Emɔsi 8:5 - ALLALA KUMƐ

⁵ Wo ye gbaranna wo nyɛrɛ la, wo ye a fɔla ko, “A sɔgɛ ye ma la, tele-sɛnimɛ kɛnuna wati ni ban tiriya, alako ma ni sɛgi mala yilaya-kɛ-tinɛ. Sulen-Tele kɛ wa ka-a-la, ma si don mala fen-mayirɛnu tɔ tun. Ma si mala fan dɛ gbɛlɛya. Ma si mɔgɛnu kensunya fen-suma-tinɛ. Ma si mɔgɛnu kensunya fannuna gbiliyɛ rɔ fanan.

Emɔsi 8:5 ပူးပေါင်းရင်းမြစ်များ

2 Mansɛnu 4:23

Ala kei ya a manyinika ko, “Nfen bi a mala, i ye tala bi? Mɔgɔ si ta nɛbi wara bi? Sulen-Tele le ma bi, ni wo ma, Karɛ-Kurɛ-Ladɛn?” Kɔnɔ musi wo ya a fɔ ko, “N fa, i yisi ni kimɛ. Ma tele, yo. N si i taran.”

Bɔ-Koe-Iyipiti 31:13

“I ni a fɔ Isirɛla mɔgɛnu ye ko anu ni to nta Sulen-Tele birala ka a gbiliya bɛrɛkɛ! Wo ni wo ma kamasɔrɔn tamasere le wo tele la ko nde le wota Mari la min bara wo yabɔ ka wo sɛninya. Ka a fɔlɔ wole ma ha ka a sigi wo kegeyɛnu na,

Hɛnkilimaya-Kumɛnu 11:1

Mari ko mɔgɛ min bi kensunyɛ kɛla fen-suman-fan la, wo ma di a ye. Kɔnɔ mɔgɛ min bi fan sumanna a kilɛ fɛ, Mari ko wo di a ye.

Hɛnkilimaya-Kumɛnu 16:11

Ka fan suman telenbagayɛ la, wo ye bɔla Mari le bolo, ado Mari ti sɔn kensunteyɛ ma.

Hɛnkilimaya-Kumɛnu 20:23

Minnu si kensunyɛ kɛ fen-suman-fannu na, wonu ma di Mari ye.

Aiseya 1:13

Wola kɔ-fen di-bole kɛ ti ko-wo-ko nyinya wo ma. Wo ye isɛnti min mintanna, a ko wo sumɛ ma di a ye tun hali! Wola Karɛ-Kura-Ladiyɛnu wo, wola Sulen-Tele-Ladiyɛnu wo, anubɛ wola ladiya-gbɛrɛkɛnu wo, a ko wo bɛɛ sɔgɛ la ara bɔ a la bawo wo ara wo hakɛ basan wonu na.

Aiseya 58:13

Mari ko ni wo ya Sulen-Tele bira ka a lɔn tele-sɛninyanɛ la, ado wo sa wo diyana-koenu mala tele wo ma, wo si sewɛ sɔrɔn duk! A ko ni wo ya ala Sulen-Tele wo mabalan, wo ma ta tagama rɔ tele wo rɔ, wo ma wɔli tele wo rɔ, wo ma kun-takolonya-kuma fɔ tele wo rɔ, wo ye wɔlɛ min kɛla Mari ye, a ko wo si ma wo bolo diyɛ la. A ko ale Mari si a ma, wo ni gbiliyɛ sɔrɔn duninya tonke bɛɛ rɔ. A ya nyamanɛ kɛ min di wo benba Yakoba ma, a ko wo si taran wo diya nyɔ. Kumɛ kɛ bɔra Mari karɛ le tɔ.

Hoseya 12:7

Mari ko, “Wole Isirɛla mɔgɛnu telenni ma ha wo mara iko Kenan kɛnu. Minnu bi nala feri kɛla wo ma, wonu kensɔn di wo ye fen-suman-tinɛ.

Hoseya 12:8

Wo ye a fɔla ko, ‘Ma ara ma nɔnfulu-tiginu na, ado mɔgɔ-den-kelen ti ke a fɔla ma ma ko ma ara kɛ sɔrɔn kensunyɛ le tɔ.’

Sakaraya 5:6

N ya a manyinika, n ko, “Nfen bi wo la?” A ya a fɔ n ye ko, “Digi le wo la min sɔnɛ wola nyamanɛ mumɛ hakɛla ko la.”

Sakaraya 5:8

Melika ya a fɔ n ye ko, “Wunduyogoyɛ tamasere le musi kɛ la.” Wo kɔma, a ya musi wo kunyɛ madigin digi wo burɔ a gbɛ rɔ ka a da latogon.

Malakayi 1:13

Wole le gbunyara, wo ko wo ara bandan. Wo ya wo sunyɛnu sigi san ma a kɔrɔ. Wo ye tola nala kankanya-kolo-fan anubɛ kolo-fen-kirɛ anubɛ kolo-fen-namarɛnu na. Alla ko wole miri ko ale si sɔn wo la wo bolo?

Yilan-Yilan Koe 10:10

“Karɛ-wo-karɛ a tele fɔlɛ, anu ni Karɛ-Kurɛ-Ladɛn-burinu fɛ ka ladiyɛ kɛ. Anu tenbi saraka-mintantɛnu bɔla wati-wo-wati anubɛ yisi-kima-sarakɛnu, anu si buri wonu fɛ. Anu ya ladiyɛ kɛ tuma-wo-tuma, anu ni buri wonu fɛ. Nde, Mari wa a fɛ-kan lamɔɛn tumɛ min, buri wonu kan si n hɛnkili labila wo lanyiri ko. Nde le wota Mari Alla la min ti wo boloka.”

Kɔlɔsi 2:16

Woletɔ wo kana sɔn, mɔgɔ-wo-mɔgɔ ni tɔn sigi wo ma tun wola dɔn-fen-koe anubɛ minni-fen-koe la. Hali tele-sɛnima-koe wo, karɛ-kura-koe wo, Sulen-Tele-koe wo, wo ara hɔrɔya tɔn wonu ma.

1 Samuwɛli 20:5

Dawuda ya a yabi ko, “Karɛ-Kura-Yen-Tolon le sina, ado mabɛ i fa le fen-dɔn-kɛla a warɛ. Kɔnɔ ni i si sɔn, n ni ta binyɛ rɔ ka kan tinɛ do nyini n si n dogon kan min ha sina matenbi wurɛ la.