Emɔsi 8:8 - ALLALA KUMƐ

⁸ A ko a si dugi layɛrɛyɛrɛn wo la ha wo ni kilan. Dugi wo si yɛlɛ wo la ka yigi iko Nayɛli bɛ si fa nya min ka sagan.

Emɔsi 8:8 ပူးပေါင်းရင်းမြစ်များ

Yaburi 18:7

Marita fondo-bɔɛ ya a ma, dugu-kole ramagara ka yɛrɛyɛrɛn. A ya kɔnkɛnu kurukɛ tinɛ layɛrɛyɛrɛn.

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Yɛrɛmaya 12:4

Nyamanɛ kɛ si to diyi kun na ha muntuma? Nyamanɛ kɛ bin-nafɔsɔnɛ ni to ha muntuma? Ka a tɛgɛ mɔgɛnuna karagbɛlɛyɛ ma, sogenu anubɛ konanu bara ban fagala. N yogenu bi a fɔla ko, “Ma wara-koe ye nya min, ma ma la a la ni Alla ye wo kalama.”

Yɛrɛmaya 46:7

Yonnu tɔkɔkɛ ye nala wo la iko Nayɛli bɛ? A beyabeyɛ iko bɛ tenbi yanbɛ gbesila.

Yɛrɛmaya 46:8

Iyipiti kɛlɛ-dan denu tɔkɔkɛ ye nala wo la iko Nayɛli bɛ. Wonu denu beyabeyɛ iko bɛ tenbi yanbɛ gbesila. Anu ko, “Ma si yɛlɛ ka duninya bɛɛ yamatogon. Wo si a ma, soenu ni halaki anubɛ nyɔ-burɔ-mɔgɛnu.

Yɛrɛmaya 51:29

Duninya ra si maga ka pirinkan bawo Mari miriya bɛnni ma fenfen ma fɔ ka Babilɔn ma wula-da-rakolɔn la, mɔgɔ ti sigi kan min tun!

Daniyɛli 9:26

Wo wati wa tenbi, anu si Allata-Mɔgɔ-Yabɔnɛ faga hali a ma ko tinya. Kun-tigi-sɛnbɛmɛ do si ala kɛlɛ-dannu nata ka ta Yerusalɛm anubɛ Alla Bato-Bɔn tinya pɔ! Wola ban si na iko gboron-gboronna-yi. Kɛlɛ anubɛ kasarɛ si ma anutɛ la burubukai iko Alla ya a fɔ nya min.

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 4:3

Woletɔ a ko wola dugi ra ye gbalala le todo! Fan min bɛɛ ye a rɔ, wo bɛɛ si faga. A sogo wo, a koni wo, a yɛgɛ wo, a ko wo bɛɛ la si to dogbe!

Emɔsi 8:10

Wo si wo kundɛn wola sewa-tele minnu ma, Mari si tele wonu ma di-kɛ-tele la. Mari ko a si wola sewa-siginu yɛlɛma yisi-magboya-siginu na. A si a ma, wo ni wo kunyɛ gbana ka kasa-kurɛnu don wo kan na. A si kunaya wole, Isirɛla mɔgɛnu kuma iko mɔgɔ-kɔrɔyanɛla den kelan wa sa. A si gbɛlɛya wo kuma ha wola tɔrɔya-wati da ni fa.

Emɔsi 9:5

Ma Tigi Mari Sɛnbɛ-Bɛɛ-Tigi wa a kɔɛn tugu dugi la, a ra si maga. Nyɔ-sigilɛnu si di biribiri, ado dugu-kole mumɛ si yigi-ni-yɛlɛ kɛ iko Nayɛli bɛ si yɛlɛ ka sagan nya min.

Nehami 1:8

A si tugu a yogenu kan ma ka anu nato dogbe iko yi wa tugu a rɔ wuu! Mɔgɛ min ba a rasɛ, a si wonu natosokɔrɔ lakira.

Matiyu 24:30

Wo kɔma, nde, Hadama-dan tamasere si bɔ gbɛ rɔ san ma. Duninya bɔnsɔn bɛɛ wa nde, Hadama-dan yen nala banda-fin-gbɛ rɔ tumɛ min sɛnbɛ anubɛ gbiliya-ba rɔ, anu si di biribiri!