Emɔsi 9:2 - ALLALA KUMƐ

² A ko hali minnu ba denkɛ sin fɔɔ lakira, a si wo bira nyɔ. Hali minnu yɛlɛta san ma pon, a si wo layigi dugi ma.

Emɔsi 9:2 ပူးပေါင်းရင်းမြစ်များ

Yobu 20:6

Hali a wa yanya, a kunyɛ ni tugu san-kole la, hali a kunyɛ tugura banda-finyɛ la,

Yobu 22:13

Kɔnɔ hali wo, ile Yobu ye a fɔla ko, “Alla ya nfen lɔn? Banda-finyɛ ye mabɛ Alla tɛma. A si ke ma kitila kama?”

Yobu 24:23

Tumado Alla si sɔn ko anu ni sigi lafɛrɛ rɔ kɔnɔ a kolan bɛnnɛ anu ma tuma-wo-tuma.

Yobu 26:6

Furinu bi kan tinɛ min tɔ, Alla kolan ye anu na. Yamatogon-tina-wo-tina ti a ma, a ti anu yen.

Yobu 34:22

Pinpi-wo-pinpi sa nyɔ hakɛ-tigi si ke a dogonna min tɔ.

Aiseya 2:19

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu bi anu dogonna ala sɛnbɛ anubɛ ala gbiliyɛ kɔrɔ.

Yɛrɛmaya 49:16

Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Yɛrɛmaya 51:53

Hali Babilɔn yɛlɛta ha ka ke banda-kole ma, anu ni kan-tina-layan-bɛ sɔ nyɔ, Mari ko a si mɔgɛnu nana nyɔ ka anu kasara. Mari kan le kɛ la.

Isikiyɛli 26:20

N si Taya kɛnu layigi lakira ka anu kofu nyɔ-dugurɛn-kɔrɛnu ma. N si a ma, anu ni to dugu-kɔrɔ-soe wo rɔ tolon! Anubɛ furinu si to kirabɔla anu nyɔgɔn fɛ lakira nyɔ. Mɔgɔ-wo-mɔgɔ ti sigi Taya soe burɔ tun. Anu ti sɔ-tina fenfen sɔrɔn tun mɔgɔ-nimɛnu tɛma.

Isikiyɛli 31:14

Woletɔ, ka a dabira bi ma, kɔlɔma-wo-kɔlɔma ti taran min si yanya ka ke wo rɔ hali yi taranta a kɔrɔ duk! Kɔlɔma wo-kɔlɔma ti yanya tun ka tugu banda-finyɛ la. Anu dama si faga iko hadama-dan. Anu si kofu anu ta-nyɔgɛnu ma lakira.

Hɔbadaya 1:4

Hali wole mirinɛ ko wola sigi tinɛnu bi san-kolo-wɛ ma iko kokɛ-nyagan tenbi lolenu tɛma san-kole rɔ. Kɔnɔ hali wo, ale Mari ko a si wo gbesi dugi la.

Luka 10:18

Yisa ya anu yabi ko, “N bara Setanɛ yen buila ka bɔ Arinyɛni tɔ iko san-gbalamɛ.