Emɔsi 9:7 - ALLALA KUMƐ

⁷ Mari ko wole Isirɛla mɔgɛnu, wobɛ Sudan kɛnu takɛn a ya la. A ko a nara Filisitinu na ka bɔ Kariti yi-tɛma-dugi rɔ. A nara Siriyanu na ka bɔ Kira nyamanɛ rɔ. A ko a nara wole fanan na ka bɔ Iyipiti nyamanɛ rɔ wo nya na le.

Emɔsi 9:7 ပူးပေါင်းရင်းမြစ်များ

2 Mansɛnu 16:9

Kilayɛ wonu ke, wonu ya anu dantɛgɛ. Woletɔ ka a yira Mansa Ehasi la ko a ara sɔn, Mansa Pulu tara bui Damasika kɛnu ma Siriya nyamanɛ rɔ. A ya soe wo bi Siriyanu bolo ka nyɔ-mansɛ Risen faga. A tara nyɔ-mɔgɛnu na Kira soe burɔ.

2 Ko-Kɔrɔta-Karan 14:12

Mansa Esa anubɛ ala kɛlɛ-dannu ya kɛlɛ dabira wati min, Mari ya Sudan kɛnuna kɛlɛ-dannu nɔ anu ye. Anu ya anu buri anu kɔrɔ.

2 Ko-Kɔrɔta-Karan 14:9

Kɛlɛ-kurugbɛ do ye nyɔ min tɔgɛ Sera. A bɔra Sudan nyamanɛ rɔ. A nara kɛlɛ-den wulu kelen (1,000,000) na a bolo anubɛ kirindi kɛmɛ sawa (300). A tara ha Marasa soe burɔ.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Aiseya 20:4

Mari ko Asiriya mansɛ si mɔgɛnu bira nyamani filɛ wonu tɔ, wonu makolɔn si ta. A kina wo, a dennɛ wo, wonu dama kuru-lakolɔn si ta anubɛ anu kin-takolɔn. Wo si a ma, Iyipiti ni miliya.

Aiseya 22:6

Ilam kɛlɛ-dannu bi nala anu siginɛ soeenu na. Kalabɛn ye anu dama bolo tɛrr! Kɛlɛ-dan minnu bɔra Kira nyamanɛ rɔ, wonu tabɛnnɛ kɛlɛ-kɛ-koe la anuna kɛlɛ-mirannu bi anu bolo.

Aiseya 43:3

A ye wo nya na le yɔ, bawo mata Mari Alla le ale la. Wo le, Isirɛlata Mari-sɛnimɛ le ye ma kisila. A ko a ya Iyipiti kɛnu ma ma kunkɛ la. Sudan nyamanɛ anubɛ Seba kɛnu fanan mara ma kunkɛ la.

Yɛrɛmaya 13:23

Mɔgɔ ti ke a fɛrɛ yɛlɛmana. Kuli fanan ti ke a manyɛgannɛ bɔla a ma. Wole Yerusalɛm kɛnu fanan bi wo nya le. Wo ti ke yɛlɛmana tun ka ko-nyimɛ kɛ. Wo ye karagbɛlɛyɛ le la tolon!

Yɛrɛmaya 47:4

Filisitinuna nyamanɛ kasara-wati ara ke. Minnu tora anu niyi la ka Saidon anubɛ Taya kɛnu dɛnbɛ, wonu nato-wati ara ke. Mari ko ale nyɛrɛ si Filisitinu halaki, minnu bɔra Kariti nyamanɛ rɔ, kɔni.

Hoseya 12:13

Mari ya ala nɛbi do sɔ ka ta wole, ala mɔgɛnu kunka Iyipiti nyamanɛ rɔ ka wo fɛ-bira.

Emɔsi 1:5

A ko a si Damasika tara-dɛ keri. A ko a ye nala mɔgɛ wonu gbenna minnu bi Efɛn lɛɛ rɔ anubɛ wola kun-tigi min bi Bɛti-Idɛn soe kun na. Mɔgɛ donu si na bui Siriyanu ma ka ta anu na Kira nyamanɛ rɔ.” Filisitinu

Tɔn-Fɔɛ-Fila-Nyɔgɛ 2:23

Mɛdetereniyan yi-tɛma-dugi do ye nyɔ min tɔgɛ Kariti. Mɔgɛ minnu siginɛ nyɔ, wo donu bɔra nyɔ ka ta anu sigi Mɛdetereniyan kɔgɔ-yi-kɔnkɔn la. Kɔnɔ yanni Kariti kɛnu ni na anu sigi nyɔ, Afi mɔgɛnu siginɛ nyɔ nun. Kariti kɛnu nara ka Afi mɔgɛnu gben nyɔ rɔ. Anu tara nyamanɛ wo bi anu bolo ka ta ke Kesa soe ma min bi dugula wara la.)