Emɔsi 8:2 - ALLALA KUMƐ

² Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Emɔsi 8:2 ပူးပေါင်းရင်းမြစ်များ

Ko-Dabirɛnu 6:13

Alla ya a fɔ Nowa ye ko, “Mɔgɛ bɛɛ lato-wati ara ke kamasɔrɔn duninya bɛɛ fanɛ karagbɛlɛyɛ la. N si mɔgɛ bɛɛ halaki duninya rɔ anubɛ fan min bɛɛsi ye dugu-kole kuma.”

Aiseya 28:4

Anuna gbiliyɛ si sama anu ma iko kɔn-gbɔ-mɔ-fɔlɔtɛ ye banna a la nya min tiriya! Min tenbi mɔla anu bi wo bɔla a la.

Yɛrɛmaya 40:10

Nde si to sigini Misipa soe burɔ. Wo ya soe minnu bira, wole si ta sigi wonu tɔ. Babilɔn kɛnu ba na, n si to wo gbɛ rɔ. Wo si to nɔnbɔ-gbɔ-yi ladɛnna anubɛ kɔn-gbɔɛ anubɛ tuli.”

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Nimisa Koe 4:18

Ma yogenu bi ma lapɛrɛnna ha ma ti ke ma kunyɛ labɔla luyi ma tun. Tele-dande le tonɛ gbɛ ma niyila ko la.

Isikiyɛli 12:23

A fɔ anu ye ko wo Tigi Mari le kɛnu wara-koe fɔla wo ye. A fɔ anu ye tun ko n si tɔn sigi anuna sarandi-sɛ wo la. Mɔgɔ ti wo fɔ Isirɛla nyamanɛ rɔ tun. Wo kɔma, a fɔ anu ye ko anu bi min fɔla gbɛ anubɛ anu bi wɔlɔyiya-kumɛ minnu fɔla, anu kan ni bɔ a la ko-rayirɛ wo rɔ. Wo wati ara ke!

Isikiyɛli 29:8

Woletɔ nde, wo Tigi Mari ye a fɔla anu ye ko n si a ma, mɔgɛnu ni na anu kɛlɛ faan la. Ala mɔgɛ anubɛ ala kolo-fan dama kunyɛ si to-a-rɔ.

Isikiyɛli 3:10

“Ile hadama-dan, i tole masɔ a kin na! I ni i hɛnkili to kumɛ kɛ damasi ko.

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Isikiyɛli 7:6

A ara ban. Woletɛ ara ban. Kuma sa wole ma tun.

Isikiyɛli 8:12

Alla ya a fɔ n ye ko, “Ile hadama-dan, i wara Isirɛla bɔnsɔn-kun-tiginu yen anu bi min kɛla dogon rɔ? Anu dama ye bɛsɛnu kɔla. Anu bi a fɔla ko, ‘Alla ya sa ma la. A ara a ban mala nyamanɛ la.’ ”

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Isikiyɛli 8:6

Alla ya a fɔ n ye ko, “Ile hadama-dan, i wara a yen min bi mala? I wara a yen Isirɛla bɔnsɔn-mɔgɛnu bi ko-kɔsɔni-sufa min nadanna? Ko-sufa kɛnu denu bi a mala, n ni n bɔ nta kan-tina-sɛnimɛ kɛ rɔ feufeu! Nba, i si ko-yogomɛ yen anu bolo kɛ rɔ min tenbira kɛ la.”

Hoseya 9:7

Wo tɔrɔ-wati ara ke. Wo si wotɛ sɔrɔn iko a bɛnta wo ni a sɔrɔn nya min. Wo tumɛ wa ke, wole Isirɛla mɔgɛnu si a lɔn yati, ko wo tɔrɔya-wati ara ke. Wo ye a fɔla ko, “Nɛbi kɛ, yuwɛ le kɛ la.” Wo hakɛ da ara koloya min kɛ, woletɔ n gboyanɛ wo ye dɔgɔma-ma-de!

Emɔsi 7:8

Mari ya nde, Nɛbi Emɔsi manyinika ko, “I ya nfen yen n bolo?” N ko, “Dandan suman-yili.” Wo kɔma, Mari ya a fɔ tun ko, “N bi nala Isirɛla mɔgɛnu sumanna ka a yira anu na ko anu tadunɛ iko dandan min telenni ma. N ti n yisi yɛlɛma, fɔ n ba anu tɔrɔ le serr!”

Emɔsi 8:1

Allatala ya ko-rayirɛ min yira n na, wo le kɛ la. N ya sende-lafanɛ yen kɔn-gbɔ-mɔɛ la.

Maika 7:1

Nɛbi Maika ya a fɔ ko, “Mata tɔrɔyɛ ara to ma ma fufafu! N yigi tɛgɛnɛ iko kɔnkɔtoe wa a labɔ ki-fannu ma kɔnɔ a ma a gbɔ taran a la. Kɔn-gbɔɛ min dɔn-sɔgɛ wa a bira, a wa ta nyɔ, a ni wo lakolɔn taran filili!

Sakaraya 5:2

Melika wo ya n manyinika ko, “I ye nfen yenna?” N ko, “N ya gbolo-lamininɛ le yen tenbila san ma. Ala yanyɛ, nunkan-nya mogan. A kɔnɛ, nunkan-nya tan.”