Wo si tɔrɔya wo hakɛla ko la. Wo si san bi-nani bɔ, wo ye yilan-yilanna iko wo ya tele bi-nani bɔ nya min nyamanɛ wo mafɛlɛn tinɛ. Wo si na a lɔn ni n bi nya min ni nde sa wo fɛ!
Isirɛla mɔgɛnu bɔɛ Iyipiti san bi-sawa ani san kɔnɔntɔ (39) tenbira min kɛ, a san bi-nani nyɔgɛ (40) karɛ fɔlɛ ma, anu kera Sini wulɛ rɔ. Anu ya anu daga makɛ kan tinɛ do rɔ min tɔgɔ Kɛdɛsi. Musa tirisan-musi Miriyam fagara nyɔ le. Anu ya a togon.
Ma bɔɛ Kɛdɛsi-Baniya, san bi-sawa anubɛ san segin (38) ara tenbi. Kɛlɛ-dan min bɛɛsi ye nyɔ wo wati rɔ, wonu bara ban fagala kelen-kelenyɛ ma iko Mari ya a fɔ nya min nun.
“Wo ni wo miri wo ara koe min bɛɛsi ma ko wota Mari Allata duwɛ tora wo kuma wonu tɔ. A ya wo fɛ-bira ka wo kandan wo tumɛ wo ye wula-da-rakolɔn rɔ. San bi-nanɛ kɛ mumɛ bɛɛsi kɔrɔ, wo ye nyinina min bɛɛsi ma, a ya wonu di wo ma.
Isirɛla mɔgɛnu wɔrɔndɔra ko ale Mari ni anu dɛnbɛ. A ya anu dɛnbɛ ka pinpi-belebele-wɛ don anubɛ Iyipiti mɔgɛnu tɛma. A ya yi-belebele-wɛ keri Iyipiti mɔgɛnu kuma ka anu faga. Wo ya a lɔn a ya min ma Iyipiti mɔgɛnu na. Wo kɔma, wo ya san-siyaman bɔ wula-da-rakolɔn rɔ.
