Emɔsi 9:13 - ALLALA KUMƐ

¹³ Wati ye nala, fui-fen-tɛgɛlɛnu ti ke fui-fan tɛgɛla siyayɛ bolo. Kɔn-gbɔ-yi-bɔlɛnu ti ke a yi bɔla siyayɛ bolo. Wo yi-diyamɛ si to bɔla kɔnkɛnu tɔ iko gbɔrɔn-gbɔrɔnna-yi.

Emɔsi 9:13 ပူးပေါင်းရင်းမြစ်များ

Ko-Dabirɛnu 49:11

Mansɛ wo ti kilan ala sofɛlɛ kirila nɔnbɔ-kurinu tɛma nɔnbɔ-gbɔɛnu siya kan min! A si ala kurɛnu ku nɔnbɔ-gbɔ-yi wo la siyayɛ bolo.

Yaburi 97:5

Kɔnkɛnu si lee Mari yakɔrɔ bandin iko kɛɛn, dugu-kole mumɛ bɛɛ tigi, kɔni.

Aiseya 16:10

Mɔgɔ-wo-mɔgɔ nyagalenni ma anuna sɛnɛ rɔ tun. Sewa-sigi fenfen sa nyɔ rɔ. Nɔnbɔ-gbɔ-burunna fanan sa nyɔ tun. Sewa-sɔnkɔ-sɔnkɔ bɛɛ ara ban.

Aiseya 55:13

Wɔnɔ-firɛnu si yɛlɛma kɔlɔma-hakikɛnu na. Kala-dugi si ma firɛ la. Kɛ wa ma tumɛ min, wo hɛnkili ni to bilala Marita lanyiri ko. Kɛ si ma habadan-misalɛ la min ti tinya muk!

Isikiyɛli 28:26

Anu si sigi nyɔ lafɛrɛ rɔ. Anu si bɔnnu sɔ nyɔ ka ki-fannu ki. Sibole minnu tɛgɛnɛ anu tɔ, n si wonu tɔrɔ alako anu kanannɛ ni to nya min. Anu si a lɔn wo le ma ko anuta Mari Alla le nde la.”

Isikiyɛli 36:35

Mɔgɔ ti nyamani-tinyanɛ kɛ yen tun. Anu si a fɔ ko a mafɛlɛn di iko Idɛn nakɔɛ ye nya min nun. Mɔgɛnu ti anuna soenu yen tonbonyɛ la. Anu si soe wonu fanan yen tun tarɛ mininɛ anu ma.

Yowɛli 2:24

A ko wola gbere-kolenu na si fa dɔn-fannu na. Wola baan-barɛnu anubɛ wola tulu-barɛnu na si fa pen!

Yowɛli 3:18

Mari ko wo wati si a taran, kɔnkɛnu yamatogonnɛ ki-fannu na. I tara kɔnkɔ-wo-kɔnkɔ ma, i si kolo-fannu taran nyɔ, wo si minnu burun. Yi-worɔn min bɛɛsi ye Yuda nyamanɛ rɔ, wo bɛɛ la si fa yi la tɛf! Tenke do si bɔ Mari Bato-Bɔn la ka yigi lɛɛ do rɔ min tɔgɛ Akasiya lɛɛ.

Yowɛli 3:20

Mari ko a si wonu tayili sara. A ko mɔgɔ-yilikinɛ wonu ti to anu niyi la. Yuda nyamanɛ anubɛ Yerusalɛm soe rakolonyanɛ ni taran muk, ado Mari ko a mayiginɛ si to Yerusalɛm a Bato-Bɔn la tolon!

Saraka-Masɔlɛnuta Tɔnnu 26:5

Wola dɔn-fannu ti dasa wo ma. Wo si to wola ki-fannu tɛgɛla ha kɔn-gbɔɛnu keri-wati. Wo si to kɔn-gbɔɛnu fanan kerila ha wola ki-fen-kurɛnu ki-wati. Wo si to sigini nyɔ rɔ lafɛrɛ anubɛ yisi-kimɛ rɔ.

Emɔsi 9:5

Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Yɔni 4:35

“Wo kɛnɛna a fɔla ko a ara to karɛ nani, fui-fan-tɛgɛ ni ke kɔnɔ n bi a fɔla wo ye ko wo ni sɛnɛnu mafɛlɛn a kin na! Fui-fannu bara ban mɔla, a tɛgɛ-tumɛ ara ke!