Tɔn-Fɔɛ-Fila-Nyɔgɛ 1:19 - ALLALA KUMƐ

¹⁹ Musa ya a fɔ tun ko, “Ma ara mala daga wayan ka bɔ Sinayi kɔnkɛ dafɛ iko mata Mari Alla ya a fɔ ma ye nya min. Ma ara ta ka tenbi wula-da-rakolon-wɛ wo rɔ min makilannɛ.

Tɔn-Fɔɛ-Fila-Nyɔgɛ 1:19 ပူးပေါင်းရင်းမြစ်များ

Yɛrɛmaya 2:6

Hali a ya anu kunyɛ bɔ gbaran rɔ Iyipiti nyamanɛ rɔ ka wulɛ ratɛgɛ kasan, wo benbanu ma ale Mari tɔgɛ rakele mumɛ! A bɔra anu na kuru-gbɔgɔsa-gbagasa-nyamanɛ rɔ min tagbalanɛ todo! A bɔra anu na setani-nyamanɛ rɔ min tapinpinɛ. A tenbira anu na kan do mɔgɔ ti tagama kan min, ado mɔgɔ ti sigi nyɔ. Kɔnɔ wo bɛɛ rɔ, anu ma ale Mari tɔgɔ rakele muk!

Yilan-Yilan Koe 10:12

Wo tele nyɛrɛ rɔ, Allata banda-fin-gbɛ wulita Sinayi wulɛ rɔ ka ta Paran wula-da-rakolɔn rɔ.

Yilan-Yilan Koe 13:13

A ya Maikalila dan Sita lata ka bɔ Asɛra bɔnsɔn rɔ.

Yilan-Yilan Koe 13:26

Anu sɛgira Aruna anubɛ Musa anubɛ Isirɛla mɔgɛ bɛɛ wara, Kɛdɛsi dagɛ rɔ min bi Paran wulɛ rɔ. Anu ya minnu tayen nyɔ, anu ya wo bɛɛ rakaran. Anu nara nyamanɛ wo dɔn-fen-siyamɛ minnu na, anu ya wonu fanan yira anu na.

Yilan-Yilan Koe 14:14

anu si wo fɔ Kenan mɔgɛnu ye. Kenan mɔgɛnu ya ko siyaman namɔɛn ile Mari wara-koe rɔ i ye ma fɛ nya min, ado anu bara ila banda-fin-gbɛ dunnɛ yen ma kuma. Anu bi ila banda-fin-gbɛ yenna tala ma yarɔ tele rɔ. Suyi rɔ, a ye malanna ma yarɔ iko tɛ.

Yilan-Yilan Koe 32:8

Wo fanu ya a ma ka le wo tumɛ n ya anu nabɔ Kɛdɛsi-Baniya soe ka ta nyamanɛ wo lakɔrɔsi tinɛ.

Tɔn-Fɔɛ-Fila-Nyɔgɛ 1:2

Ma bɔra Sinayi kɔnkɔ-belebele-wɛ kɔrɔ ka belen Idɔm kɔnkɔ-nyamanɛ rɔ ka ta ke Kɛdɛsi-Baniya soe ma. Ka bɔ Sinayi kɔnkɛ dafɛ ka ta ke Kɛdɛsi-Baniya, ma ya tele tan-ni-kelen de bɔ kilɛ la. Ma tara ha Amoranuna nyamanɛ rɔ kɔnkɛnu siya kan min.

Tɔn-Fɔɛ-Fila-Nyɔgɛ 1:20

Ma Mari Alla, ma benbanuta Alla, kɔni, wo ye nala Amoranuna nyamanɛ le dila ma ma kɛ la, ma si ma sigi kan min. N ko n ya wole manyinika ni wo ma ale nyamanɛ yen ma yakɔrɔ kɛ la? N ya a fɔ wo ye ko wo ni ta ka ale nyamanɛ bira-a-la iko Mari ara a fɔ ma ye nya min nun. Tamayi-wo-tamayi kana don wo rɔ anubɛ kilan.”

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 2:7

“Wo ni wo miri wo ara koe min bɛɛsi ma ko wota Mari Allata duwɛ tora wo kuma wonu tɔ. A ya wo fɛ-bira ka wo kandan wo tumɛ wo ye wula-da-rakolɔn rɔ. San bi-nanɛ kɛ mumɛ bɛɛsi kɔrɔ, wo ye nyinina min bɛɛsi ma, a ya wonu di wo ma.

Tɔn-Fɔɛ-Fila-Nyɔgɛ 32:10

“Mari ya wo benbanu taran yilan-yilanna wula-da-rakolɔn le tɔ min ma kin. A ya wo fɛ-bira ka wo matanka iko a niyi.

Tɔn-Fɔɛ-Fila-Nyɔgɛ 8:15

A sɔra wo yarɔ wula-da-rakolɔn rɔ min makilannɛ, duguma-fen-yogomɛnu anubɛ bondalɛnu bi kan min. Wo tumɛ wo ye tagamana wulɛ wo rɔ yi sa kan min, Mari ya yi labɔ farɛ rɔ nyɔ wo ye.