Kɔlɔsi 2:18 - ALLALA KUMƐ

¹⁸ Wo kana sɔn, mɔgɔ-wo-mɔgɔ ni wo yiliki min bi a nyɛrɛ gbiliyala ko-rayen rɔ ka a famayigi foninyɛ rɔ. Wo kana don melika-bato-koe rɔ. Mɔgɔ sifa wo wasinɛ hadama-danta miriya le la fufafu!

Kɔlɔsi 2:18 ပူးပေါင်းရင်းမြစ်များ

Ko-Dabirɛnu 3:13

Mari Alla ya a fɔ musi wo ye ko, “I ya kɛ tɛgɛ nfen ma?” Musi ko, “Duguma-fan le ya n yanfa woletɔ n ya gbɔɛ wo dɔn.”

Yobu 38:2

Nfenna ile ye sikɛ donna nna hɛnkilimayɛ rɔ ita kuma-rakolɔn fɛ?

Aiseya 57:9

Wo ye tuli anubɛ sɛnti-suma-diyamɛnu kɛla wo ma alako ka wola bɛsɛ Molɛki hɛnɛ. Wo ye mɔgɛnu natala wula-yannu na pon, hali lakira fanan alako wo si bɛsi-kurɛnu sɔrɔn nya min wo si minnu kɔ.

Isikiyɛli 13:3

“Nde, wo Tigi Mari ko gbalo ye foninya-wɔlɔyiya-kuma-fɔla-fuyi kɛnu kuma. Anu bi anu bilala anu nyɛrɛ miriya le fɛ. Anu bi foninya-ko-rayira-kumɛ wonu bɔla anu kunyɛ le tɔ dɔrɔn.

Daniyɛli 11:38

Ale lara bɛsɛ min na fɔ min bi so-latankanɛnu makandanna. Sɛnɛ wo, wodi-gbɛ wo, dugu-kɔrɔ-nɔnfulu-sufa bɛɛ wo, anubɛ fen-kolomɛ donu, a si wo dama don bɛsɛ wo fɛ-koe rɔ, ado a benbanu fenfen ma bɛsɛ wo kɔ.

Yilan-Yilan Koe 25:18

A fɔlɔtɛ, anu bara ko-yoge kɛ wo la ka wo yanfa Piyɔri kɔnkɔ-kolo-wɛ kun tɛma. A fila nyɔgɛ ka anu faga Midiyan musila ko la min fagara Isirɛla kei do fɛ wo tumɛ Isirɛla mɔgɛnu fanan bi fagala.”

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Romu 1:25

Anu ya Allala tonyɛ mafelen foninyɛ la. Anu wɔlita dali-fannu denu ye ka wonu denu kɔ. A bɛnnɛ anu ni Dali-Mansɛ min tanto, anu bara wo to nyɔ tolon! Tonyɛ le wo la.

Romu 16:18

ado minnu bi ko-sufa wonu mala, wonu sa wɔlila ma Mari Yisa, Allata-Mɔgɔ-Yabɔnɛ ye fɔ anu nyɛrɛ buyi. Anu bi mɔgɔ-magbalanɛnu yanfala anuna kuma teleka-telekɛnu anubɛ matɔgɔlɛ fɛ.

1 Kɔrɛnti 13:4

Keninteyɛ si a munyu-bɛrɛkɛ. A fanɛ nyimayɛ la. A ti keliyɛ kɛ. A ti a nyɛrɛ kɔrɔbi. A ti wasi.

1 Kɔrɛnti 3:3

bawo wo miriya anubɛ duninya-mɔgɛnutɛ, kelen de! Ha ka, keliyɛ anubɛ sɔsɔlɛ ye wo nyɔgɔn tɛma. Wonu denu si a yira ma la ko wo ye ko-ladanna iko dɛnkɛninyabɛlɛnu bi a mala nya min.

1 Kɔrɛnti 4:18

Wo donu bara wasi bawo wo ye wo mirila ko n sa nala kela wo ma.

1 Kɔrɛnti 4:6

N na-kelen-nyɔgɛnu, n bara koe kɛ bɛɛ sanka mabɛ Apalasi ma wolela ko la. N bara male ma misalɛ la alako wo ni tili wo kɔrɛ lɔn mɔgɛnu bi min tɛgɛla ko, “Mɔgɔ kana tenbi kumɛ-dan kun na.” Wo fenfen kana wasi mɔgɛ do la ka do lafɛya.

1 Kɔrɛnti 8:1

Nba, bɛsɛnu si kɔ soge minnu na, n bi nala wonu denu wara-koe fɔla wo ye kɛ la. Tonyɛ le ko bɛɛ ya doni lɔn kɛ rɔ. Kɔnɔ lɔnnɛ sifa wo si a ma, mɔgɛ ni wasi wola ko la. Keninteyɛ le si mɔgɛ layɛlɛ.

1 Kɔrɛnti 9:24

Wo ya a lɔn serr, ko hali buri-kɛlɛ siyaman si anu buri kɔnɔ mɔgɛ kelen pe le si sarɛ wo sɔrɔn. Nba, wo ni wo buri wo nya alako wo ni wota sarɛ sɔrɔn.

