Tɔn-Fɔɛ-Fila-Nyɔgɛ 10:22 - ALLALA KUMƐ

²² Nba, wo ni wo miri kɛ ma de! Wo benbanu bi tala Iyipiti tumɛ min, anu mɔgɔ bi-wɔrɔnfila pe! Kɔnɔ kaka, wota Mari Alla ara a ma, wo ara siyaya iko lolenu.”

Tɔn-Fɔɛ-Fila-Nyɔgɛ 10:22 ပူးပေါင်းရင်းမြစ်များ

Ko-Dabirɛnu 15:5

Mari ya a fɔ Burama ye tun ko, “Bɔ luyi ma. I ni lolenu mafɛlɛn san-kole ma. Anu siya nya min, i bɔnsɔn ye siyayala wo nya na le.”

Ko-Dabirɛnu 22:17

ko nta duwɛ si to yigila i kuma serr! N si i bɔnsɔn lasiyaya iko lolenu anubɛ ba-kɛnkɛn siyayanɛ nya min. I bɔnsɔn-mɔgɛnu si anu kɛlɛ-nyɔgɛnu nɔ.

Ko-Dabirɛnu 46:26

Yakoba bɔra ala denbayɛ minnu na Kenan ka ta Iyipiti nyamanɛ rɔ, wonu mumɛ bɛɛsi yatɛ bɛnta mɔgɔ bi-wɔrɔ ani mɔgɔ wɔrɔ (66) ma. Ala den-keinuna musinu bɔnɛ anu na.

Ko-Dabirɛnu 46:27

Yusufu ya den-kei fila sɔrɔn Iyipiti nyamanɛ rɔ. Yakoba bɔnsɔn min bɛɛ taranta Iyipiti nyamanɛ rɔ, wo yatɛ bɛnta mɔgɔ bi-wɔrɔnfila (70) ma.

Nihɛmaya 9:23

I ya a ma, anu yirita bui, ka siyaya iko lolenu. I ya anu benbanu yili-madiya nyamanɛ minna ko la, anu ya anu yogenu nɔ ka anu sigi wonuta nyamanɛ rɔ.

Bɔ-Koe-Iyipiti 1:5

Yakoba bɔnsɔn-mɔgɛnu nakofunɛ bɛnta mɔgɔ bi-wɔrɔnfila (70) ma. Kɔnɔ anu ya anu na-kelen-nyɔgɛ Yusufu taran Iyipiti.

Yilan-Yilan Koe 26:51

Mɔgɛ wo mumɛ bɛɛsi lakofunɛ bɛnta mɔgɔ waga kɛmɛ wɔrɔ mɔgɔ waga kelen, mɔgɔ kɛmɛ wɔrɔnfila anubɛ mɔgɔ bi-sawa (601,730) ma.

Yilan-Yilan Koe 26:62

Anu ya Lifayi keimɛnu dan ka a fɔlɔ min sɔrɔn ara karɛ kelen bɔ ha ka tenbi wo la, anu yatɛ bɛnta mɔgɔ waga mogan, mɔgɔ waga sawa (23,000) ma. Kɔnɔ anu bi Isirɛla mɔgɛnu danna tumɛ min, Lifayi mɔgɛnu ma kofu anu ma bawo anu ma nyamanɛ sɔrɔn anu nyɛrɛ ma.

Kɛwɔlɛnu 7:14

Wo kɔma, Yusufu ya sarakanɛ lata a fa Yakoba ma ka a fɔ a ye ko anubɛ ala denbayɛ bɛɛ ni na sigi Iyipiti nyamanɛ rɔ. Anu dama lakofunɛ, mɔgɔ bi-wɔrɔnfila ani mɔgɔ loli (75) le nun.

Tɔn-Fɔɛ-Fila-Nyɔgɛ 1:11

Alamɛ wo benbanuta Alla ya a ma, wo ni yiri boi, ka siyaya ka tenbi kɛ la. Alamɛ nɔnfuli dira wo ma iko Alla ya lanyiri kiri nya min nun.

Tɔn-Fɔɛ-Fila-Nyɔgɛ 26:5

Wo kɔma, wo si a fɔ Mari ya la nyɔ ko, ‘Ma benba anubɛ ala denbayɛ bɔra Aram nyamanɛ rɔ ka to yilan-yilanna ha anu tara anu sigi Iyipiti nyamanɛ rɔ. Anu bi tala nyɔ tumɛ min, anu ma siya kɔnɔ wati-tenbinɛ, a bɔnsɔn ya fanka sɔrɔn ka siyaya.

Tɔn-Fɔɛ-Fila-Nyɔgɛ 28:62

Hali wo siyayara iko lolenu, wo dande kɛndɛ si to bawo wo ma sɔn Allata kuman-kan latɔnbagayala.

Hiburunu 11:12

Hali a ra ma gbɛlɛ nun kɔnɔ bɔnsɔn siyaman bɔra ale kei kelan wo le tɔ. A bɔnsɔn siya iko lolenu siya nya min. Anu siya iko kɔgɔ-yi-kɛnkɛn siya nya min mɔgɛ ti ke min dan lɔnna.