Kɔlɔsi 3:20 - ALLALA KUMƐ

²⁰ Wole dennɛnu, wo ni wo sɔrɔnnɛnuna kumɛ bira tumɛ bɛɛ bawo wo le ye Alla hɛnɛna.

Kɔlɔsi 3:20 ပူးပေါင်းရင်းမြစ်များ

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Hɛnkilimaya-Kumɛnu 20:20

Mɔgɛ min bi a na anubɛ a fa mɔɛnna, wo wara-koe ra si de dogbe iko lɛnpu si dufen pinpi rɔ nya min dɔi!

Hɛnkilimaya-Kumɛnu 30:11

Mɔgɛ donu bi nyɔ, wonu bi anu fanu mɔɛnna, katarala anu nanu ma.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Hɛnkilimaya-Kumɛnu 6:20

nna den, i ni i fa anubɛ i nala kumɛ mara i yisi rɔ gben!

Yɛrɛmaya 35:8

Ma ye ma benba Yonadabu kuman-kan bɛɛ latɔnbagayala. Ha bi, male wo, mala musinu wo, mala dannu wo, ma do-wo-do ti nɔnbɔ-gbɔ-yi sɔ ma dɛ la.

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 19:19

I ni i na anubɛ i fa gbiliya. I ni i sigi-nyɔgɛ keni iko i nyɛrɛ.”

Ɛfɛsa 5:24

Woletɔ iko chɔchi-mɔgɛnu sɔnnayanɛ Kirasiti ye nya min, wole musinu ni sɔnnaya wola keinu ye wo nya na le koe bɛɛ rɔ.

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Tɔn-Fɔɛ-Fila-Nyɔgɛ 5:16

“Wota Mari Alla ko wo ni wo fanu anubɛ wo nanu gbiliya, woletɔ a ye nala nyamanɛ min dila wo ma, wo si simayɛ sɔrɔn ka sigi hɛrɛ rɔ nyɔ rɔ.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Kɔlɔsi 1:10

Ni wo mara, wo si ke ko ladanna iko Mari ye a fɛ, wo ni ko ladan nya min. Wo si a hɛnɛ koe bɛɛ rɔ tumɛ bɛɛ. Wo kɔma, wo si to ko-nyimɛ kɛla mɔgɛnu ye. Wo bɛɛ rɔ, wo si to koloyala Alla-lɔn-koe rɔ.

Kɔlɔsi 3:22

Wole yɔɔnnu, wo ni wo tiginuna kumɛ bira koe bɛɛ rɔ. Wo ni wola wɔlɛ kɛ, hali anu ya sa wo la. Wo ni anu hɛnɛ wo yisi bɛɛ la alako Mari ni gbiliyɛ sɔrɔn wo bolo.

Taita 2:9

Yɔɔnnu ni anu tiginuna kumɛ bira ka wonu hɛnɛ koe bɛɛ rɔ. Anu kana wonu sɔsɔ,

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Ruti 3:5

Ruti mama ya min bɛɛ fɔ a ye, a sɔnta wo ma.