Tɔn-Fɔɛ-Fila-Nyɔgɛ 10:21 - ALLALA KUMƐ

²¹ Wo ni a tanto bawo ale le wota Mari Alla la. A ya kabana-ko-wɛ minnu kɛ wo ye, wo ara wonu yen wo nyɛrɛ yɛ la.

Tɔn-Fɔɛ-Fila-Nyɔgɛ 10:21 ပူးပေါင်းရင်းမြစ်များ

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

Yaburi 109:1

E, Alla, n bi i tantola. I radeni kana to n na

Yaburi 145:6

Mɔgɛnu si ila ko-makawanɛnu bara-koe fɔ. Nde nyɛrɛ si ila bonya wara-koe rakaran.

Yaburi 148:14

A ara ata mɔgɛnu tagbɛlɛya gbon! Woletɔ anu bi a tantola, ado ala Isirɛla mɔgɛnu di a ye kati! Bɛɛ ni Mari tanto!

Yaburi 22:3

Kɔnɔ hali wo, ile le mansa-sɛnimɛ la Isirɛla kun na. A bɛnta ile le ni tanto.

Bɔ-Koe-Iyipiti 15:2

Ma kisilɛ le mata Mari la min si ma kunyɛ bɔ gbaran rɔ. Ma fanuta Alla le, ma si min gbiliya. Ma nyɛrɛta Alla le, ma si min tanto.

Bɔ-Koe-Iyipiti 34:10

Mari ko, “Mabɛ Isirɛla mɔgɛnu si lanyiri kiri ma nyɔgɔn tɛma bi. N si ko-makilannɛnu ma ila mɔgɛnu yala, kebi duninya danta min nyɔgɔn ma ma wɛ mɔgɛnu yala. N bi nala nta kabana-koe minnu mala wo ye, ita mɔgɛ minnu bi i fɛ, wonu bɛɛsi si wonu yen anu yɛ la.

Aiseya 60:19

Wo mako ti taran teleta wan-takɛ la. Wo mako ti taran karɛta wan-takɛ la. Ni i ya a yen wo ye mala bawo Mari le ye ita waan la burubukai! Ale ita Allata gbiliyɛ si waan raka i ma.

Aiseya 64:3

Ma ara tɛrɛna koe donu na ile Mari bolo, ma miri sa minnu ma. I yigira tumɛ min, kɔnkɛnu yɛrɛyɛrɛnta kumakɔɛ bolo.

Yɛrɛmaya 17:14

Mari, ni i ya n nakɛndɛya, wo tenbira lakɛndɛyɛ bɛɛ la. Ni ile ya n nakisi, wo tenbira lakisiyi bɛɛ la. Mari, n bi ile le kelen pe matɔgɔla.

Luka 2:32

I wara ila waan raka min si a ma, sibolo-gbɛrɛnu ni ila kilɛ yen anubɛ ka gbiliyɛ di ita Isirɛla mɔgɛnu ma!”

Yasowa 24:18

Sibolo-gbɛrɛ bɛɛ minnu siginɛ nyamanɛ kɛ rɔ nun, Mari ya wonu gben ma yarɔ hali Amoranu fanan. Woletɔ male si Mari Alla bato bawo mata Mari le.”

Lankɛnimayɛ 21:23

Soe wo mako mumɛ sa tele anubɛ karɛ la bawo Allala gbiliyɛ ye malanna a burɔ. Ata lɛnpu le saga-dan la.

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.