Kɔlɔsi 3:19 - ALLALA KUMƐ

¹⁹ Wole keinu, wo ni wola musinu keni. Wo kana wo ya-ragbɛlɛya anu ma.

Kɔlɔsi 3:19 ပူးပေါင်းရင်းမြစ်များ

Ko-Dabirɛnu 24:67

Isiyaka ya Rebɛka ladon a na Sirala fani-bɔn la. A ya Rebɛka bi ka a ma atɛ la. Ala musi diyara a ye koikoi! Isiyaka yisi-kimara a nala sayɛla ko la.

Makawandili Kumɛnu 9:9

Wobɛ i diyana-musi ni taran wo diya tolon! I ni to kɛnu kun na i siyi-tele-bɛɛ kɔrɔ bawo duninya ragbɛlɛ. Mɔgɛ ni to a nyɛrɛ ladiyala tele-ragbɛlɛyani kɛnu tɔ bawo tɔnɛ dama-damɛ le wo la.

Luka 14:26

“Mɔgɔ-wo-mɔgɔ nara nde wara, a ti ke mala nna karan-dan la fɔ a wa a kan-kɔ sɔ a na anubɛ a fa la, ala musi anubɛ ala dannu anubɛ a na-kelen-nyɔgɛnu anubɛ a nyɛrɛ fanan.

Romu 3:14

Anu dɛ burɛ lafanɛ dankali-yogomɛnu na.

Ɛfɛsa 4:31

Nyɔgɔn-kɔn wo, yisi-bɔɛ wo, diminyɛ wo, wo ni wonu boloka. Wo kana nyɛɛ mɔgɛnu ma ka mɔgɛ manyini, ado wo kana ni-yogoyɛ kɛ wo nyɔgɔn na.

Ɛfɛsa 5:25

Wole keinu, wo ni wola musinu keni iko Kirasiti ya ala mɔgɛnu keni nya min ka a nyɛrɛ niyi ni anuna ko la.

Ɛfɛsa 5:33

Kɔnɔ a ye male fananna ko fɔla ko kei bɛɛ ni ala musi keni iko a nyɛrɛ. Wo kɔma, musinu ni anuna keinu gbiliya.

Kɔlɔsi 3:21

Wole denbɛnu, wo kana wola dannu yakɔrɔ-mamɔ nya do ma min si anu yisi tinya.

Yemesi 3:14

Kɔnɔ ni keliya-yogomɛ ye i yisi rɔ, ado i ye koe bɛɛ bɛnna i nyɛrɛ le ma dɔrɔn, i kana i nyɛrɛ matɔgɔ ka a tɛgɛ ila hɛnkilimayɛ ma. I wara tonyɛ boloka worɔ ka foninya-yogoma-wɛ sa tele la.

1 Pita 3:7

Keinu fanan, wo ni wo miri wola musinu ma. Wo ni a lɔn ko wota sɛnbɛ kolo anutɛ ko, woletɔ wo ni anu bira a kin na ka anu gbiliya, ado Alla ye duwɛ min kɛla ka habadan-nimayɛ di wo ma, wo dama rakɛn wo sɔrɔn-koe rɔ Alla bolo. Ni wo ya wo ma, fenfen ti wola Alla-matarɛ tinya.