asitɔra. Anu kɛnɛna Mohabu kɛnuna bɛsɛ do kɔla nyɔ rɔ min tɔgɛ Kimasi. Anu kɛnɛna Amon kɛnuna bɛsɛ do kɔla nyɔ rɔ min tɔgɛ Molɛki. Isirɛla Mansa Silamɛni ya bɛsi-kɔ-tina-mayɛlɛnɛ minnu nadan Yerusalɛm tele-bɔɛ wara la, Kasara kɔnkɛ dugula wara la, ale Mansa Yosaya ya wo damasi latinya.

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Bɔ-Koe-Iyipiti 23:24

Wo kana mɔgɛ wonuna bɛsɛnu kɔ. Wo kana wɔlɛ kɛ anuna bɛsɛnu ye. Wo kana sibole wonu kɛ-nya bi, fɔ anu bi anuna kuri minnu kɔla, wo ni anuna bɛsɛ wonu halaki pɔɔ, ka wonu takerikeri.

Aiseya 36:7

Tumado wo ye a fɔla le ma ye ko wo ye lala le wota Mari Alla la? Mansa Hɛsakaya ya kan-tina-mayɛlɛnɛ minnu tinya wonu na, ale Mari bato tinɛ le ma wonu na, wa? Wo kɔma, a ma a fɔ wole Yuda kɛnu ye ko wonu ni to sarakɛnu bɔla saraka-mintan-tina kelan wo rɔ Yerusalɛm, wa?

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 3:2

Wo ni wo yɛ lata kɔnkɛnu kuma. Kɔnkɛ do ye nyɔ, wo ma yɛlɛnyɛ kɛ wɛ kan min, ba? Wo ye tala wo sigila kila-kunyɛnu na ka wo kenintenu makɔni iko Arabu bumali-kɛlɛnu si sigi nya min. Wo ara wola nyamanɛ latinya bawo wo ara wo nyɛrɛ ma yɛlannu na ka ko-yogomɛnu nadan.

Yɛrɛmaya 3:6

Mansa Yosaya ye Yuda nyamanɛ kun na wati min, Mari kumara nde, Yɛrɛmaya ye. A ko, “Yɛrɛmaya, Isirɛla mɔgɛnu bara min ma nun, i wara wo ragbɛ i nyɛrɛ yɛ la, wa? Anu bara ta bɛsi-kɔ-tinɛ kɔnkɛ bɛɛ kuma anubɛ kɔlɔma-kuru-wɛnu kɔrɔ. Wo mara yɛlɛnyɛ la nde, Mari yala.

Hoseya 4:13

Wo ye bɛsɛnu kɔla kan-tina-mayɛlɛnɛnu tɔ kɔnkɛnu kuma kɔlɔma-kuru-wɛnu kɔrɔ bawo nyɔ-ninɛ di wo ye. “Wo ara kɛ-nya-yogomɛnu bi min kɛ, wola dunmusinu anubɛ wo mamani-nyaganɛnu bara anu nyɛrɛ don yɛlɛnyɛ rɔ.

Yilan-Yilan Koe 22:41

Wo wulun sɔgɔma, Mansa Balaki ya Belam bi ka ta a la Mohabu kɔnkɛ do kuma, anu si anuta bɛsɛ donu kɔ kan min. Anuta bɛsɛ tɔgɛ le Beyali. Anu tenbi kɔnkɛ wo kuma, anu si Isirɛla mɔgɛ donu yen wula-yan bɛ la.

Tɔn-Fɔɛ-Fila-Nyɔgɛ 7:5

Woletɔ wo ni anuna saraka-mintan-tinɛnu wayan ka anu tanyɛnsɛn. Anu bi kuru-lɛsɛnɛ minnu kɔla, wo si wonu tatii. Anuna kɔlɔma minnu muninyanɛ anuna bɛsi-musumɛ la min tɔgɛ Asura, wo ni wonu tɛgɛ ka anu mintan.

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.