Emɔsi 9:10 - ALLALA KUMƐ

¹⁰ A ko minnu ba a fɔ ko, “Alla ti sɔn ko-wo-ko ni male dumɛ,” hakɛ-tigi wonu kunyɛ si to kɛlɛ rɔ.

Emɔsi 9:10 ပူးပေါင်းရင်းမြစ်များ

Yaburi 10:11

Karagbɛlɛ wo kɛnɛna a fɔla a nyɛrɛ ma ko, “Allala ko sa kɛ rɔ. A ara a yɛ lakiri. A ti n yen tun!”

Makawandili Kumɛnu 8:11

Mɔgɛnu bi tola karagbɛlɛyɛ kɛla bawo anu sa anuna tɔrɔyɛ sɔrɔnna yona.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Aiseya 5:19

Wo ye a fɔla ko, “Ni Mari ye min mala, a ni a tiriya wo mala, woletɔ ma si a yen. Isirɛlata Alla-sɛnimɛ ni ala miriya lawɔli alako ma ni a miriya lɔn.”

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Yɛrɛmaya 18:18

Nde, Yɛrɛmaya ban kɛ fɔla, wole ko, “Wo na, ma ni ko-rabɛn-kɛ Yɛrɛmaya kan ma. Saraka-masɔlɛ donu si taran a gbɛ rɔ ka ma labila. Hɛnkilimɛ donu si to ma hɛnkili kɔla. Nɛbinu si to Marita kumɛ dila ma ma. Ma mako sa Yɛrɛmaya kɛ la tun. Ma ni ta a la mɔgɔ-banu yakɔrɔ. Ni a ya fenfen fɔ, ma kana ma tole masɔ wo la.”

Yɛrɛmaya 23:17

Wole minnu ya wo ban wo tolo-masɔ-koe ma ale Mari kan la, nɛbinu bi a fɔla wo ye ko, “Koe bɛɛ ye tala a kilɛ fɛ.” Wole minnu tolo-gbɛlɛ, nɛbinu kɛnɛna a fɔla mɔgɛ wonu ye ko kasara-sumɛ ti sigi wo ma.

Yɛrɛmaya 29:32

Bawo Sɛmaya ara wo ma, Mari ko a ti mɛ Sɛmaya tɔrɔla tun. A ko Mari ye wɔli-nyimɛ min kɛla ata mɔgɛnu ye, ale Sɛmaya ti bɛn wonu tɔ. Hali ala kebila-mɔgɔ den kelen ti taran Isirɛla mɔgɛnu tɛma tun bawo a ya mɔgɛnu nabila murutiyɛ ma Mari kan ma. Mari nyɛrɛ kan le kɛ la.

Isikiyɛli 20:38

N si hakɛ-tiginu anubɛ mɔgɔ-murutiyanɛnu wurun anu tɛma. N si anu bɔ dugi wonu tɔ anu bi kan min kaka kɔnɔ n ti sɔn anu ni sɛgi tun Isirɛla nyamanɛ rɔ. Anu si a lɔn wo le ma ko anuta Mari le nde la.

Emɔsi 6:1

“Wole Isirɛla mɔgɔ-lafɛrɛnɛ minnu siginɛ Yerusalɛm, wole minnu yisi-kimanɛ Samariya soe burɔ, Isirɛla mɔgɛnu bi tala wole min bara wo dɛnbɛn-koe rɔ, a si gbɛlɛya wo kuma gben!

Emɔsi 6:3

Wo miriya ko wo kɛ-nya ara wo tɔrɔya-tele wo masɛgi wo la pon kɔnɔ wo kɛ-nya ye wo yogenu kelela wo kan ma ka wo kasara.

Emɔsi 9:8

A ko a kolan ye wole, hakɛ-tiginu na tolon! A si wo firan dugu-kole kɛ kuma. Kɔnɔ a ko a ti Yakoba kegeyɛ bɛɛ lato de!

Maika 3:11

Anu bi dogonta-fannu dila wole kun-tiginu ma kiti-tɛgɛ-tinɛ. Tɔn-karan-mɔgɛnu bi wodi makelela mɔgɛnu bolo tɔn-karan-koe la. Wola nɛbinu bi kuntɔ-kumɛnu fɔla tɔnɔ-nyini-koe la mɔgɛnu bolo. Nɛbi-su kɛnu bi tɔgɛ sala Mari la ko Mari ye anu fɛ. N ba a fɔ ko, ‘tɔrɔyɛ ye nala,’ anu ni n sɔsɔ ko, ‘wo ti ma.’ Anu ko Mari ye anu fɛ.

Sakaraya 1:6

Ala wɔli-kɛlɛ wonu minnu bi ata nɛbiyɛ la, a ko wonu ya wo benbanu makawandi-siyaman kɛ ka tɔn fanan di anu ma kɔnɔ anu ya wonu kan bɔrɔbɔ ka tɔrɔya-belebele sɔrɔn. Wo kɔma, a ko anu ya anu sɔ anu hakɛ la ka a fɔ ko anu ya tɔrɔyɛ min sufa sɔrɔn Mari Sɛnbɛ-Bɛɛ-Tigi bolo, wo bɛnta le, yɔ, ado wo bɔra-a-la iko ale Mari ya a miri a ma nya min! Soeenu Yen-Koe

Malakayi 3:15

Alla ko wole mirinɛ ko mɔgɔ-wasinɛnu denu dɔrɔn sewanɛ. Karagbɛlɛnu bara-koe ye tala yarɔ. Wo mirinɛ ko hali anu bi Alla rasumanna anuna ko-yogoma-ladan la, a sa anu tɔrɔla.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.