Tɔn-Fɔɛ-Fila-Nyɔgɛ 11:24 - ALLALA KUMƐ

²⁴ Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

Tɔn-Fɔɛ-Fila-Nyɔgɛ 11:24 ပူးပေါင်းရင်းမြစ်များ

1 Mansɛnu 4:21

Wo wati rɔ, Mansa Silamɛni ya mansayɛ kɛ nyamanɛ wo bɛɛ kun na ka bɔ Yufereti bɛ ma ha ka ta a sigi Filisitinuna nyamanɛ la. Ala nyamanɛ wo le tara furr, ha ka ta ke Iyipiti nyamanɛ ma. Nyamanita-mɔgɛ wo damasi wɔlita Mansa Silamɛni ye ka duti di a ma. Anu tora wɔlila a ye a siyi-tele-bɛɛ kɔrɔ.

1 Mansɛnu 4:24

Mansa Silamɛni ya kun-tigiyɛ kɛ nyamanɛ wo bɛɛ kun na. Ale le ye Yufereti bɛ tele-yigi waralɛ bɛɛ kun na ka a bi Tifisa soe ma ha ka ta sigi Kesa soe la. Mansɛ min bɛɛ ye Yufereti bɛ tele-yigi wara la, wonu bi ale le kɔrɔ. A ya yisi-kimɛ sɔrɔn a sigi-nyɔgɛ bɛɛsi bolo.

2 Ko-Kɔrɔta-Karan 9:26

Ka a bi Yufereti bɛ ma ka ta a sigi Filisitinuna nyamanɛ la ha ka ta ke Isirɛla anubɛ Iyipiti dan ma, ale le ye tɛngbɛnya wo mansɛ bɛɛ kun na.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Yowɛli 2:20

Kɛlɛ-den-siyamɛ minnu nara ka bɔ kantɔ-wara la a ko a si wo doinu kunyɛ lasɛgi a rɔ wulɛ wara la. Kɛlɛ-den yarɔ-sɔlɛ wonu si ta bui Dalɛ-Faganɛ rɔ. Minnu bi kɔma, wonu si ta bui Mɛdetereniyan Kɔgɔ-Yi rɔ. Wonu suyi-suma-titi-wɛ si bɔ. A ko a si kɛlɛ-dan wonu dama kasara tɛrr, ka a tɛgɛ anu bara min ma wo la nun.

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 1:8

A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 12:20

“Tumado wati do si na, wota Mari Alla si do sa wota nyamanɛ kuma iko a ya lanyiri kiri wo ye nya min nun. Wo wati wa ke, ni mɛyɛ ya wo bira, wo si soge dɔn wo rɔ iko a di wo ye nya min.

Tɔn-Fɔɛ-Fila-Nyɔgɛ 34:2

A ya Nafatali bɔnsɔntɛ mafɛlɛn. Nyamanɛ min bi tola Ifɛrɛm anubɛ Manasa ye, a ya wonu mafɛlɛn. A ya Yuda bɔnsɔn-mɔgɛnuna sigi tinɛ mafɛlɛn ha ka ta ke Mɛdetereniyan kɔgɔ-yi ma.

Yasowa 14:9

Woletɔ Nɛbi Musa ya lanyiri kiri n ye ko n tagamanta nyamanɛ min bɛɛ rɔ, wo si ma malebɛ nna dannutɛ la.