Tɔn-Fɔɛ-Fila-Nyɔgɛ 12:10 - ALLALA KUMƐ

¹⁰ Wo wa Yorodan bɛ kɛ tɛgɛ wati min, wota Mari Alla si a ma, wo si lanyiri-nyamanɛ wo bi wo si sigi kan min. A si wo tanka wo yogenu ma. Wo si sigi lafɛrɛ rɔ.

Tɔn-Fɔɛ-Fila-Nyɔgɛ 12:10 ပူးပေါင်းရင်းမြစ်များ

1 Mansɛnu 4:25

Ata wati rɔ, Yuda mɔgɛnu anubɛ Isirɛla mɔgɛnu tora yisi-kimɛ rɔ. Ala nyamanita-mɔgɛ bɛɛsi tora sewɛ rɔ ala mansaya-wati bɛɛ kɔrɔ. Dɔn-fen ma dasa ala nyamanita-mɔgɛ wo do-wo-do ma.

1 Mansɛnu 8:56

“Alamɛ gbiliyɛ dira Mari ma min bara yisi-kimɛ di ala mɔgɛnu ma iko a ya a fɔ anu ye nya min. Hali lanyiri-kelen-bɛrɛn ma tinya a ya min fɔ Musa ye Isirɛla mɔgɛnuna ko la.

1 Ko-Kɔrɔta-Karan 22:18

A ya a fɔ mɔgɔ-ba wonu ye ko, “Wota Mari Alla ye wo fɛ nun, ado a ya a ma, wola nyamanɛ kan tinɛ bɛɛ tora yisi-kimɛ rɔ. Ale ya fɛrɛ di n ma ka nɔ-ko sɔrɔn mɔgɛnu ma minnu siginɛ yan nun. Hali kaka, anu bi wole anubɛ Mari kɔrɔ.

Yaburi 4:8

N ba n sa kinɔgɛ rɔ suyi rɔ, n si kinɔgɔ n fanbolo bawo ile Mari le kelen pe ye n matankala.

Bɔ-Koe-Iyipiti 33:14

Mari ko, “Nba, ale le wo la. N bara sɔn. Nde nyɛrɛ si to wo tɛma gbɛ! Wo si a ma, do ni bɔ ila dunɛ la ka i yisi kimɛ.”

Hɛnkilimaya-Kumɛnu 1:33

Ni mɔgɛ min ya a tole masɔ nna hɛnkilimaya-kumɛ kɛ la ka a bira, wo tigi la si feri. Hɔn ti taran wo la. Wo ko-wo-ko sa nyɔ a si kilan min na.”

Yɛrɛmaya 23:6

A ko a tenbi nyamanɛ wo kun na, Yuda nyamanita-mɔgɛnu si taran anu diya. Isirɛla nyamanita-mɔgɛnu si taran lafɛrɛ rɔ. Anu si ale kele ko, “Mari Mata Kisila-Latelennɛ.”

Yɛrɛmaya 32:37

A ko a ara ata mɔgɛnu tanyɛnsɛn nyamanɛ minnu tɔ ata fondo-bɔ-belebele la, a si wonu kundɛn tun. A ko a si na anu na soe kɛ rɔ tun. Anu ni sigi yan yisi-kimɛ rɔ.

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 34:25

Ma si sarama-kan kiri ma nyɔgɔn tɛma alako anu nakanannɛ si to nya min. Sogo-nyɛɛnɛ minnu bi anuta nyamanɛ wo rɔ, n si wo bɛɛ lato dogbe! Woletɔ nna sagɛnu si to lafɛrɛ rɔ bin-dɔn-tinɛ, ado anu si ke kila-gbɔngbɔn kɔrɔ lafɛrɛ rɔ fanan.

Isikiyɛli 34:28

Sibole minnu ma nde, Alla lɔn, wonu ti anu kankan wo rɔ tun, ado sogo-nyɛɛnɛnu ti anu faga tun ka anu dɔn. Anu si to lafɛrɛ rɔ. Mɔgɔ-wo-mɔgɔ ti anu kumakɔ.

