Tɔn-Fɔɛ-Fila-Nyɔgɛ 1:17 - ALLALA KUMƐ

¹⁷ N ko wo ni bolo-kolɔnnu anubɛ fen-tiginuna kiti sa a kilɛ fɛ. Wo kana lafisayalɛ kɛ kiti sa tinɛ. Wo kana kilan mɔgɔ-wo-mɔgɔ la bawo wola kiti-sa-bole bɔra Alla le bolo. Ni wo ma ke kumɛ minnu fɔla, wo si wonu natenbi nde, Musa ma. Nde si yi-kimɛ sa wo rɔ.

Tɔn-Fɔɛ-Fila-Nyɔgɛ 1:17 ပူးပေါင်းရင်းမြစ်များ

Ko-Dabirɛnu 18:25

Mari, ile lara a la, i si mɔgɔ-telennɛnu faga mɔgɔ-yogomɛnu fɛ? I yandi Mari, i kana mɔgɔ-telennɛnu kofu mɔgɔ-yogomɛnu ma. Ile min bi duninya-mɔgɛ bɛɛ kiti tɛgɛla, a bɛnta, i ni ko-latelennɛ kɛ.”

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

2 Ko-Kɔrɔta-Karan 19:5

A ya kiti-salɛnu yabɔ so-latankanɛ bɛɛ rɔ Yuda nyamanɛ rɔ.

2 Ko-Kɔrɔta-Karan 19:6

A ya a fɔ wonu ye ko, “Wo ni a ma wo fɛrɛma kiti tɛgɛ tinɛnu tɔ. Wo sa wɔlila mɔgɔta sarati kɔrɔ, wo ye wɔlila Marita sarati le kɔrɔ, ado a ye wo fɛ kiti tɛgɛ tinɛ.

Yobu 31:34

Mɔgɛnu bi min fɔla n bara-koe rɔ, wo ti n kilan ka n tade hali ka a ma, n siginɛ ni to nna bɔn la.

Yaburi 82:2

A ko, “Wo ni wo fara donna binyɛ la kiti tɛgɛ tinɛ. Wo kana hina karagbɛlɛnu na ka lafisayalɛ kɛ anu tɛma.

Bɔ-Koe-Iyipiti 18:18

Ile anubɛ ila mɔgɛ kɛnu si bandan yati kamasɔrɔn wɔlɛ kɛ, a kolo i ko. I kelan ti ke wo bɛɛsi nɔla.

Bɔ-Koe-Iyipiti 18:22

Wonu si to mɔgɛnuna kitinu sala. Ni anu ti ke kuma-gbɛlɛmɛ minnu fɔla, anu si na wonu na ile wara. Kɔnɔ anu denu si kiti-nɛnu tɛgɛ anu nyɛrɛ ma. Ni i ya kɛ ma iko Alla ya a fɔ nya min, wo si dunɛ do bɔ i kuma. I si ke le wo rɔ ka ila wɔlɛ kɛ a kilɛ fɛ, ado mɔgɛ bɛɛ si sɛgi a warɛ yisi-kimɛ rɔ.”

Bɔ-Koe-Iyipiti 18:26

Wo kɔma, wonu tora mɔgɛnuna kiti-nɛnu tɛgɛla ka ta kiti-gbɛlɛmɛnu na Musa wara.

Hɛnkilimaya-Kumɛnu 18:5

Mɔgɔ kana lafisayalɛ kɛ ka karagbɛlɛ yiliki ma a yoe la anubɛ ka mɔgɔ-latelennɛ-yoe ma a yiliki la.

Hɛnkilimaya-Kumɛnu 24:23

Hɛnkilimɛ le ye kɛnu damasi fɔla. Kiti-tɛgɛlɛ kana lafisayalɛ kɛ kiti sa tinɛ.

Hɛnkilimaya-Kumɛnu 28:21

Ka lafisayalɛ kɛ, wo ma kin, ado kiti-tɛgɛla-su wo si a nyɛrɛ kuman-kan yɛlɛma dɔgɔma-kundu kelan fɛ.

Hɛnkilimaya-Kumɛnu 29:25

Mɔgɛ min bi kilanna mɔgɛ dɔrɔn na, wo si ma gbɛrɛ la a ye kɔnɔ ni a lara Mari la, wo si a latanka.

