Tɔn-Fɔɛ-Fila-Nyɔgɛ 10:18 - ALLALA KUMƐ

¹⁸ Wo ni a lɔn ko Mari ti sɔn mɔgɛ ni kɛɛ-nyaganɛnu anubɛ kelennɛnu bira boloko-yogomɛ-kɛ. Sundan minnu bi wo tɛma, wonu di Alla ye, ado ale le ye anu makoe nyinyala.

Tɔn-Fɔɛ-Fila-Nyɔgɛ 10:18 ပူးပေါင်းရင်းမြစ်များ

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Yaburi 10:18

Mɔgɔ-tɔrɔnɛ anubɛ kelennɛnu tenbi dila, i si anu di-kɛ-kan lamɔɛn, ado i si sɔ anu fɛ woletɔ hadama-dan ti a ma, mɔgɛnu ni kilan tun.

Yaburi 103:6

Mɔgɔ-tɔrɔnɛ minnu bi kun-tigi-karagbɛlɛnu kɔrɔ, Mari ye ko-latelennɛnu kɛla wonu ye ka yo di anu ma.

Yaburi 145:9

A nyimayanɛ mɔgɛ bɛɛ ma. A hinante ala dali-fannu ma.

Yaburi 146:9

Mari kɛnɛna kɛɛ-musinu anubɛ kelennɛnu dɛnbɛna. A si sibolo-gbɛrɛnu natanka minnu bi ma tɛma kɔnɔ a si karagbɛlɛnu nata anu kasara tinɛ.

Yaburi 68:5

Alla min siginɛ a Bato-Bon-sɛnimɛ la, a kolan sanɛ kelennɛnu anubɛ kɛɛ-musinu fɛ.

Yaburi 68:6

Ni mɔgɔ sa min bolo, a si mɔgɛ di wo ma. A si mɔgɔ-biranɛnu boloka ka anu nasewa. Kɔnɔ mɔgɔ-murutiyanɛnu si sigi nyamani-takolɔn rɔ.

Bɔ-Koe-Iyipiti 22:20

“Min ba bɛsɛ kɔ nde, Mari Alla kɔma, wo ni wo tigi faga feu!

Bɔ-Koe-Iyipiti 22:21

“Wo kana ko-yogoma ma sundannu na hali ka anu yakɔrɔ-mamɔ bawo wole fanan bi sundanyɛ le la nun Iyipiti nyamanɛ rɔ.

Bɔ-Koe-Iyipiti 22:22

“Wo kana kɛɛ-musinu anubɛ kelennɛnu tɔrɔ.

Bɔ-Koe-Iyipiti 22:23

Ni wo ya anu tɔrɔ, anu di-kɛ-kan ni ke n ma,

Aiseya 1:17

ka wo degen ko-telenni-kɛ ma. Mɔgɛnu bira anu bira-nya la. Wo ni mɔgɔ-ragbɛrɛnnɛnu dɛnbɛ. Wo ni kelennɛnuna yoe di anu ma ka kɛɛ-musinu kumafunfan.

Yɛrɛmaya 49:11

Mari ko anu ni wola kelennɛnuna fɛ-birɛ to ale ma. Anuna kɛɛ-nyaganɛnuna dunɛ si to ale ma.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Saraka-Masɔlɛnuta Tɔnnu 25:35

“Ni min sigi-nyɔgɛ bolo kolonyara, ado a ti ke a nyɛrɛ makoe nyinyala, yanni a ni ala dugi mayira mɔgɔ-gbɛrɛkɛ ma, fɔ i ni i sigi-nyɔgɛ dɛnbɛ a makoe wonu tɔ. Wo le si a ma, a si to i dafɛ.

Yilan-Yilan Koe 10:32

Ni ile sɔnta ka bila male fɛ, Mari ye duwɛ min bɛɛ yigila ma kuma, ma si a ma, ile fanan ni wo do sɔrɔn.”

Matiyu 5:45

Wo le si a ma, i si ma iko i Fa Alla min bi Arinyɛni tɔ bawo a ye ala tele labɔla mɔgɔ-nyimɛ anubɛ mɔgɔ-yogomɛ bɛɛ ye nya-kun-kelen. Ko-latelenni-kɛla wo, ko-yogoma-kɛla wo, Alla ye bandɛ lanala wo bɛɛ ye.

Kɛwɔlɛnu 14:17

Kɔnɔ tuma-wo-tuma, a ye a nyɛrɛ yirala mɔgɛ bɛɛ la ata kɛwɔli-nyimɛnu fɛ. A ye bandɛ lanala min si wola dɔn-fan lananfa. A si dɔntɛ wo di wo ma alako wo yisi la ni fa sewɛ la.”

Tɔn-Fɔɛ-Fila-Nyɔgɛ 27:19

“ ‘Alamɛ Allata dankɛ taranta wo mɔgɛnu kuma minnu si mɔgɔ-tɔrɔnɛnuna saratiyi tinya anu bolo, a mara sundan na wo, a mara kelenni na wo, a mara kɛɛ-musu la wo.’ “Anu si a labira ko, ‘Amina.’