Tɔn-Fɔɛ-Fila-Nyɔgɛ 1:8 - ALLALA KUMƐ

⁸ A ko, ‘Nde, Mari ara nyamanɛ wo mumɛ di wo ma. N ya lanyiri kiri Iburayima fɔlɔn ye nun anubɛ ala dan Isiyaka anubɛ Isiyakata dan Yakoba ye ha ka ta a sigi anu kegeyɛnu na. Wo ta nyamanɛ wo mumɛ bi ka wo sigi nyɔ.’ ”

Tɔn-Fɔɛ-Fila-Nyɔgɛ 1:8 ပူးပေါင်းရင်းမြစ်များ

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 15:16

Kɔnɔ i bɔnsɔn minnu bi donna yɔɔnyɛ rɔ, wonu bɔnsɔn nani nyɔgɛ wonu denu bi sɛgila nyamanɛ kɛ rɔ yan. Kɔnɔ anu ti don yan fɔ Amoranuna hakɛ da wa fa. Wo kɔma, n si anu gben.”

Ko-Dabirɛnu 15:18

Tamasere le wo la Mari ya lanyiri min kiri anubɛ Burama tɛma tele wo nyɛrɛ rɔ ko, “N bara nyamanɛ kɛ di i bɔnsɔn ma. Kenanuna nyamanɛ anubɛ Kɛnasinuna nyamanɛ anubɛ Kadimɔnanuna nyamanɛ anubɛ Hɛtinuna nyamanɛ, anubɛ Perasanuna nyamanɛ anubɛ mɔgɔ-layan-bɛnuta nyamanɛ anubɛ Amoranuna nyamanɛ anubɛ Kenannuna nyamanɛ anubɛ Kagasanuna nyamanɛ anubɛ Yebusinuna nyamanɛ, ka a dabira Iyipiti bɛ ma ha ka ta ke Yufereti bɛ ma, n si wo bɛɛsi latenbi ile bɔnsɔnnu ma.”

Nihɛmaya 9:15

“Kɔnkɛ ya anu bira wati min, i ya biredi layigi anu ma ka bɔ san-kole rɔ. Anu kan lagbalata wati min, i ya yi labɔ anu ye farɛ rɔ. I ya anu yili-madiya nyamanɛ minna ko la, i ya a fɔ anu ye ko anu ni nyɔ bi.

Bɔ-Koe-Iyipiti 23:31

“N si wola nyamani-dan dabira Kɔgɔ-Yi-Wulen bolɔn doi ma ha ka ke Mɛdetereniyan kɔgɔ-yi ma Filisitinu bi kan min. Dan min bi a fɔlɔla wulɛ ma, wo le ye tala ha ka ke Yufereti bɛ ma. N si nyamanɛ wo duguran kunyɛnu don wo bolo. N si anu gben-sɛnbɛ di wo ma.

Bɔ-Koe-Iyipiti 33:1

Mari ya a fɔ Musa ye ko, “I nara mɔgɛ minnu na ka bɔ Iyipiti nyamanɛ rɔ, anu bi. N ya wo benbanu yili-madiya lanyiri-nyamanɛ minna ko la, Iburayima anubɛ Isiyaka anubɛ Yakoba, kɔni, wo ni wo bɔ yan ka ta nyɔ rɔ.

Yɛrɛmaya 32:22

I ya nyamani-hakikɛ kɛ di anu ma iko i ya anu benbanu yili-madiya nya min.

Isikiyɛli 47:14

Nde, Mari ara lanyiri kiri wo benbanu ye ko a si dugi kɛ di wo ma. Wo ni a tala wo nyɔgɔn na a kilɛ fɛ.

Yilan-Yilan Koe 14:23

N ya nyamanɛ min di anu benbanu ma, anu ti don nyɔ rɔ muk! Minnu ya n nafɛya, hali wonu kelen ti don Kenan nyamanɛ wo rɔ mumɛ!

Yilan-Yilan Koe 32:11

‘Bawo wo ma la n na min kɛ ka a dabira min sɔrɔn ara san mogan bɔ, n ya lanyiri-nyamanɛ min di Iburayima anubɛ Isiyaka anubɛ Yakoba ma, wo do-wo-do ti don nyɔ rɔ.

Tɔn-Fɔɛ-Fila-Nyɔgɛ 1:11

Alamɛ wo benbanuta Alla ya a ma, wo ni yiri boi, ka siyaya ka tenbi kɛ la. Alamɛ nɔnfuli dira wo ma iko Alla ya lanyiri kiri nya min nun.

