Kɔlɔsi 2:23 - ALLALA KUMƐ

²³ Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.

Kɔlɔsi 2:23 ပူးပေါင်းရင်းမြစ်များ

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Ɛfɛsa 5:29

ado ha bi, mɔgɔ ti a ban a nyɛrɛ bagbuyi la fɔ ka a nyɛrɛ matɔlɔ ka a fɛ-bira iko Kirasiti ye ala mɔgɛnu fɛ-birala nya min.

Kɔlɔsi 2:18

Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 2:22

Tɔn kɛnu tɛgɛnɛ dɔn-fen anubɛ minni-fen-koenu denu ma. Wo wa ban anu dɔnna tumɛ min, a si ma iko fenfen sa nun. Hadama-danta miriya le wo la.

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

1 Timoti 4:3

Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.

1 Timoti 4:8

Tonyɛ le kɛ la, ado i ni la a la ka a bira gben, ko ka i fɛrɛ ramaga, wo si koe do nyinya. Kɔnɔ ka i ramaga Allata wɔli-kɛ-tinɛ, wo si ko nyinya nya bɛɛ ma. A si i dɛnbɛ duninya kɛ rɔ anubɛ lakira fanan.