Tɔn-Fɔɛ-Fila-Nyɔgɛ 11:8 - ALLALA KUMƐ

⁸ “N ya tɔn kɛ min damasi di wo ma bi, wo ni wonu bira. Ni wo ya wo ma, wo si ke le Yorodan bɛ tɛgɛla worɔ ka ta nyamanɛ wo bi, wo ye tala sigila kan min.

Tɔn-Fɔɛ-Fila-Nyɔgɛ 11:8 ပူးပေါင်းရင်းမြစ်များ

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Aiseya 40:31

Kɔnɔ minnu bi anu yɛ bɛnna Mari ma anu dɛnbɛn-koe rɔ, wonu sɛnbɛ ma si to kofula. Anu wara-koe si to yɛlɛla iko kokɛ wa a kanban rafulen san ma. Anu si anu buri furr, kɔnɔ anu ti bandan. Anu si tagama ha, kɔnɔ anu ta ti kun.

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Ɛfɛsa 3:16

N bi Alla matarala ko a ni sɛnbɛ di wo ma ata Ni-Sɛnimɛ baraka rɔ alako wo ni sɛnbɛ sɔrɔn wo yisi rɔ iko ala gbiliya-waranɛ ye nya min.

Ɛfɛsa 6:10

Nba, ka kumɛ kundon, Marita sɛnbɛ ni a ma, wo ra ni gbɛlɛya.

Tɔn-Fɔɛ-Fila-Nyɔgɛ 11:7

Tonyɛ le, wole ara kabana-koe kɛ damasi yen wo yɛ la.”

Tɔn-Fɔɛ-Fila-Nyɔgɛ 28:47

Wo ma sɔn Mari sako-kɛ-koe ma wo yisi-sewanɛ la wo tumɛ wo ye wo diya,

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Tɔn-Fɔɛ-Fila-Nyɔgɛ 4:14

Mari ya a fɔ n ye ko n ni wo karan tɔn wo bɛɛsi la, woletɔ wo wa ta nyamanita-mɔgɛ wonu kɛlɛ ka wo sigi nyɔ, wo si to wo mirila Marita tɔn kɛnu ma ka a latɔnbagaya worɔ.”

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo