Emɔsi 8:9 - ALLALA KUMƐ

⁹ Wo wati ye nala, tele si fin tele-latelen-wati rɔ, wo kɔma, pinpi si burun wo kuma.

Emɔsi 8:9 ပူးပေါင်းရင်းမြစ်များ

Yobu 5:14

Tele si ma pinpi la anu bolo. Anu si to anu bole mɛmɛla tele rɔ iko fiyɔn.

Aiseya 13:10

Tɔn si sigi lolenuna malan la. Tele si fin banda-ka-dɛ ma. Karɛ si gbɛ.

Yɛrɛmaya 13:16

Wo ni wota Mari Alla gbiliya. Yanni pinpi ni don wo ma, wo ni a gbiliya. Yanni wo ni tonko-tankan kɔnkɛnu ma pinpi rɔ wo ni a tanto! Wo yili-madiyanɛ wan-takɛ min ma, Mari si wo yɛlɛma pinpi-fin-bɛ la.

Yɛrɛmaya 15:9

Wo yogenu ba na wo kɛlɛ-tinɛ, ni wole, Yuda kɛ minnu tora wo niyi la, a ko a si wo kunyɛ don fagali-kɛlɛnu bolo. Hali den-kei mɔgɔ wɔrɔnfila le ye musu kelan bolo, a bɛɛ si ta sala a ma nɛnɛrɛ! Anu na wo si to yɛlɛla a ma diyi-kɛ bolo fekufeku! A kɔndɔ si fili yisi-tinya bolo pirikali! Mari ko tele-mansa-di-kɔlibilɛ si yɛlɛma pinpi-mansa-di-kɔlibilɛ la. Nde Mari kan le kɛ la.

Isikiyɛli 32:7

N tenbi a halakiyi wo kun na, n si banda-finyɛ anubɛ lolenu yamatogon pinpi la. Banda-finyɛ si sa tele ya ma, ado karɛ ti gbɛ.

Emɔsi 4:13

Sɛnbɛ-Bɛɛ-Tigi le ale Mari la. Ale Alla nyɛrɛ le ya kɔnkɛnu anubɛ fɔnyɔ ladan. Ale le si a ma, hadama-dannu ni a miriyanu lɔn. Ale le ye suyi anubɛ tele labɔla. Ale le ye duninya bɛɛ kuma mansayɛ la.

Emɔsi 5:8

“Alla ya lolenu nadan ka anu sigi-tinɛnu tabɛn san-kole rɔ iko a di a ye nya min. Ale le ye suyi yɛlɛmana tele la. Ale le ye tele yɛlɛmana suyi la. Ale le ye yi layɛlɛla san ma ka a labɔn dugu-kole kuma. Ale Mari nyɛrɛ-nyɛrɛ le ye wo mala.

Maika 3:6

a ara to doni, wole nɛbi-su kɛnuna wati ni ban. Bawo wo le ye ata mɔgɛnu nabilala ko-yogomɛ la min kɛ, woletɔ a ti ko-rayirɛ kɛ wo ye tun. Wo ti ke wɔlɔyiya-kumɛnu fɔla tun.

Sakaraya 14:7

Pinpi ti burun wo ma. Su-ni-tele, wan le rakanɛ waran! Mari kelen pe le ya kɛnu ma-wati lɔn.

Matiyu 24:29

“Tɔrɔyɛ wonu ba tenbi tumɛ min, tele la si fin. Karɛ ti gbɛ. Lolenu si bɔ san-kole rɔ ka bui. San-koletɔ-fannu na si maga ka bɔ anu gbɛ rɔ.

Matiyu 27:45

Tele latelan, pinpi burunta nyamanɛ wo bɛɛ kuma ha hawa sawa.

Maraka 15:33

Tele latelan, pinpi burunta nyamanɛ wo bɛɛ kuma ha hawa sawa.

Luka 23:44

Tele-latelan, tele ma sɔn bɔla. Pinpi burunta nyamanɛ kan tinɛ bɛɛ ha wurɛla-tumɛ la, hawa sawa kɔrɔ.

Lankɛnimayɛ 6:12

Nba, saga-dan ya a li-kɛɛn wɔrɔ nyɔgɛ bɔ gbole wo ma ka a lafulen. N ya wo yen nkɛkuna, dugu-yɛrɛyɛrɛn-ba kɛra. Tele finta iko birinkan-finyɛ. Karɛ yɛlɛmanta ka wulen pui iko yele.

Lankɛnimayɛ 8:12

Wo kɔma, melika nani nyɔgɛ ya ata buri fɛ. Tele faranɛ sigi tina sawa la, wo sigi tina kelan tinyara anubɛ karɛ, a sigi tina sawa nyɔgɛ anubɛ lolenu sigi tina sawa nyɔgɛ. Woletɔ anu ma ke malanna. Tele ma bɔ hawa nani nyɔgɛ kɔrɔ. Karɛ fanan ma gbɛ hawa nani nyɔgɛ kɔrɔ.