Tɔn-Fɔɛ-Fila-Nyɔgɛ 1:35

anu do-wo-do ti don nyamani-hakikɛ wo rɔ a ya lanyiri kiri minna ko la ko a si a di anu ma

Tɔn-Fɔɛ-Fila-Nyɔgɛ 10:11

Wo kɔma, a ko n ni ta sɔ wo yarɔ ka ta lanyiri-nyamanɛ wo bi a tiginu bolo.”

Tɔn-Fɔɛ-Fila-Nyɔgɛ 11:24

Wo tagamanta nyamanɛ wo kan-tina wo kan-tina rɔ, wo si ma wotɛ la. Wola nyamanɛ min ya a dabira dugula wara la wulɛ rɔ ha ka ta ke Lɛbanan kɔnkɛnu ma, wo dugi si ma wotɛ la. Ka a fɔlɔ Yufereti bɛ ma tele-bɔɛ wara la ha ka ta a sigi Mɛdetereniyan kɔgɔ-yi la tele-yigi wara la, wo dugi fanan si ma wotɛ la.

Tɔn-Fɔɛ-Fila-Nyɔgɛ 11:9

Mari ya lanyiri kiri nyamani-hakikɛ minna ko la wo benbanu anubɛ anu kegeyɛnu ye, wo si simayɛ sɔrɔn ka mɛ sigini nyɔ rɔ.

Tɔn-Fɔɛ-Fila-Nyɔgɛ 2:29

Ni ma ara ban tenbila ila nyamanɛ rɔ, ma si Yorodan bɛ tɛgɛ ka ta nyamanɛ wo rɔ Mari Alla si na min di ma ma.’ Isɔ kegeyɛ minnu bi Idɔm nyamanɛ rɔ anubɛ Lɔti kegeyɛ minnu bi Mohabu nyamanɛ rɔ, katarala Ari soe ma, wonu sɔnta ko ma ni tenbi anuna nyamanɛ rɔ.

Tɔn-Fɔɛ-Fila-Nyɔgɛ 26:15

Mari, i kolan layigi Isirɛla mɔgɛnu ma ka bɔ Arinyɛni tɔ ka ma mafɛlɛn. Iko i wara lanyiri kiri ma benbanu ye nya min, i ni ita duwɛ layigi male kuma anubɛ nyamani-hakikɛ kɛ i wara min di ma ma kɛ la.’

Tɔn-Fɔɛ-Fila-Nyɔgɛ 26:3

Wo si ta a don saraka-masɔlɛ bolo min bi nyɔ wo wati rɔ. Wo ni a fɔ saraka-masɔlɛ wo ye kelen-kelenyɛ ma ko, ‘A sɔgɛ ye ma la ka a fɔ Alla ye ko ma ara na nyamanɛ wo rɔ a ya lanyiri kiri ma benbanu ye minna ko la ma ye. N bi n dantɛgɛla wola ko la.’

Tɔn-Fɔɛ-Fila-Nyɔgɛ 28:11

Wota Mari Alla si den-siyaman di wo ma anubɛ kolo-fannu anubɛ sɛnita-fannu lanyiri-nyamanɛ wo rɔ.

Tɔn-Fɔɛ-Fila-Nyɔgɛ 29:12

N bara wo kele bi alako wo ni lanyiri kɛ kiri wole anubɛ wota Mari Alla tɛma. Koe minnu bi lanyiri kɛ rɔ, wo ni sɔn wonu ma.

Tɔn-Fɔɛ-Fila-Nyɔgɛ 30:20

Wo ni wota Mari Alla keni wo sɔndɔmɛ bɛɛ la ka ma telenbagɛnu na Alla ye ka ata kumɛnu bira. Wo le si a ma, Mari ya nyamanɛ min lanyiri kiri wo benbanu ye, Iburayima anubɛ Isiyaka anubɛ Yakoba, kɔni, wobɛ wo kegeyɛnu si simayɛ sɔrɔn ka mɛ sigini nyɔ rɔ.”

