Tɔn-Fɔɛ-Fila-Nyɔgɛ 11:18 - ALLALA KUMƐ

¹⁸ “Wo ni wo miri tɔn kɛnu ma ka anu bira wo yisi rɔ gben! Wo ni anu sɛbɛ ka anu kiri wo bolenu na. Wo ni anu kiri wo telɛ ma, woletɔ wo si to wo mirila anu ma a kilɛ fɛ.

Tɔn-Fɔɛ-Fila-Nyɔgɛ 11:18 ပူးပေါင်းရင်းမြစ်များ

Yaburi 119:11

N ya ita kumɛ lamara n yisi rɔ alako n kana hakɛ kɛ i la.

Bɔ-Koe-Iyipiti 13:16

Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”

Bɔ-Koe-Iyipiti 13:9

Iko hɛnkili-bila-fan min kirinɛ mɔgɛ bole anubɛ a telɛ la, ladɛn kɛnu si ma wo hɛnkili-bila-fan la wo nya na le ko Mari ya wole labɔ yɔɔnyɛ rɔ Iyipiti nyamanɛ rɔ ata sɛnbɛ la. Woletɔ Marila tɔnnu ni to wo yisi rɔ. Wo nagankuri ni nama a fɔ tinɛ wo sɛbɛ la tuma-wo-tuma.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Hɛnkilimaya-Kumɛnu 3:3

I kana i bɔ keninteyɛ rɔ, wo kɔma, i kana lanayɛ boloka. Wonu ni ma ila kan-na-fan la ka anu sɛbɛ i yisi rɔ.

Yɛrɛmaya 32:39

A si anu to ko kelen tɔ ka anu miriya ma kelen na alako anu ni to ale Mari gbiliyala tuma-wo-tuma. Wo si ma tɔnɛ la anubɛ anuna dannu ye.

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Tɔn-Fɔɛ-Fila-Nyɔgɛ 32:46

a ya a fɔ anu ye ko, “Wo ni a ma wo fɛrɛma, n bara tɔn kɛ damasi min di wo ma kɛ la bi, wo ni wonu bira. Wo ni anu takaran wola dannu ye a kilɛ fɛ woletɔ anu si Allata karan kɛ bira anu bolo filɛ la gben!

Kɔlɔsi 3:16

Kirasitita kumɛ ni sigi wo yisi rɔ ka wara nyɔ. Wo ni wo nyɔgɔn karan ka wo nyɔgɔn makawandi hɛnkilimayɛ la. Wo ni to bɛtinu bɔla Yaburi kitabu rɔ ka sigi-sɛnimɛnu sa. Wo ni bɛti wonu bɔ Alla ye baraka-birɛ la wo yisi rɔ.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

2 Pita 1:12

Hali wo ya koe wonu lɔn kɔrɔma la, n si to wo hɛnkili labilala wonu ma tuma-wo-tuma. Wo ara tonyɛ minnu sɔrɔn, hali wo sabatinɛ wonu tɔ, n ti bandan wo lalɔnna tonyɛ wonu ma.