Tɔn-Fɔɛ-Fila-Nyɔgɛ 10:12 - ALLALA KUMƐ

¹² Musa ya a fɔ tun ko, “Wo Mari ye nyinina min ma wo bolo, wole Isirɛla mɔgɛnu, wo ni wo tole masɔ wo la. Wo ni Alla bato ka ata kumɛnu bira ka a ma iko a ya a fɔ wo ye nya min. Wo ni a keni ka ata wɔlɛ kɛ wo yisi bɛɛ la,

Tɔn-Fɔɛ-Fila-Nyɔgɛ 10:12 ပူးပေါင်းရင်းမြစ်များ

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

2 Mansɛnu 10:31

Kɔnɔ Mansa Yehu ma Isirɛlata Mari Allata kumɛ bira a yisi bɛɛ la fɔ ka Mansa Yɛrabowamita kɛ-nyanu bi min ya Isirɛla mɔgɛnu nadon hakɛ rɔ.

2 Mansɛnu 18:3

Mansa Hɛsakaya ya koe min bɛɛsi ma ala mansayɛ kɔrɔ, wonu ya Mari hɛnɛ iko a benba Mansa Dawuda wara-koe ya Mari hɛnɛ nya min.

2 Mansɛnu 18:6

A ya a latelen Mari ye. Hali tele-kelen-bɛrɛni, a ma Marita kumɛ bɔ a gbɛ rɔ. Mari ya tɔn minnu di Nɛbi Musa ma, a ya a ma a fɛrɛma wonu natɔnbagaya tinɛ.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 15:12

Anu ya sarama-kan kiri anubɛ anu benbanuta Mari Alla tɛma ko anu si to a batola anu yisi bɛɛ la.

Yobu 36:11

Ni anu ya Allata kumɛ bira ka ata wɔlɛ kɛ, a si a ma, anu ni taran anu diya yisi-kimɛ rɔ.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 128:1

Marita kuma-biralɛnu sewani de, minnu bi tagamana ata kilɛ fɛ, kɔni.

Yaburi 145:20

A di min bɛɛ ye, a si wonu nakanan kɔnɔ a si karagbɛlɛnu kasara.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 34:9

Wole Marita mɔgɛnu, wo ni a gbiliya. Minnu bi a kuman-kan tola a gbɛ rɔ, a si wonu makoe bɛɛsi nyinya.

Yaburi 81:13

E, nta mɔgɛnu Isirɛla, alako nun wo ya wo tole masɔ n na, wo si diya n ye. Alako nun wo ya nna kumɛnu bira nun.

Yaburi 81:14

Ni wo ya n kuman-kan to a gbɛ rɔ, n si wo yogenu nɔ tiriya! N si wo yoge bɛɛ gbesi wo ye nun.

Bɔ-Koe-Iyipiti 23:25

Ni wo ya nde, Mari Alla bato, n si dɔn-fan anubɛ yi di wo ma duk, ka kiraya kuntan bɛɛsi bɔ wo tɛma.

Makawandili Kumɛnu 12:13

N bara ban kɛ bɛɛ fɔla nkɛkuna, kuma kelen de tonɛ n bolo gbɛ! I ni kilan Alla la ka to ala tɔnnu birala bawo Alla ya ma ladan wo lela ko la.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Sɛfanaya 3:9

Kɛ dama wa ka-a-la tumɛ min, Mari ko a si sibole bɛɛ yɛlɛma ka anu fara anuna bɛsi-kɔ-koe la. A ko mɔgɛ bɛɛ si ale kelen pe bato ka ata kumɛ bira.

Matiyu 22:37

Yisa ya a yabi ko, “A sɛbɛnɛ ko, ‘I ni ita Mari Alla keni i yisi bɛɛ la anubɛ i sɔndɔmɛ bɛɛ la anubɛ i hɛnkili bɛɛ la.’

Luka 10:27

Kei wo ya a yabi ko, “I ni ita Mari Alla keni i yisi bɛɛ la anubɛ i sɔndɔmɛ bɛɛ la anubɛ i sɛnbɛ bɛɛ la anubɛ i hɛnkili bɛɛ la. I ni i sigi-nyɔgɛ keni iko i nyɛrɛ.”

Luka 11:42

“Kɔnɔ gbalo ye wole Farisinu kuma bawo wo ara yaka bɔ nako-fannu tɔ kɔnɔ wo ara wo ban telenbagayɛ anubɛ Alla-keni-koe ma. A bɛnta, wo ni wonu ma le kɔnɔ wo kana wo ban a toenu fanan ma.

Kɛwɔlɛnu 9:31

Nba, Allata mɔgɛ min bɛɛ ye Yudiya anubɛ Kalili sigisɔnnu tɔ anubɛ Samariya nyamanɛ rɔ, wo bɛɛ ya yisi-kimɛ sɔrɔn wo wati le tɔ. Anu tora Mari batola min kɛ, Allata Ni-Sɛnimɛ ya anu dɛnbɛ alako anu ni siyaya nya min ka sabati.

