Kɔlɔsi 2:14 - ALLALA KUMƐ

¹⁴ Ma hakɛ minnu sɛbɛnɛ ma kan ma nun anubɛ ma kirinɛ tɔn minnu na, Alla ara wonu gbangban Yisata kɔlɔma ma ka anu ban feu!

Kɔlɔsi 2:14 ပူးပေါင်းရင်းမြစ်များ

Nihɛmaya 4:5

Bawo anu bi ma mayɛlɛnna wɔlɛ kɛla ko la, i yandi, i kana anu makoto anu hakɛ wo la hali ka nyina anu sɔn-yogomɛ ko.”

Ɛsita 3:12

San wo karɛ fɔlɛ, a tele tan-ni-sawa nyɔgɛ ma, Heman ya mansɛla kɛdi-sɛbɛlɛnu kundɛn. A ya sereya do latenbi anu ma alako anu ni a sɛbɛ bɛɛta kan rɔ iko bɛɛta kan si sɛbɛ nya min. Anu ba ban a sɛbɛla, anu ni a don kun-tiginu anubɛ mɔgɔ-ba-malɔnnɛnu bolo nyamanɛ wo tonke bɛɛ rɔ. Anu ya wonu sɛbɛ mansɛ tɔgɔ rɔ. Anu ya mansɛla dɛɛn-kɔlɔnɛ wo bi ka wo mandan sa kɛdi wonu ma.

Ɛsita 8:8

Kɔnɔ sereya min sɛbɛnɛ mansɛ tɔgɔ rɔ, ado ala dɛɛn-kɔlɔnɛ-mandan sanɛ wo ma, wo yɛlɛma-nya-wo-nya sa. Wo si min ma gbɛ, wo ni kɛdi-gbɛrɛkɛ sɛbɛ Yahudiyanuna ko la. Ni min di wo ye, wo ni wo sɛbɛ a rɔ. Wo kɔma, wo ni n tɔgɛ sɛbɛ a rɔ ka nta dɛɛn-kɔlɔnɛ-mandan sa a ma.”

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Yaburi 51:9

I kolan bɔ n hakɛ la. N sɔn-yogomɛ bɛɛ firan n na feu!

Aiseya 43:25

Kɔnɔ hali wo, a ko ma hakɛ-makotolɛ le ale Mari la. A ko a ye wo mala le ka a tɛgɛ a nyɛrɛla ko ma. A ko a ti ma bira ma hakɛ-yili la.

Aiseya 44:22

A ya ma hakɛnu firan ma ma iko fɔnyɔ wa sigi banda-finyɛ kɔrɔ. A ye a fɔla ma ye ko ma ni sɛgi a ma. Ma lakanannɛ le ale la.

Aiseya 57:14

Mari ko ala mɔgɛnu ni sɛgi a ma. Wo ni wola gbaran-fannu bɔ kilɛ la. Wo ni kilɛ rabɛn yɔnyɔn!

Yilan-Yilan Koe 5:23

“Saraka-masɔlɛ ni dankalɛ wo sɛbɛ gbole do ma. A ni gbole wo sa yi-kunanɛ kɔrɔ ka dankalɛ wo ku gbole wo ma.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Kɛwɔlɛnu 3:19

Nba, wo ni yɛlɛma ka tubi Alla ma. Woletɔ a si wo hakɛ yesi feu, ka wo makoto. Ni wo ya wo ma,

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

2 Tɛsalonaika 2:7

“Kirasiti-yogo-finma-wɛ” wo ye wɔlila kaka kɔnɔ mɔgɛ kelen de nyɔ min bi a mabelila, ado ale kelan si to a mabelila ha a ni kilɛ di a ma.

Hiburunu 7:18

Nba, tɔn-kɔrɔmɛ wo ara to a dan na bawo a sɛnbɛ sa, ado a ti ko nyinya mɔgɔ ma tun.

Hiburunu 8:13

Alla ya sarama-kan-kurɛ kiri min kɛ, a fɔlɔtɛ ara ma a kɔrɔmɛ la, ado fan min bara kɔrɔya ka tinya, wo ti mɛ tununa yen!

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.