Emɔsi 9:5 - ALLALA KUMƐ

⁵ Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Emɔsi 9:5 ပူးပေါင်းရင်းမြစ်များ

Yaburi 104:32

A wa duninya mafɛlɛn, dugi ni yɛrɛyɛrɛn. A wa a kɔɛn tugu kɔnkɛnu na, ta-sisi ni bɔ.

Yaburi 144:5

E, Mari, i ni san-kole fara ka yigi n dafɛ yan, ado i kɔɛn wa tugu kɔnkɛ min na, wo si a sisi labɔ.

Yaburi 32:6

Ila mɔgɔ-sɛnimɛnu si ke tubila wati min, anu si i madiya wati wo le tɔ. Woletɔ tɔrɔya-belebele wa na, a ti anu masɔrɔn.

Yaburi 46:6

Kɔnɔ sibolo-gbɛrɛ doinu, wonu bi kilanna kumakɔɛ bolo dɔgɔma-ma-de! Nyamanɛ doinu ta ye magala. Alla tenbi kumala iko san wa sɛrɛn, wo si a ma, dugi ni lee bandin!

Yaburi 97:5

Kɔnkɛnu si lee Mari yakɔrɔ bandin iko kɛɛn, dugu-kole mumɛ bɛɛ tigi, kɔni.

Aiseya 64:1

E, Mari, i ni san-kole rafara ka yigi ma tɛma. Kɔnkɛnu ba i yen, anu si yɛrɛyɛrɛn kumakɔɛ bolo.

Yɛrɛmaya 12:4

Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Emɔsi 8:8

A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Nehami 1:5

Kɔnkɛnu si to yɛrɛyɛrɛnna Mari yakɔrɔ. Gburukulinu si ta leela bandin! Duninya anubɛ ata mɔgɛnu ta si maga.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Habakuku 3:10

Kɔnkɛnu bara i yen tumɛ min, anu tora yɛrɛyɛrɛnna. San-kole ya a dɛ bɔ banda-yi kɔrɔ. Yi min bi dugu kɔrɔ, wo ya dugi punsɔgɔ kurɔn bolo. A tora tugula a rɔ.

Matiyu 7:27

Banda-wɛ nara. Bɛnu fara. Fɔnyɔ tugura ala bɔn wo ma! Ala bɔn buira fugbu! A rakerikerita iko kolo lamurunɛ!”

Lankɛnimayɛ 20:11

Wo kɔma, n ya mansaya-sigi-fen-gbɛma-wa-belebele yen anubɛ min mayiginɛ a rɔ. Dugu-kole anubɛ san-kole masɛgira anu kɔma wo kɔrɔ kɔnɔ anu ta tina sa.