Emɔsi 8:14 - ALLALA KUMƐ

¹⁴ Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Emɔsi 8:14 ပူးပေါင်းရင်းမြစ်များ

1 Mansɛnu 12:32

Mansa Yɛrabowami ya a fɔ ala nyamanita-mɔgɛnu ye ko anu ni ladiyɛ do dabira ka a sanka Yuda mɔgɛnutɛ ma min si kɛ anuna san karɛ segin nyɔgɛ, tele tan-ni-loli ma. Mansa Yɛrabowami nyɛrɛ-nyɛrɛ ya tele wo yabɔ a nyɛrɛ ma ka sarakɛnu bɔ wulɔn. Wo tele nyɛrɛ kenɛ, a ya saraka-masɔlɛnu sigi Bɛtɛli soe burɔ minnu ya sarakɛnu bɔ saraka-bɔ-tinɛ kuma ninki-dannuna muninyɛ wonu ye. A ya ladiyɛ wo dabira Isirɛla mɔgɛnu ye ka le.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 16:24

Wo kɔma, a tara kɔnkɛ do san Samari ma wodi-gbɛ la minna gbiliyɛ anubɛ fui-fan bɔrɔ kelen rakɛn de! Ale Mansa Hɔmɔri ya soe datɛgɛ nyɔ rɔ ka nyɔ latanka. A ya dugu-tigi-kɔrɛ wo tɔgɛ sa soe wo kuma ko Samariya.

2 Mansɛnu 10:29

Kɔnɔ hali wo, Mansa Yehu ya a sanka Mansa Yɛrabowami ma bawo Mansa Yɛrabowami ya ninki-danla muninyɛ ladan min kɛ Bɛtɛli soe burɔ anubɛ Dan soe burɔ, ale Mansa Yehu ma wonu tinya, ado a ya anu kɔ. Min kolo wo ko, Mansa Yɛrabowami ya a ma, Isirɛla mɔgɛnu donta wonu kɔɛ rɔ.

2 Ko-Kɔrɔta-Karan 36:16

Kɔnɔ hali wo, anu tora Allata kilayɛnu manyinina. Anu bi anu tengberenyala Marita kuma-lamɔɛn-koe ma ka ata nɛbinu mayɛlɛn. Kɔnɔ tɔ-a-la, Marita diminyɛ warata anu kuma ha anu bɔ-kunya ma sɔrɔn tun Marita diminya kɔrɔ.

Yaburi 140:10

Alamɛ ta-wɔlɔn rawuyara anu ma. I ni a ma, anu na ni fili denka-rayan-bɛ rɔ, anu ti ke bɔla min tɔ.

Yaburi 36:12

Wo ni wo yɛ lata karagbɛlɛ-buinɛnu ma n kɔrɔ. Anu ti ke anu nasɔla tun.

Hɛnkilimaya-Kumɛnu 24:16

Hali mɔgɔ-latelennɛ buira iko wɔrɔnfila, a si ke le a lasɔla wo dama rɔ. Kɔnɔ ni karagbɛlɛ buira, a si kasara pɔ!

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Aiseya 24:20

Dugi si to tonko-tankanna iko gbɛɛ-minna-wɛ. A si to magala iko fɔnyɔ si to bugi lamagala nya min. Hakɛ ara a ma, dugi ara gbiliya kirimimi! A wa bui, a ti a lasɔ tun!

Aiseya 43:17

A ya a ma, kɛlɛ-den-makawanɛnu kunyɛ tora-a-rɔ nyɔ, ado kirindi anubɛ soenu siya anu tɔ. Wonu buira, ado anu ma ke anu nasɔla tun. Anu wara-koe kara-a-la iko lɛnpu wa dufen dɔfɛ!

Yɛrɛmaya 25:27

Mari Sɛnbɛ-Bɛɛ-Tigi, Isirɛlata Alla, kɔni, wo ya a fɔ n ye ko n ni a ma, bɛɛ ni a min kɛ la alako bɛɛ yɛ la ni fin ha anu ni teseri. Anu ba bui, anu ti ke anu nasɔla tun ka a tɛgɛ kɛlɛ ma, ale Mari ye min natugula anu damasi kan ma, kɔni.

