Tɔn-Fɔɛ-Fila-Nyɔgɛ 10:20 - ALLALA KUMƐ

²⁰ Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 10:20 ပူးပေါင်းရင်းမြစ်များ

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

Yaburi 63:11

Wo kɔma, mansɛ si nyagalen bawo Alla ara nɔlɛ di a ma. Minnu telennɛ Alla ye, wonu si a tanto kɔnɔ foninya-fɔlɛnu si a sigi-a-la don!

Bɔ-Koe-Iyipiti 20:7

“Mɔgɔ kana n tɔgɛ ratɛgɛ fufafui la. Ni min ya wo ma, n si wo tigi tɔrɔ.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Aiseya 45:23

A ko tonyɛ le ata lanyiri la, a ti ma kuma-fila-fɔlɛ la. A ko a fotɛ a nyɛrɛ rɔ ko mɔgɛ bɛɛ si na anu nyɛnkin a kɔrɔ. Anu si lanyiri kiri ko anu ti bɔ a wara-ko rɔ.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Luka 4:8

Yisa ya a yabi ko, “A sɛbɛnɛ Allata kitabu rɔ ko, ‘I ni ita Mari Alla kelen pe le bato ka ale kelen peta wɔlɛ kɛ!’ ”

Kɛwɔlɛnu 11:23

A kera nyɔ tumɛ min, Alla ara ata duwɛ layigi ata mɔgɛnu kuma nya min, wo yen a bolo, a sewara. A ya anu dama makawandi ko anu ni lanayɛ kɛ ka telen Mari ye anu yisi bɛɛ la.

Romu 12:9

I ni keninteyɛ yira mɔgɛnu na i yisi bɛɛ la. Bɛɛ ni ko-yogomɛ kɔn. Min kin, wo ni kiri wo le ma.

Tɔn-Fɔɛ-Fila-Nyɔgɛ 11:22

“Wo ni wota Mari Alla keni ka ata kumɛ bɛɛsi bira ka ma telenbagɛ la a ye. Ni wo ya tɔn kɛnu bira tuma-wo-tuma,

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 4:4

Kɔnɔ mɔgɛ minnu ya anu telen wota Mari Alla ye wo wati rɔ, ha kaka wonu kɛndɛ.

Tɔn-Fɔɛ-Fila-Nyɔgɛ 5:11

“A ko mɔgɔ kana ale Mari tɔgɛ ratɛgɛ fufafu! Ni min ya wo ma, a si wo tigi tɔrɔ.

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Yasowa 23:7

Wo kana bila mɔgɛ wonu fɛ minnu bi wola nyamanɛ rɔ. Wo kana anuna bɛsɛnu tɔgɛ rakele. Wo kana lanyiri kiri hali ka wo gboro anuna bɛsɛnu tɔ. Wo kana wo nyɛnkin bɛsɛ wonu kɔrɔ ka anu kɔ.

Yasowa 23:8

Kɔnɔ wo ni bila wota Mari Alla fɛ iko wo ya a ma nya min fɔlɔ ha kaka!

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”