Tɔn-Fɔɛ-Fila-Nyɔgɛ 1:15 - ALLALA KUMƐ

¹⁵ Wo ya hɛnkilimɛ minnu yabɔ ka anu yira n na, n ya wonu sigi wo kun na ka anu ma wola kiti-salɛnu na. N ya donu sigi mɔgɔ waga kelen-kelen kun na. N ya donu sigi mɔgɔ kɛmɛ-kɛmɛ kun na. N ya donu sigi mɔgɔ bi-loli bi-lolɛ kun na. Ka ban, n ya donu sigi mɔgɔ tan-tan kun na. Wonu mara wola kun-tiginu na wo kuma.

Tɔn-Fɔɛ-Fila-Nyɔgɛ 1:15 ပူးပေါင်းရင်းမြစ်များ

Bɔ-Koe-Iyipiti 18:21

Wo kɔma, i ni hɛnkilimɛnu nyini mɔgɛ wonu tɛma, minnu kilannɛ Alla la, ado anu si tonyɛ fɔ, kensunyɛ ma di anu ye. I ni mɔgɔ-sufa wonu sigi anu kuma. I ni donu sigi mɔgɔ waga kelen-kelannu kun na. I ni donu sigi mɔgɔ kɛmɛ-kɛmɛnu kun na. I ni donu fanan sigi mɔgɔ bi-loli bi-lolɛnu kun na ka donu sigi mɔgɔ tan-tannu kun na.

Bɔ-Koe-Iyipiti 24:1

Mari ya a fɔ Musa ye ko, “I ni Aruna bi anubɛ Nedabu anubɛ Abaihu ka wonu sa Isirɛla kun-tigi bi-wɔrɔnfila kuma. I ni yɛlɛ wonu na kɔnkɛ bu la ka nde, Mari bato.

Yilan-Yilan Koe 1:4

Wo ni mɔgɔ-ba kelen-kelennamɛ-bɛɛ kele ka bɔ bɔnsɔn tan-ni-filɛ bɛɛ rɔ alako anu ni wobɛ Aruna dɛnbɛ mɔgɛnu danna.

Yilan-Yilan Koe 31:14

Musa diminyara kɛlɛ-den-kun-tiginu ma.

Ɛfɛsa 4:11

Ale le ya “kɔ-fan di mɔgɛnu ma.” A ya donu ma Kirasitita kilayɛnu na ka donu ma nɛbinu na. A ya donu ma kibara-nyima-fɔlɛnu na ka donu ma mɔgɔ-manugunɛgɛlɛnu na minnu si mɔgɛnu karan Allala kumɛ ma.

Tɔn-Fɔɛ-Fila-Nyɔgɛ 1:14

N ya kɛ fɔ wo ye wati min, wo sɔnta. Wo ko ko-nyimɛ le wo la.

Tɔn-Fɔɛ-Fila-Nyɔgɛ 1:16

“Wati wo rɔ, n ya kun-tigi wonu makawandi ko wo si kɛlɛ-kumɛnu namɔɛn minnu bi wulila wola mɔgɛnu tɛma. Wo ni kiti wonu bɛɛsi sa a kila-yɔnyɔn fɛ. Wo ni a fɔ a kila-bɛrɛbɛrɛ fɛ, ni wo gbansan le, anubɛ ni a ye wobɛ sundan denu tɛma.

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.

1 Samuwɛli 17:18

I ni fɛnɛ kiri tan kɛnu fanan bi ka ta wonu to anuna kɛlɛ-den-kunyɛ ma. Wo kɔma, i ni a lɔn, ni i kɔrɔnu bi nyɔ nya min. I si na anu bolo-fan donu na min si a yira n na ko i ya anu kɛndɛ yen de serr!

1 Samuwɛli 22:7

Mansɛ ya a fɔ ala mɔgɔ-banu ye ko, “Wole Bɛnyamɛ bɔnsɔn-mɔgɛnu! Wole lara a la ko Dawuda si wɔli-kɛ-tinɛnu di wo ma iko nde duruta a mala nya min? Wole lara a la ko ale si wo ma kɛlɛ-den-kun-tigi la ala keminɛnu tɛma?

1 Samuwɛli 8:12

A si donu sigi mɔgɔ waga kelen-kelannu kun na. Donu si sigi mɔgɔ bi-loli bi-lolɛnu kun na. A si wola dan donu ma ala sɛnita keminɛnu na. A si donu ma ala kɛlɛ-kɛ-fen nadannɛnu na. A si donu fanan ma ala kirindi-miran nadannɛnu na.