Kɔlɔsi 1:13 - ALLALA KUMƐ

¹³ A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

Kɔlɔsi 1:13 ပူးပေါင်းရင်းမြစ်များ

Aiseya 42:1

Mari ko a ara ata wɔli-kɛlɛ min sɛnbɛ don, ma ni ma yɛ lata wo ma. Ale nyɛrɛ le ya a yabɔ, ado a wara-koe ya a hɛnɛ. A si a lafa ata Sɛnbɛ la, ado ale le si na telenbagayɛ la sibole bɛɛ ye.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Aiseya 60:2

Pinpi burunnɛ dugi kuma kaka. Sibolo-gbɛrɛ doinu bi pinpi-belebele-wɛ tɛma. Kɔnɔ Marita wan-takanɛ ara ile to gbɛ rɔ, ado mɔgɛnu si Marita gbiliyɛ yen ila foolɛ rɔ.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

Luka 22:53

N taranta wo fɛ wati bɛɛ Alla-Bato-Bɔn la, wo ma wo raya n bira-koe la. Wota wati le kɛ la. Pinpi ara ban sɛnbɛ sɔrɔnna wo kuma.”

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Yɔni 3:35

Ma Fa Alla ara nde, ala dan keni ka fan bɛɛ ladon nta sɛnbɛ kɔrɔ.

Yɔni 5:24

“N bi tonyɛ fɔla wo ye, min ba nna kumɛ lamɔɛn ka dɛnkɛninya n Fa Alla ma min ya n sɔ, habadan-nimayɛ ye wo bolo. Kiti sa wo tigi ma. A manɛ iko mɔgɛ min bara faga nun kɔnɔ kaka, a ara niyi-kurɛ sɔrɔn tun.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

2 Kɔrɛnti 11:14

Nba, kabana-ko ma wo la! Hali Setanɛ si ke a nyɛrɛ mala iko waanta melika!

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

Ɛfɛsa 1:6

Ma ni a tanto ata hina-belebele-wɛla ko la kosɛbɛ! A ara wo di ma ma sewɛ rɔ a diyana-dan baraka rɔ.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

Ɛfɛsa 5:5

Wo ni a lɔn serr, ko yɛlannu anubɛ sɔn-yogoma-tiginu anubɛ wasabɛlɛnu ti fenfen sɔrɔn Kirasiti anubɛ Allata mansayɛ rɔ. (Wasabɛlɛnu sa Alla batola fɔ anu bi nyinina minnu ma.)

Ɛfɛsa 5:8

Wole nyɛrɛ ye pinpi le tɔ fɔlɔ-nun kɔnɔ kebi wo mara Maritɛ la, wo ye wan-takanɛ le tɔ gbɛ! Wo ni tagama iko mɔgɛ minnu bi wan-takanɛ wo rɔ.

Ɛfɛsa 6:12

Ma sa mɔgɛnu kɛlɛla fɔ pinpirɔ-koe minnu ti yen yɛ la. Dogonta-koe minnu bi kan tinɛ bɛɛ rɔ, a nyina-kun-tigi wo, a fenfen min bi Alla kan ma wo, ma ye wonu denu kɛlɛla.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

2 Pita 1:11

Ni wo ya wo ma, wo wa don habadan-mansayɛ rɔ, ma Mari anubɛ ma kisilɛ Yisa Kirasiti ye kan min, anu si wo labɛn sewɛ la.

1 Yɔni 2:8

Hali wo, n bi tɔn-kurɛ do sɛbɛla fanan. Tonya-karan wo si yen wobɛ Kirasiti rɔ, ado pinpi ye nala tenbila ka ban. Wan-bɛrɛ ye bɔla le kaka.

1 Yɔni 3:14

Ma ya a lɔn ko ma ara bɔ sayɛ rɔ ka don nimayɛ rɔ bawo ma ara ma na-kelen-nyɔgɛnu keni. Ni keninteyɛ sa minnu tɔ, wonu bi saya-sɛnbɛ kɔrɔ ha kaka.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!