Isikiyɛli 38:11

A ko ale Kɔgi si a latɛgɛ ko a ni bui Isirɛla nyamani-kimanɛ wo ma min nafɛrɛnɛ, ado tarɛ minini ma nyamanɛ wo soenu ma.

Isikiyɛli 38:8

San-siyaman ba tenbi, a wati-bɛrɛ wa ke, Isirɛla mɔgɛ minnu nara ka bɔ sibolo-siyamɛnu tɛma, a ni ta bui wonu ma, ado wonu bara mɛ sigini lafɛrɛ rɔ, anu yili-wo-yili sa kɛlɛ ma tun. Isirɛla kɔnkɔ-nyamanɛ min tinyanɛ ara mɛ, ado mɔgɛnu nafɛrɛnɛ siginɛ a rɔ kaka, anu si bui nyɔ ma.

Tɔn-Fɔɛ-Fila-Nyɔgɛ 11:31

A ara to doni, wo ni Yorodan bɛ tɛgɛ ka ta wo sigi lanyiri-nyamanɛ rɔ. Wo wa ban nyamanita-mɔgɛ wonu kɛlɛla tumɛ min ka wo sigi-bole rabɛn,

Tɔn-Fɔɛ-Fila-Nyɔgɛ 3:27

Mari ya a fɔ n ye tun ko, ‘I si min ma, yɛlɛ Pisiga kɔnkɛ kuma. I ni lanyiri-nyamanɛ mafɛlɛn. I ni dugula-waralɛ mafɛlɛn anubɛ kantɔ-waralɛ. Wo kɔma, i ni tele-bɔɛ waralɛ mafɛlɛn anubɛ tele-yigi waralɛ. A mafɛlɛn a kila-bɛrɛbɛrɛ fɛ bawo wo sɛ sa i ye ka Yorodan bɛ wo tɛgɛ.’

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Tɔn-Fɔɛ-Fila-Nyɔgɛ 33:28

Wole Yakoba kegeyɛnu, wo si to yisi-kimɛ rɔ. Wo sigi-bole ra si bɛn wo ma lanyiri-nyamanɛ wo rɔ. Fenfen ti ban wo bolo. Wo si dɔn-fen siyaman sɔrɔn. Duri si to yigila wola ki-fannu kuma tuma-wo-tuma.

Tɔn-Fɔɛ-Fila-Nyɔgɛ 4:22

Nde sa bɛ tɛgɛla tun, ado n bi nala fagala kaka. Kɔnɔ a ara to doni, wole ye bɛ tɛgɛla ka don nyɔ.

Tɔn-Fɔɛ-Fila-Nyɔgɛ 9:1

Musa ya a fɔ Isirɛla mɔgɛnu ye ko, “Wo ni wo tole masɔ! A ara to doni, wo ni Yorodan bɛ kɛ tɛgɛ ka ta wo sigi mɔgɔ-ragbɛlɛmɛnuna nyamanɛ rɔ, ado anu siya wo ko kati! Anuna soenu kolo dɔgɔma-ma-de! Anuna tarɛnu yan pon!

Yasowa 11:23

Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.

Yasowa 14:1

Yasowa anubɛ Saraka-Masɔla-Kun-Tigi-Wɛ Ɛliyasa anubɛ Isirɛla bɔnsɔn kebila-kun-tigi, wonu ya Kenan nyamanɛ fara Isirɛla mɔgɛnu tɛma ka le.

Yasowa 3:17

Saraka-masɔlɛnu tara tun tɔn-kenkirɛ la anu bolo ka sɔ Yorodan tɛma ha mɔgɛ bɛɛ tenbira dugu-gbalanɛ kuma.

Yasowa 4:12

Kɛlɛ-dannu, mɔgɔ waga bi-nani (40,000) ka bɔ bɔnsɔn kɛnu tɔ, Rubɛn, Kadi, anubɛ Manasa bɔnsɔn-talɛ, kɔni, wonu sɔra Isirɛla mɔgɛnu yarɔ ka anu daga makɛ lɛɛ rɔ yanni anu ni ke Yɛrikɔ soe iko Musa ya kumɛ wo fɔ anu ye nya min.

1 Samuwɛli 7:12

Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”