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Malakayi 2:9

Mari ko wo si a ma, wo sɔgɛ la ni bɔ Isirɛla mɔgɛnu na bawo wo sa a sako kɛla. Min sanɛ wo kuma, a ko wo tenbi ala mɔgɛnu karanna, wo sa anu bira-bole rakɛnyana. Wo ye lafisayalɛ kɛla.

Matiyu 22:16

Anu ya anuna karan-dan donubɛ Mansa Hɛrodila fɛ-bilalɛnu nata Yisa ma. Wonu ko, “Karan-mɔgɔ, ma ya a lɔn ko mɔgɔ-telennɛ le ile la. I ye mɔgɛnu karanna tonyɛ la Alla sako rɔ. I ti kilan mɔgɔ-wo-mɔgɔ la, ado bɛɛ rakɛn ile yala.

Maraka 12:14

Anu nara a wara, anu ko, “Karan-mɔgɔ, ma ya a lɔn ko mɔgɔ-telennɛ le ile la. I ti kilan mɔgɔ-wo-mɔgɔ la, ado bɛɛ rakɛn ile yala. I ye mɔgɛnu karanna a kilɛ fɛ ka a bɛn Alla wara-koe ma. Nba, i miriya ye kama? Ka duti sara Romu nyamani-kun-tigi ma, mala tɔn-tinyɛ le wo la, ka, a sa wo nya?”

Luka 20:21

Mɔgɛ kɛnu ya a fɔ a ye ko, “Karan-mɔgɔ, ma ya a lɔn ko i ye min fɔla anubɛ i ye mɔgɛnu karanna min na, wo telenta. Ma ya a lɔn ko i sa lafisayalɛ kɛla, ado Alla ye a fɛ, mɔgɛ ni min ma, i ye mɔgɛnu karanna wo la a kilɛ fɛ.

Romu 2:11

ado Alla ti mɔgɔ do lafisaya do ko.

Ɛfɛsa 6:9

Wole yɔɔn-tiginu, wo ni wola yɔɔnnu bira wo nya na le fanan. Wo fara anu niyi ragbɛrɛnna anu ma. Wo ni a lɔn ko wobɛ wola yɔɔnnu, wo Tigi kelen de Arinyɛni tɔ. Ale ti mɔgɛ do lafisaya do ko. Bɛɛ kelen de a yala.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Tɔn-Fɔɛ-Fila-Nyɔgɛ 16:19

Anu kana ma mɔgɔ-radunɛnu na. Anu kana lafisayalɛ kɛ kiti tɛgɛ tinɛ. Anu kana dogonta-fan bira. Hali mɔgɛ hɛnkili kolo, dogonta-fan si a ma, a ni fiyonya. Hali a telenta, a ra si du kɔnkɔrɔntɔn!

Tɔn-Fɔɛ-Fila-Nyɔgɛ 24:17

“Wo kana sundannu anubɛ kelennɛnuna yo tinya anu bolo. Wo kana kɛɛ-nyaganɛnuna kurɛnu bi anu bolo tulumayɛ la.

Tɔn-Fɔɛ-Fila-Nyɔgɛ 25:1

“Ni Isirɛla mɔgɔ fila sɔsɔra, anu si ta kiti-tɛgɛlɛnu bara. Ni kiti-tɛgɛlɛnu ya kumɛ wo mafɛlɛn, mɔgɔ kelan yo, mɔgɔ kelan yiliki,

Kɔlɔsi 3:25

Kɔnɔ ni wo ya ko-yogomɛ kɛ, wo si wo sarɛ sɔrɔn bawo Alla ti mɔgɔ lafisaya anu nyɔgɔn ko. Mɔgɛ bɛɛ kelen a yala.

1 Tɛsalonaika 2:4

Iko Alla ara ma lakɔrɔsi nya min, a ye a fɛ, ma ni kibara-nyimɛ fɔ mɔgɛnu ye wo nya na le. A ya wɔlɛ wo bɛɛ kerifa ma la. Ma wa kuma, ma sa ma rayala ka mɔgɛnu hɛnɛ fɔ Alla min bi ma yisi lakɔrɔsila.

Yemesi 2:9

Kɔnɔ ni wo ya mɔgɛnu bira iko anu yen-nya ye nya min, hakɛ le wo la. Tɔn fanan bi wo yilikila bawo wo ara ma tɔn-tinyanɛ la.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.