Tɔn-Fɔɛ-Fila-Nyɔgɛ 31:7

Wo kɔma, Musa ya Yasowa kele Isirɛla mɔgɛ bɛɛ yala ka a fɔ a ye ko, “I yisi gbɛlɛya ka i kerinteya bawo ile kelen pe le si ma kun-tigi la mɔgɛ kɛnu kuma. Mari ya lanyiri kiri wo benbanu ye nyamanɛ minna ko la nun, i si nyamanɛ wo tala anu tɛma ka wo sigi a rɔ.

Tɔn-Fɔɛ-Fila-Nyɔgɛ 34:4

Mari ya a fɔ Musa ye nyɔ ko, “N ya nyamanɛ kɛ le lanyiri kiri Iburayima, Isiyaka anubɛ Yakoba ye ko n si a di anu kegeyɛnu ma. N bara sɔn ko ile ni nyamanɛ kɛ yen kɔnɔ nde, Mari ma nyɔ-ta-fɛrɛ di ile Musa ma.”

Tɔn-Fɔɛ-Fila-Nyɔgɛ 4:1

Musa ya a fɔ Isirɛla mɔgɛnu ye tun ko, “Wo ni wo tole masɔ! N bi nala tɔn min bɛɛsi fɔla wo ye kɛ la, wo ni anu bira gben! Ni wo ya wo ma, wo benbanuta Mari Alla ye nala nyamanɛ min dila wo ma, wo si simayɛ sɔrɔn ka sigi yisi-kimɛ rɔ nyɔ rɔ kaka!

Tɔn-Fɔɛ-Fila-Nyɔgɛ 6:10

Musa ya a fɔ anu ye tun ko, “Iko wota Mari Alla ya lanyiri kiri wo benbanu ye nya min, Iburayima, Isiyaka, anubɛ Yakoba, kɔni, a ko a si nyamanɛ di wo ma so-belebelenu sɔnɛ min tɔ wo ma minnu sɔ. Anu kin. Nɔnfuli siyaman bi anu tɔ.

Tɔn-Fɔɛ-Fila-Nyɔgɛ 7:12

“Ni wo ya wo tole masɔ tɔn kɛnu na ka anu bira a kila-bɛrɛbɛrɛ fɛ, wota Mari Alla si ata lanyiri kanbali wo ye worɔ. A si wo keni worɔ tolon, iko a ya lanyiri kiri wo benbanu ye nya min.

Tɔn-Fɔɛ-Fila-Nyɔgɛ 7:13

A si wo keni ka ata duwɛ layigi wo kuma. Wo ni siyaya ka yiri boi! A si ata duwɛ layigi wola nyamanɛ rɔ, wo ni ki-fen-siyaman sɔrɔn. Alla si ata duwɛ layigi wo kuma, wola kolo-fannu si sabati. A si duwɛ kɛnu di wo ma lanyiri-nyamanɛ wo rɔ.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 8:1

“N bara Marita tɔn kɛ minnu di wo ma kɛ la bi, wo ni anu bara-koe ma wo fɛrɛma. Ni wo ya wo ma, wo si taran wo diya ka siyaya. Wo si mɛ sigini lanyiri-nyamanɛ wo rɔ.

Tɔn-Fɔɛ-Fila-Nyɔgɛ 9:5

Iko n ya a fɔ nya min, Mari ye nala nyamanɛ kɛ dila wo ma. A ma wo ma bawo wo mɔgɔ-nyimɛ le wo la, ado wo telenta. Wo ma de! Kɔnɔ a ya wo ma bawo Kenan mɔgɛnu wunduyogo, ado fanan, Mari Alla ya ata lanyiri min kiri wo benba Iburayima, Isiyaka anubɛ Yakoba ye, a ye wo kanbali-koe rɔ.

Hiburunu 6:13

Alla ya lanyiri kiri Iburayima ye tumɛ min, a ya a keli ko a ara lanyiri min kiri, a si wo kanbali, ado mɔgɔ sa min kolo ale ko min kɛ, a ya a keli a nyɛrɛ rɔ.

Hiburunu 6:14

Alla ya a fɔ Iburayima ye ko, “N si nta duwɛ layigi i kuma ka i bɔnsɔn lasiyaya. N bara lanyiri wo kiri i ye!”

Yasowa 1:6

I ni i yisi gbɛlɛya ka i kerinteya. I si sɔ mɔgɛnu yarɔ ka ma anuna kɛlɛ-den-kun-tigi la. N ya nyamanɛ min di wo benbanu ma, i si mɔgɛnu gben nyɔ rɔ.

Kɛlɛ-Kurugbɛnu 2:1

Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ. A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.