Romu 1:9

N sere le Alla la ko n bi min fɔ tinɛ, tonyɛ le. N bi wɔlila Alla le ye n yisi bɛɛ la ka ala danta kibara-nyimɛ wara-koe fɔ. Alla ya a lɔn ko wati bɛɛ, n bi n mirila wo ma

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Tɔn-Fɔɛ-Fila-Nyɔgɛ 10:11

Wo kɔma, a ko n ni ta sɔ wo yarɔ ka ta lanyiri-nyamanɛ wo bi a tiginu bolo.”

Tɔn-Fɔɛ-Fila-Nyɔgɛ 10:13

ka ata tɔn bira n ya min di wo ma wo nyɛrɛ munanfaga-koe la bi.

Tɔn-Fɔɛ-Fila-Nyɔgɛ 11:1

Musa ya a fɔ tun ko, “Wo ni wota Mari Alla keni ka ata tɔn bɛɛ bira tuma-wo-tuma.

Tɔn-Fɔɛ-Fila-Nyɔgɛ 11:13

“Min sanɛ wo kuma, n bara Marita tɔn minnu di wo ma bi, wo ni wonu bira. Wo ni Mari Alla keni ka ata wɔlɛ kɛ wo yisi bɛɛ la.

Tɔn-Fɔɛ-Fila-Nyɔgɛ 26:16

“Wota Mari Alla ara a fɔ wo ye bi, ko wo ni ata tɔn bɛɛsi mara wo sɔndɔmɛ rɔ ka anu bira gben!

Tɔn-Fɔɛ-Fila-Nyɔgɛ 27:10

Woletɔ wo ni ala kumɛnu natɔnbagaya ka ata tɔnnu bira n bi nala min dila wo ma kɛ la.”

Tɔn-Fɔɛ-Fila-Nyɔgɛ 30:16

N bara tɔn min di wo ma kɛ la bi, ni wo ya wota Mari Allala kuman-kan bira ka a latɔnbagaya ka Alla keni, wo ye wɔlɛ min bɛɛ kɛla worɔ, wonu si sabati wo bolo. Wo bɔnsɔnnu si siyaya. Wo ye tala sigila nyamanɛ min tɔ, wota Mari Alla si ata duwɛ layigi wo kuma nyɔ.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Tɔn-Fɔɛ-Fila-Nyɔgɛ 5:29

Ni a taranta, anu bi kilanna ka le tuma-wo-tuma ka nna tɔnnu bira, wo si diya n ye. Wo si a ma, anuta koe bɛɛ ni ta a kila-bɛrɛbɛrɛ fɛ, hali ka a sigi anu mamanɛnu na. Kɛ si ma habadan-koe la anu ye.’

Tɔn-Fɔɛ-Fila-Nyɔgɛ 5:33

Wo ni a bɛɛsi bira a kilɛ fɛ, woletɔ wo ye tala nyamanɛ min tɔ Mari ye nala min dila wo ma, wo si simayɛ sɔrɔn nyɔ. Koe bɛɛ si ta a kilɛ fɛ wo bolo.”

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Tɔn-Fɔɛ-Fila-Nyɔgɛ 6:2

Wole wo, wola dannu wo, anubɛ wo mamanɛnu ni to wota Mari Alla gbiliyala ka ata tɔnnu bira. Fananta wo ye wo niyi la, ni wo ya wo ma, wo si mɛ siginɛ nyamanɛ wo rɔ.

Tɔn-Fɔɛ-Fila-Nyɔgɛ 6:24

Mata Mari Alla ya a fɔ ma ye ko ma ni tɔn kɛnu bira ka ale Mari gbiliya. Ni ma ya wo ma, a si ma kandan ka ma makoenu nyinya iko a ye wo mala nya min kaka.

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

Hiburunu 12:28

Nba, ma ni Alla tanto ka baraka bira a ye bawo a ye mansayɛ la dinkirɛ min, wo ye ma bolo. Wo ti ke bɔla a gbɛ rɔ muk! Ma ni ma raya ka a hɛnɛ a kilɛ fɛ gbiliyɛ anubɛ kilan bolo,

Yasowa 22:5

Wo ni Marila tɔn bɛɛsi bira ka lanayɛ kɛ a ye ka a bato wo yisi bɛɛ la iko Nɛbi Musa ya a fɔ wo ye nya min. Wo ni wola Mari Alla keni wo yisi bɛɛ la.”

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

1 Yɔni 2:15

Wo kana duninya keni, anubɛ fan minnu bi duninya rɔ. Ni wo ya duninya keni, ma Fa Alla keni-ko sa wo yisi rɔ worɔ.

1 Yɔni 5:5

Yon si ke duninya nɔla? Fɔ wonu dɔrɔn minnu lanɛ a la ko Yisa, Allala dan le.

1 Samuwɛli 12:20

Samuwɛli ya a fɔ ko, “Wo kana kilan. Hali wo ara ko-yogoma-su kɛnu ma, wo kana wo kan-kɔ sɔ Mari la. Wo ni ata wɔlɛ kɛ wo yisi bɛɛ la.