2 Kɔrɛnti 11:3

N kilannɛ ko fenfen kana wo hɛnkili yabasan iko duguma-fan ya ma mama Hawa yanfa ala foninya-wɛ la nya min. Wo kana bɔ wola keninteya-bɛrɛ rɔ min bi wo bolo Kirasiti wara la.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Ɛfɛsa 4:17

Marita kilayɛ le kɛ la n bi min nagbɛlɛyala wo kuma gben! Wo kana tagama tun iko Alla-batobɛlɛnu. Wonu miriya manɛ fuyi le la.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Tɔn-Fɔɛ-Fila-Nyɔgɛ 29:29

“Ko-dogonnɛ donu bi nyɔ mata Mari Alla ya min bira a nyɛrɛ ye gben! Kɔnɔ a ya ata tɔnnu denu yira mabɛ ma kegeyɛnu na ma si to minnu birala habadan!”

Filipai 3:14

Alla wa n kele ko n ni yɛlɛ san ma ka habadan-nimayɛ kɛ Yisa Kirasiti baraka rɔ, nta barayi le wo la. Woletɔ n bi n burila ka n telen dan wo la, yɔ!

Kɔlɔsi 2:23

Nba, melika-batoe fɔrɔsɛ la wo, foninya-famayigiyɛ wo, nyɛrɛ-bagbuyi-tɔrɛ wo, tɔn wonu mani de iko hɛnkili ye anu tɔ kɔnɔ wonu ti ko-wo-ko nyinya bagbuyi-natanu-bira-koe rɔ.

Kɔlɔsi 2:4

Nba, n bi kɛ fɔla wo ye, wo kana sɔn, mɔgɔ-wo-mɔgɔ ni wo mayuwaya sɔsɔli-takolɔn fɛ, hali anu kusanyara kumala nya-wo-nya.

Kɔlɔsi 2:8

Wo ni a ma wo fɛrɛma. Mɔgɔ-wo-mɔgɔ kana wo yanfa anuta kun-takolonya-karan fɛ ha wo ni ma yɔɔn la. Karan wo bɔnɛ mɔgɔya-kɛ-nya anubɛ duninya-nyina-kun-tiginu de tɔ. Yanfɛ wo sa bɔla Kirasiti bolo muk,

1 Timoti 1:7

Anu bi a fɛ ka ma Musata tɔn-karan-mɔgɛnu na kɔnɔ anu nyɛrɛ ye kumɛ minnu fɔla ka sɔsɔli kɛ minna ko la, anu ma wonu nya-lɔn defan!

1 Timoti 4:1

Allata Ni-Sɛnimɛ ya a gbɛ ko wati-laban kɛ kɔrɔ, mɔgɛ donu si dɛnkɛninyɛ boloka. Anu si foninya-karan bira min bi bɔla nyinɛnuna karan rɔ.

2 Pita 2:14

Anu ba musu-wo-musu yen, anu bi nyinina wo ma. Nata-yogomɛ min bi anu yisi rɔ, wo ti anu wasa mumɛ! Mɔgɛ minna dɛnkɛninyɛ sɛnbɛ sa, anu bi wonu nadonna hakɛ rɔ iko gbɛrɛ-lasiginɛ. Anu burɛ lafanɛ nata la, ado anu bi Allala dankɛ kɔrɔ!

1 Yɔni 2:26

Minnu bi anu tayala ka wo yanfa, n bi kɛdi kɛ sɛbɛla wonu ma wonuna ko la.

Lankɛnimayɛ 12:9

Ninkinanka-wɛ min ya duninya bɛɛ yanfa, ale duguma-fen-kɔrɛ, kɔni, wo lafilita dugu-kole kuma anubɛ ata melika bɛɛ. Anu si a kele ko nyinɛ, ni wo ma, Setanɛ.

Lankɛnimayɛ 13:14

Kabana-koe minnu kɛnɛ sogo-ferema fɔlɔtɛ wo yala, Alla sɔnta ko a ni duninya-mɔgɛ bɛɛ yanfa wo fɛ. Sogo-feremɛ wo ya a fɔ bɛɛ ye ko soge min tanbanta faan la kɔnɔ a belinɛ, a ko anu ni wo gbiliya ka wola muninyɛ ladan.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 19:10

N ya n sa melika kɔrɔ a bato-koe la kɔnɔ a ya a fɔ n ye ko, “I kana wo ma! Wobɛ i na-kelen-nyɔgɛnu wɔli-kɛ-nyɔgɛ le nde la. Yisa ya tonyɛ min nabɔ gbɛ rɔ, anu bi wo birala. I si Alla le dɔrɔn bato!” A ya wo fɔ bawo Yisa ye tonyɛ min nabɔla gbɛ rɔ, wo le ye nɛbinu sɔla wɔlɔyiyɛ la.

Lankɛnimayɛ 3:11

N bi nala tiriya! Min bi wo bolo, wo ni wo mara gben! Woletɔ wo ara barayi min sɔrɔn ka a bɛn wola nɔlɛ ma, mɔgɔ-wo-mɔgɔ ti ke wo kankanna wo bolo.