Emɔsi 9:11 - ALLALA KUMƐ

¹¹ Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.

Emɔsi 9:11 ပူးပေါင်းရင်းမြစ်များ

Yobu 1:10

Ale wo, ala denbayɛ wo, ala kolo-fannu wo, i ye anu natankala tuma-wo-tuma. Hali a ya a bole bila fenfen tɔ, ile si a ma, wo ni sabati a bolo. I wara kolo-fan minnu di a ma, wo si nyamanɛ wo lafa le.

Yaburi 143:5

N bi n mirila ko-kɔrɔmɛnu ma. N hɛnkili ye i kɛ-nya-kɔrɛnu ma fɔlɔn. N yili tonɛ ila ko-ladan-bolenu ko.

Yaburi 80:12

Sansan min donnɛ nɔnbɛ kɛ ma, nfenna ile Alla ara wo keri? Mɔgɔ-wo-mɔgɔ tenbi tenbila, a si nɔnbɛ kɛ gbɔɛ do keri.

Yaburi 89:40

I wara ala so-tarɛ rakeri ka ala kan-tina-latankanɛnu tinya.

Aiseya 16:5

Wo wati rɔ, Dawuda bɔnsɔn-mɔgɛ do si ma mansɛ la. A si ala mɔgɛnu mara keninteyɛ anubɛ lanayɛ la. A la si tiriya ko-latelennɛ ladanna. A si mɔgɛnu sɔ telenbagayɛ kilɛ rɔ.

Aiseya 5:5

“N bi kɛ le mala nna nakɔɛ rɔ ki-fannu kɔrɔ. A sansannɛ min na, n ni wo tinya. N si a ma, sogenu ni nakɔɛ kɛ firan fiya!

Aiseya 58:12

Wola soe minnu kasaranɛ kɛ la, a ko wola mɔgɛnu si wonu sɔ tun a kurɛ la. Wola soe minnu bara ma tonbɔn la nun, wo si wonu kurukɛ tun. Wo ye tarɛ labɛtɛrɛ min kɛla kɛ la, wo mankan wo si ta wuu! Bɛɛ si wo lɔn bon-nadannɛ anubɛ kila-ladannɛ la.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Aiseya 65:9

A si a ma, Yakoba kegeyɛ donu ni to a niyi la. Ata kɔnkɔ-nyamanɛ ni ma Yuda bɔnsɔn donuta kɛɛ la. A si mɔgɛ donu yabɔ minnu si sigi nyɔ. Ata wɔli-kɛlɛ wonu si to sigini nyɔ rɔ.

Yɛrɛmaya 18:9

A ko tuma-gbɛrɛkɛ si na, a si sibolo doi wara-koe fɔ. Tumado a si sibole do lasɔ ka a ragbɛlɛya gbon!

Yɛrɛmaya 30:9

A ko wo si ale wota Mari Alla sako kɛ. A ye mansɛ min sigila ka bɔ Mansa Dawudata kebilɛ la, wo si to wɔlila wo ye.

Yɛrɛmaya 46:26

A si anu kunyɛ don Babilɔn Mansa Nɛbukanasa anubɛ ala kɛlɛ-dannu bolo, anu faga-sɔgɛ ye minnu na! Kɔnɔ a ko tɔ-a-la, mɔgɛnu si na sigi Iyipiti tun iko fɔlɔ. Mari kan le kɛ la.

Nimisa Koe 5:21

Ni i ma i ban ma la nun feufeu, ni i ma diminya ma ma ka a dan-natenbi, a ma, ma ni sɛgi i ma tun. E, Mari, i yandi, ma to gbiliyɛ rɔ iko ma ye nya min nun.

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Isikiyɛli 36:11

A mɔgɔ wo, a ninki wo, n si a ma, wo bɛɛ ni yiri tun bui! Anu si siyaya ka tenbi a fɔlɔtɛ la. N si a ma, anu ni sigi nyɔ lafɛrɛ rɔ iko anu bi nyɔ nya min kɔrɔma la. N si anu nasabati ka tenbi a fɔlɔtɛ la. Wo kɔma, anu si a lɔn ko Mari le nde la.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Hɔbadaya 1:17

Kɔnɔ hali wo, Mari ko ata mɔgɔ-biranɛ donu si ke anu burila ka sɛgi anu barɛ Yerusalɛm soe burɔ ka a bato nyɔ. Yakoba kegeyɛnu si ke anu halala-nyamanɛ sɔrɔnna a gbɛ rɔ tun, yɔ!

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Maika 7:11

Wo wati wa ke, wole Yerusalɛm kɛnu, wo si wola so-tarɛ sɔ a gbɛ rɔ tun. Nyamanɛ do si sa wola nyamanɛ kuma ka koloya.

Maika 7:14

I yandi Mari, i ni ma ila mɔgɔ-yabɔnɛ kɛnu ye iko saga-fɛ-biralɛ. Ma ye dugi min tɔ kaka, dugu-hakika ma wo la. I yandi Mari, a ma, ma ni ta ma sigi Basan nyamani-hakikɛ rɔ anubɛ Kaliyadi nyamanɛ iko ma benbanu ya a ma nya min wati-tenbinɛ.

Maika 7:8

Ko-yogomɛ min bi sigila ma la, ma yogenu kana wonu ma ma rasɛ-kunya la. Hali ma dɛ ra ara gborokan, ma si ma lasɔ tun. Hali pinpi burunnɛ ma ma bɛff, kɔnɔ Mari si waan raka ma ma waran!

Sakaraya 12:7

A ko ale Mari si a ma, Yuda kɛlɛ-dannu fɔlɔn ni nɔ-ko sɔrɔn alako gbiliyɛ min bi Mansa Dawuda bɔnsɔn anubɛ Yerusalɛm kɛnu bolo, wo kana na tenbi Yuda mɔgɛ toenutɛ la.

Sakaraya 14:10

Ka a bi kantɔ-wara la Kiba soe ye kan min ha ka yigi dugula wara la Rimɔn soe ye kan min, tɛngbɛnya wo dugi mumɛ bɛɛ ra si kɛnya bɛrɛtɛ! Hali wo, Yerusalɛm soe dɔrɔn si to a gbɛ rɔ kɔnkɛ kuma. Yerusalɛm soe si a dabira tara-don-dɛ ma min tɔgɛ Bɛnyamɛ. Soe wo le ye tala sɔla furr, ha tarɛ tonke don-dɛ ma min bi a sɔ-gba-kɔrɛ rɔ. A si ta fanan ha tara-layan-bɛ do ma min tɔgɛ Hananɛli. Wo kɔma, a si ta sɔla ha mansɛla nɔnbɔ-gbɔ-yi burun-tinɛ.

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

Yilan-Yilan Koe 24:18

A yoge minnu bi Idɔm nyamanɛ rɔ, a si wonu kasara. A si nyamanɛ wonu ma a nyɛrɛtɛ la. Kɔnɔ hali wo, Isirɛla mɔgɛnu si to fanka sɔrɔnna dɛɛ!