Kɔlɔsi 1:27 - ALLALA KUMƐ

²⁷ ado Allata ko-rabɛn le wo la alako ata mɔgɛnu ni ala gbundu-koe lɔn. Gbundu-koe wo makawara, a gbiliyanɛ. Gbundu-koe wo le ko Kirasiti siginɛ wole sibolo-gbɛrɛnu fanan yisi rɔ. Yigi le wo la alako wo fanan ni wotɛ sɔrɔn Allata gbiliyɛ wo rɔ iko male Yahudiyanu.

Kɔlɔsi 1:27 ပူးပေါင်းရင်းမြစ်များ

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Luka 17:21

Mɔgɔ ti a fɔ ko, ‘A mafɛlɛn, a ye yan!’—ni wo ma, ‘I ma a yen pan!’ Wo ti yen bawo Allala mansayɛ ye wo tɛma kaka.”

Yɔni 14:20

Wo tele wa ke tumɛ min, wo si a lɔn ko n bi n Fa Alla rɔ, wole fanan bi nde rɔ iko n bi wole rɔ nya min.

Yɔni 14:23

Yisa ya a yabi ko, “Min ba n keni, wo tigi si nna kumɛ bira. N Fa Alla si wo tigi keni. Mabɛ n Fa Alla si na a wara ka to siginɛ a fɛ.

Yɔni 17:26

N bara a ma, anu bara i lɔn. Nba, n si to wo mala dɛɛ! N bi wo mala le alako i wara n keni nya min, keninteyɛ wo ni to anu tɔ. N bi wo mala le alako n si taran anu tɔ.”

Yɔni 6:56

Min ba n bagbuyi dɔn ka n yele min, wo tonɛ nde rɔ, nde tonɛ ale rɔ.

Romu 11:33

Allala nɔnfuli kolo de! Ala hɛnkilimayɛ anubɛ ata lɔnnɛ ti ban mumɛ! Yon si ke ata ko-latɛgɛnɛnu faranfasila? Yon si ke a miriyanu lɔnna?

Romu 2:4

Allala nyimayɛ wo, ata dinyɛ wo, anubɛ ata munyu-waranɛ wo, wo ara tɛgɛ wonu tɔ, nyɛ? Ko Alla ye ko-nyimɛ kɛla wo ye alako wo ni tubi a ma, wo ma wo lɔn, ba?

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 8:10

Hali wo bagbuyi min si faga ka a tɛgɛ hakɛ ma, ni Kirasiti siginɛ wo yisi rɔ, Allala Ni-Sɛnimɛ si a ma, wo ni niyi sɔrɔn, ado wo si a taran, Kirasiti ara koe bɛɛ latelen wole anubɛ Alla tɛma.

Romu 9:23

A ya ala gbiliyɛ min nabon ma kuma, a si wo waranɛ labɔ gbɛ ma fanan. A bɛnta, male min ni ala kinikinɛ lɔn, a ara male rabɛn ala gbiliyɛ-sɔrɔn-koe la,

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

2 Kɔrɛnti 2:14

Tabarakala Alla ma! Mabɛ Kirasiti ye kan kelen tɔ min kɛ, Alla ya ma ma yelela-mɔgɛnu na ka ma mayira gbɛ rɔ Kirasitita nɔlɛ rɔ. Nba kaka, ma tenbi tala kan-tina wo kan-tina, a si male bi ka Marita kibara-nyimɛ lake doinu ma. Kibarɛ wo si nyɛnsɛn iko sɛnti-suma-diyamɛ.

2 Kɔrɛnti 4:17

Nba, ma ara tɔrɔya-kundu-ni kɛ sɔrɔn min ti a laban kɔnɔ wo si habadan-gbiliya-belebele di ma ma, min kolo tɔrɔyɛ wo ko pirr!

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 6:16

Diyanayɛ mintan bi Alla-Bato-Bɔn anubɛ Alla-batobɛlɛnuna bɛsɛ kɔ tinɛnu tɛma? Male le Alla nimɛ Bato-Bɔn la iko Alla nyɛrɛ ya a fɔ nya min ko, “N si sigi anu fɛ ka to anu tɛma. N si ma anuta Alla la. Anu si ma nta mɔgɛ la.”

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.

Kalesiya 4:19

Kɔnɔ n diyana-dannu, n bi dumɛ rɔ wola ko la iko musu buyi wa a lamaga, ado a si to wo nya na ha wo sɔn ni ma iko Kirasititɛ.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

Filipai 4:19

Nba, nta Alla si wo makoe bɛɛ nyinya iko ala nɔnfulu-waranɛ ye nya min Kirasiti Yisa rɔ.

Kɔlɔsi 1:5

ado kebi wo ya kibara-nyimɛ kɛ lamɔɛn a fɔlɔtɛ rɔ, wo tora lala wo la ka wo yigi sa a kuma gben! Wo ye wo mala bawo wota sewɛ maranɛ wo ye Arinyɛni tɔ.

Kɔlɔsi 2:3

Kɔnɔ ka tenbi wo la, Allata hɛnkili anubɛ ala lɔnnɛ bɛɛ dogonnɛ ale Yisa rɔ.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

1 Timoti 1:1

Nde, Pɔli le ye kɛdi kɛ sɛbɛla, Kirasiti Yisala kilayɛ, kɔni. Ma kisilɛ Alla le ya n sɔ ko n ni wɔlɛ kɛ ma, ado ma yigi sanɛ ale Yisa Kirasiti kuma.

Hiburunu 6:19

Yigi wo ye ma bolo min si ma niyi lakandan, Yisa, kɔni. Ale si ke tenbila Sɛnima-Sɛnima-Tinɛ yorolan kɔma min bi Alla-Bato-Bɔn tɛma Arinyɛni tɔ.

1 Yɔni 4:4

N diyana-dannu, Allatɛ le wole la. Wo ara foninya-nɛbi wonu nɔ bawo ata Ni-Sɛnimɛ min bi wole rɔ, wo sɛnbɛ kolo doinuta niyi ko, duninyatɛ ye minnu na, kɔni.

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.