Tɔn-Fɔɛ-Fila-Nyɔgɛ 1:38 - ALLALA KUMƐ

³⁸ Woletɔ Mari ya a fɔ n ye ko n ni n madɛnbɛnɛ, Nunna dan Yasowa bi ka a yisi ragbɛlɛya alako a ni sɔ n gbɛ rɔ. Anu ba wuli tala nyamanɛ wo rɔ tumɛ min, ale si ma mɔgɛnu yarɔ-sɔlɛ la.

Tɔn-Fɔɛ-Fila-Nyɔgɛ 1:38 ပူးပေါင်းရင်းမြစ်များ

Bɔ-Koe-Iyipiti 24:13

Musa anubɛ a gba-fɛ-bilalɛ Yasowa wulita ka yɛlɛ kɔnkɛ kuma.

Bɔ-Koe-Iyipiti 33:11

Mari si kuma Musa ye iko mɔgɔ si kuma a ta-nyɔgɛ ye nya min. Ale si bɔ nyɔ ka sɛgi dagɛ rɔ tun kɔnɔ a dɛnbɛni-kɛlɛ, Nunna den-kei Yasowa, wo ti bɔ Fani-Bɔn wo burɔ.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Yɛrɛmaya 40:10

Nde si to sigini Misipa soe burɔ. Wo ya soe minnu bira, wole si ta sigi wonu tɔ. Babilɔn kɛnu ba na, n si to wo gbɛ rɔ. Wo si to nɔnbɔ-gbɔ-yi ladɛnna anubɛ kɔn-gbɔɛ anubɛ tuli.”

Yilan-Yilan Koe 13:16

Musa ya Hosiya tɔgɛ yɛlɛma ka a kele ko Yasowa.

Yilan-Yilan Koe 13:8

A ya Nunna den Hosiya lata ka bɔ Ifɛrɛm bɔnsɔn rɔ.

Yilan-Yilan Koe 14:30

N bara ban a latɛgɛla bawo wo ya a fɔ nun ko Kenannu si wo kɛlɛ ka wola dannu bi wo bolo. Wole ya wo ban nyamanɛ min na, wo le ye nala tola wola dannu ye gbɛ! Nyɔ si ma anu barɛ la. N ya lanyiri kiri wo ye nun, n ko wo ni sigi nyɔ kɔnɔ wo do-wo-do ti sigi nyɔ tun fɔ Kelabu anubɛ Yasowa.

Yilan-Yilan Koe 14:38

Min kɛndɛ tora ko-lakɔrɔsila mɔgɔ tan-ni-filɛ kɛnu tɔ, mɔgɔ fila pe, Kelabu anubɛ Yasowa.

Yilan-Yilan Koe 26:65

Mɔgɔ filɛ wo tɔgɛ le kɛnu na, Yɛfunɛla dan Kelabu anubɛ Nunna den-kei Yasowa. Mari ya a fɔ fɔlɔ nun ko a mɔgɛ toe kɛ bɛɛ si faga wula-da-rakolɔn rɔ. Wo bɛɛ mara iko Mari ya a fɔ nya min.

Tɔn-Fɔɛ-Fila-Nyɔgɛ 3:28

Mari ko Yasowa min bi nala sigila n gbɛ rɔ, a si na min ma, n ni wo fɔ ale ye. N ni a makawandi ka a sɛnbɛ don bawo ale le ye tola mɔgɛnu kuma ka ta anu sigi nyamanɛ wo rɔ nde, Musa ya min mafɛlɛn.

Tɔn-Fɔɛ-Fila-Nyɔgɛ 31:14

Mari ya a fɔ Musa ye ko, “A ti mɛ tun ile si so-sɛgi-kɛ. Yasowa kele ka na a la nde, Marita Fani-Bɔn la. N bi nala kumɛ do fɔla a ye ale si min ma.” Musa tara Yasowa kele ka na anu sɔ Marita Fani-Bɔn tenbi-bolɔn la.

Tɔn-Fɔɛ-Fila-Nyɔgɛ 31:23

Wo kɔma, Mari ya a fɔ Nunna den Yasowa ye ko, “I yisi gbɛlɛya ka i kerinteya. Ile le ye mala kun-tigi la ka ta anu na lanyiri-nyamanɛ rɔ. N ti bɔ i fɛ muk!”

Yasowa 1:1

Mari Allata wɔli-kɛla Nɛbi Musa fagara tumɛ min, Nunna den Yasowa min bi ale dɛnbɛna nun, wo sigira a gbɛ rɔ. Nɛbi Musa fagara tumɛ min, Mari kumara Yasowa ye ko,

Yasowa 11:23

Yasowa ya nyamanɛ wo bɛɛ bira-a-la iko Mari ya a fɔ Musa ye nya min nun. Yasowa ya nyamanɛ wo bɛɛ ratala Isirɛla kebilɛnu na. Wo kɔma, anu ya anu sulen kɛlɛ-kɛ ma.

1 Samuwɛli 16:22

Wo kɔma, Mansa Sɔli ya kilayɛ lata Yɛsi ma, a ko, “Ila den Dawuda kɛ di n ye. A sɔgɛ ye n na, a ni to wɔlila n ye.”