Kɔlɔsi 3:25 - ALLALA KUMƐ

²⁵ Kɔnɔ ni wo ya ko-yogomɛ kɛ, wo si wo sarɛ sɔrɔn bawo Alla ti mɔgɔ lafisaya anu nyɔgɔn ko. Mɔgɛ bɛɛ kelen a yala.

Kɔlɔsi 3:25 ပူးပေါင်းရင်းမြစ်များ

2 Samuwɛli 14:14

Kɔnɔ a mara nya-wo-nya, fɔ ma dama wa faga le. Ma mani de iko yi ra wa wuya dugi ma. Mɔgɔ ti ke wo madɛnna tun. Hali Alla, niyi-bɔɛ ma di a ye. Kɔnɔ Alla si fɛrɛ nyini ka mɔgɔ-konnɛ lasɛgi a ma tun.

2 Ko-Kɔrɔta-Karan 19:7

Wo ni Mari gbiliya ka kitinu tɛgɛ a kilɛ fɛ. Mata Mari Alla ti sɔn ko-radunɛ ma, lafisayali, anubɛ nɔnfulu-birɛ kiti tɛgɛ tinɛ.”

Yobu 34:19

Ka a fɔ kun-tigi le mɔgɛ la, Alla ti kawa wo ma. A ti lafisayalɛ kɛ fen-tiginu anubɛ bolo-kolɔnnu tɛma bawo ale le ya anu dama dan.

Yobu 37:24

Mɔgɛ bɛɛ ye kawala a ma. Ni mɔgɛ min miri ko a hɛnkili kolo, Alla ti a wɔlɔ matɔlɔ wo tigi la.

Saraka-Masɔlɛnuta Tɔnnu 19:15

“Wo ni ma mɔgɔ-telennɛnu na kiti tɛgɛ tinɛ ka kitinu tɛgɛ a kilɛ fɛ. Wo kana lafisalayɛ kɛ kiti tɛgɛ tinɛ ka bolo-kolɔnnu yoe ma anu yiliki la. Wo kana fen-tiginu fanan yoe ma anu yiliki la bawo fen bi anu bolo.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Luka 20:21

Mɔgɛ kɛnu ya a fɔ a ye ko, “Karan-mɔgɔ, ma ya a lɔn ko i ye min fɔla anubɛ i ye mɔgɛnu karanna min na, wo telenta. Ma ya a lɔn ko i sa lafisayalɛ kɛla, ado Alla ye a fɛ, mɔgɛ ni min ma, i ye mɔgɛnu karanna wo la a kilɛ fɛ.

Kɛwɔlɛnu 10:34

Pita ya kumɛ dabira. A ko, “N bara a lɔn de gbɛ ko tonyɛ le, mɔgɛ bɛɛ kelen Alla yala. A ti lafisalayɛ kɛ hali!

Romu 2:11

ado Alla ti mɔgɔ do lafisaya do ko.

2 Kɔrɛnti 5:10

Ma ye a fɛ ka a hɛnɛ bawo a fɛrɛ sa fɔ ma dama ni ma sɔ gbɛ rɔ Kirasitila kiti tɛgɛ tinɛ yarɔma. Ma kelen-kelennamɛ-bɛɛ si kiti ka wo sɔrɔn iko a bɛnta ma ma nya min. Ma tenbi fɛrɛ-bɔnkɛ kɛnu tɔ, ni ma ya min ma, a mara a nyima la wo, a mara ko-fuyi la wo, ma ye wo sarɛ sɔrɔnna le, yɔ!

Ɛfɛsa 6:8

Wo ni a lɔn ko i mara yɔɔn na wo, i mara hɔrɔ la wo, Mari si mɔgɛ bɛɛ sara ala wɔli-nyimɛla ko la.

Ɛfɛsa 6:9

Wole yɔɔn-tiginu, wo ni wola yɔɔnnu bira wo nya na le fanan. Wo fara anu niyi ragbɛrɛnna anu ma. Wo ni a lɔn ko wobɛ wola yɔɔnnu, wo Tigi kelen de Arinyɛni tɔ. Ale ti mɔgɛ do lafisaya do ko. Bɛɛ kelen de a yala.

Tɔn-Fɔɛ-Fila-Nyɔgɛ 1:17

N ko wo ni bolo-kolɔnnu anubɛ fen-tiginuna kiti sa a kilɛ fɛ. Wo kana lafisayalɛ kɛ kiti sa tinɛ. Wo kana kilan mɔgɔ-wo-mɔgɔ la bawo wola kiti-sa-bole bɔra Alla le bolo. Ni wo ma ke kumɛ minnu fɔla, wo si wonu natenbi nde, Musa ma. Nde si yi-kimɛ sa wo rɔ.

Tɔn-Fɔɛ-Fila-Nyɔgɛ 10:17

Ale wota Mari Alla tenbira bɛsɛ mumɛ bɛɛ la. Ale tenbira kun-tiginu na. Alla-makawanɛ le ale la. Ata sɛnbɛ kolo. A bɛnta wo ni a gbiliya ka yɛrɛyɛrɛn a kɔrɔ. A ti lafisayalɛ kɛ. A ti sɔn gbundu-koe ma.

Kɔlɔsi 4:1

Wole yɔɔn-tiginu, koe min telennɛ anubɛ min bɛɛ kin, wo ni wo kɛ wola yɔɔnnu ye. Wo ni wo hɛnkili to kɛ ko bawo wole fanan tigi ye Arinyɛni tɔ.

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

2 Tɛsalonaika 1:6

ado minnu bi wole tɔrɔla, yoe ye Alla bolo ka wonu fanan tɔrɔ.

Failiman 1:18

Ni a ya ko-yogo wo ko-yogo kɛ i la, ni ila fenfen bi a bolo, i ni i yɛ sɔ nde la.

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

1 Pita 1:17

Wo tenbi Alla matarala, wo ye a fɔla ko, “Ma Fa,” ado ale le ye mɔgɛ bɛɛ kiti tɛgɛla nya-kun-kelen iko mɔgɔ kelen-kelennamɛ-bɛɛta kɛwɔlɛ ye nya min. A ti lafisayalɛ kɛ. Woletɔ wo siyi-toe min tonɛ dugu-kole kɛ kuma gbɛ, wo ni wo laban a gbiliya tinɛ.

Yude 1:16

Foninya-karan-mɔgɔ wonu bi da-kɔrɔ-kumɛnu fɔla ka anu tɛgɛ-sigi mɔgɔ-gbɛrɛnu ma. Anu bilanɛ anu nyɛrɛ nata-yogomɛnu fɛ. Anu bi anu nyɛrɛ matɔgɔla ka kuma-diyamɛ fɔ donu ye alako anu ni anutɛ sɔrɔn nya min.