Tɔn-Fɔɛ-Fila-Nyɔgɛ 11:13 - ALLALA KUMƐ

¹³ “Min sanɛ wo kuma, n bara Marita tɔn minnu di wo ma bi, wo ni wonu bira. Wo ni Mari Alla keni ka ata wɔlɛ kɛ wo yisi bɛɛ la.

Tɔn-Fɔɛ-Fila-Nyɔgɛ 11:13 ပူးပေါင်းရင်းမြစ်များ

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 119:4

Mari, i nyɛrɛ le ya ila tɔnnu di ma ma, ado i ya a fɔ ma ye le ko ma ni anu bira lanayɛ la gben!

Yɛrɛmaya 17:24

Mari ko wo ni a ma wo fɛrɛma ka ata kumɛ bira a kilɛ fɛ. Wo kana na dunu-wo-dunu la Yerusalɛm don-dɛnu na Sulen-Tele ma. Wo ni Sulen-Tele bira wo bolo filɛ la ka a to sɛninyɛ rɔ. Wo kana wɔli-wo-wɔli kɛ wulɔn.

Isikiyɛli 34:26

“N si duwa anu ye, ado anu si taran nna kɔnkɔ-sɛnimɛla foolɛ rɔ. Anu makoe wa bila bandɛ la tuma-wo-tuma, n si bandɛ lana anu ye.

Saraka-Masɔlɛnuta Tɔnnu 26:3

“Ni wo ya nna tɔn damasi bira a kila-bɛrɛbɛrɛ fɛ, n ti bandan ko-nyimɛ kɛla wo ye.

Saraka-Masɔlɛnuta Tɔnnu 26:4

N si bandɛ lana a tumɛ rɔ woletɔ wola ki-fannu si nanfa dugi rɔ a kilɛ fɛ. Wola kɔlɔmanu fanan si gbɔ-siyaman kɛ.

Tɔn-Fɔɛ-Fila-Nyɔgɛ 10:12

Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 11:22

“Wo ni wota Mari Alla keni ka ata kumɛ bɛɛsi bira ka ma telenbagɛ la a ye. Ni wo ya tɔn kɛnu bira tuma-wo-tuma,

Tɔn-Fɔɛ-Fila-Nyɔgɛ 11:8

“N ya tɔn kɛ min damasi di wo ma bi, wo ni wonu bira. Ni wo ya wo ma, wo si ke le Yorodan bɛ tɛgɛla worɔ ka ta nyamanɛ wo bi, wo ye tala sigila kan min.

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Tɔn-Fɔɛ-Fila-Nyɔgɛ 6:17

Wo ni a ma wo fɛrɛma. A ara tɔn min bɛɛsi di wo ma, wo ni ata tɔn wo damasi bira.

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.