Tɔn-Fɔɛ-Fila-Nyɔgɛ 12:18 - ALLALA KUMƐ

¹⁸ Wobɛ wola dannu anubɛ wola wɔli-kɛlɛnu anubɛ Lifayi mɔgɛ minnu siginɛ wo tɛma, wo damasi ni kɔ-fan kɛnu dɔn wota Mari Allata kan-tina-yabɔnɛ wo rɔ. Wo si sewa nyɔ rɔ ka a tɛgɛ wo ara koe minnu nadan Mari ye.

Tɔn-Fɔɛ-Fila-Nyɔgɛ 12:18 ပူးပေါင်းရင်းမြစ်များ

Yaburi 32:11

Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.

Yaburi 68:3

Kɔnɔ telenbagɛnu si sewa a yakɔrɔ. Anu si nyagalen ka a lawɔyɔ sewɛ bolo.

Hɛnkilimaya-Kumɛnu 3:17

A si a ma, i niyi ra ni diya ka yisi-kimɛ di i ma i siyi-tele-bɛɛ kɔrɔ.

Makawandili Kumɛnu 3:12

Nba, min fisa, mɔgɔ tenbi a niyi la, a ni to a nyɛrɛ ladiyala a siyi-tele-bɛɛ kɔrɔ.

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Aiseya 12:3

Iko yi-kimanɛ si a diya don mɔgɔ kan-nagbalanɛ rɔ nya min, Allata mɔgɛnu bi sewala wo nya na le, a wa anu nakisi tumɛ min.”

Kɛwɔlɛnu 16:34

A tara Pɔli anubɛ Sailasi la ala bɔn la ka dɔn-fan di anu ma. Ale anubɛ ala bonna-mɔgɛ bɛɛ sewara bawo anu bara dɛnkɛninya Alla ma.

Kɛwɔlɛnu 2:46

Anu tora anu nyɔgɔn nadɛnna Alla-Bato-Bɔn la tele-wo-tele. Anu ya fen-dɔn-kɛ anu nyɔgɔn fɛ ka Marita kima dɔn anu barɛnu tɔ sewɛ anubɛ famayigiyɛ rɔ.

1 Kɔrɛnti 10:31

Woletɔ ni wo ye fen dɔnna, ni wo ye wo minna, ni wo ye ko-wo-ko kɛla, wo ni wo bɛɛ kɛ alako Alla ni gbiliyɛ sɔrɔn wo bɛɛ rɔ.

Kalesiya 5:22

Kɔnɔ Allata Ni-Sɛnimɛ si wo labila min na, wo le kɛnu na, keninteyɛ wo, sewɛ wo, yisi-kimɛ wo, munyɛ wo, dinyɛ wo, nyimayɛ wo, lanayɛ wo,

Tɔn-Fɔɛ-Fila-Nyɔgɛ 12:14

Mari ara kan-tina-kelan min yabɔ wo ye bɔnsɔn-mɔgɛ donuta nyamanɛ rɔ, wo ni sarakɛnu bɔ nyɔ rɔ. Wo ni a bɛɛsi ma nyɔ le iko n bara a fɔ wo ye nya min kɛ la.

Tɔn-Fɔɛ-Fila-Nyɔgɛ 12:19

Fananta wo ye nyamanɛ wo rɔ, wo ni a ma wo fɛrɛma de, wo kana nyina Lifayi mɔgɛnu ko dɛɛ!

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 12:7

wo si a dama bɔ nyɔ wota Mari Alla ye. Bɛɛ si ta ala denbayɛ la nyɔ rɔ ka fen-dɔn-kɛ ka sewa wo fannuna ko la wo ara minnu sɔrɔn wo Mari bolo.

Tɔn-Fɔɛ-Fila-Nyɔgɛ 14:23

Mari ya kan-tina-kelan min yabɔ wo ye wo si a bato kan min, wo tenbi tala nyɔ rɔ, wo ni ta wola fui-fannu na anubɛ wola nako-fannu anubɛ wola kolo-fannu den fɔlɔtɛnu na ka ta wonu ma yaka la nyɔ. Wo tenbi nyɔ rɔ gbɛ, wobɛ Lifayi bɔnsɔn-mɔgɛnu si wola yaka wo dɔn Marita kan-tina-yabɔnɛ wo rɔ. Wo si to kɛ le mala ka Alla gbiliya tuma-wo-tuma.

Tɔn-Fɔɛ-Fila-Nyɔgɛ 15:20

San-bo-san, wole Isirɛla mɔgɛnu anubɛ wola denbayɛnu si kolo-fan kɛ donu dɔn Marita kan-tina-sɛnimɛ rɔ.

1 Samuwɛli 1:4

Ɛlakena wa sarakɛ bɔ tuma-wo-tuma, a si ala musi Pɛnina anubɛ ala dannu kɔ saraka-soge wo do rɔ.