Yɛrɛmaya 51:64

I ni a fɔ ko, ‘Kɛ le ye sigila Babilɔn kɛnu ma. Anu si yigi yi kɔrɔ, anu ti yɛlɛ tun ka a tɛgɛ Marita kasarɛ ma anu kan ma.’ ” Yɛrɛmayala kuma laban le kɛ la.

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Hoseya 13:2

Hali wo, anu tora wodi-gbɛ laleela ka anu ma bɛsɛ la. Hadama-den-hɛnkili le ya wodi-gbɛ kɛ lalee, ado hadama-dan le ya a ladan. Anu ban a ladanna, anu ko, “Wo ni sarakɛ bɔ a ye de!” Min tenbira wo la, fan min nadannɛ turɛla muninyɛ la dɔrɔn, mɔgɛnu bi wonu sunbula tagbayi!

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Emɔsi 5:1

Nɛbi Emɔsi ko, “Wole Isirɛla mɔgɛnu, n bi nala saya-ko-sigi min sala wo kuma, wo ni wo tole masɔ wo la.

Emɔsi 5:2

“Hali wole Isirɛla mɔgɛnu tagbɛlɛ nun, wo ara bui kɛlɛ bolo fugbu, ado wo ti ke wo lasɔla tun. Wo bolokanɛ taranta wo halala-nyamanɛ kɛ rɔ, ado mɔgɛnuna ko ma taran wo wara-koe rɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Maika 1:5

“Min bi a tola, kɛ dama ye nala mala bawo Isirɛla mɔgɛnu anubɛ Yuda mɔgɛnu bara hakɛ kɛ. Nfen sufa hakɛ le wonu na? Bawo anu bara bɛsi-kɔ-koe anubɛ karagbɛlɛyɛ dan-natenbi, hali anuna mansa-soenu tɔ, Yerusalɛm anubɛ Samariya.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Kɛwɔlɛnu 18:25

A ya Mari Yisata koe fanan lɔn. A kumara sɛnbɛ-wɛ la Yisa wara-koenu tɔ a kin na kɔnɔ a ya Yɔnila batasili-koe dɔrɔn lɔn.

Kɛwɔlɛnu 19:23

Wo wati rɔ, tɔrɔya-ba wulita Ɛfɛsa soe burɔ ka a tɛgɛ Marita kilɛla ko la.

Kɛwɔlɛnu 19:9

Kɔnɔ anu donu yisi gbɛlɛyanɛ. Anu ma sɔn dɛnkɛninya-koe ma. Anu ya Marita kilɛ lafɛya nyama bɛɛ yala. Woletɔ Pɔli bɔra anu fɛ ka ta Marita mɔgɛnu na a bolo Tairanala karan-bɔn la. Tele-wo-tele, a ye anu makawandila nyɔ nun.

Kɛwɔlɛnu 24:14

N sɔnnɛ kɛ la i ye ko n bi ma benbanuna Alla batola kilɛ min fɛ, anu denu bi a fɔla wo le ma ko foninyɛ le. Kɔnɔ mabɛ ma benbanu bi Alla kelen de batola. Koe min bɛɛ sɛbɛnɛ Musata tɔn rɔ anubɛ nɛbinuna kitabunu tɔ, n lanɛ wonu fanan na.

Kɛwɔlɛnu 9:2

ka kɛdinu manyinika a bolo minnu si ale Sɔli wara-koe fɔ Yahudiyanuna dina-bon-kun-tiginu na Damasika soe burɔ. Kɛdi wonu ko ni a ya mɔgɔ-wo-mɔgɔ taran Marita kilɛ fɛ nyɔ, a ni wo bira ka ta wo la Yerusalɛm, kei wo, musu wo.

Tɔn-Fɔɛ-Fila-Nyɔgɛ 33:11

I yandi, Mari, alamɛ Lifayi bɔnsɔn-mɔgɛnu wulita fanka rɔ. Alamɛ anuna ko-kɛnɛnu ya i hɛnɛ, Mari. Anu yogenu ba wuli anu kɛlɛla tumɛ min, alamɛ i ya anu halaki ka anu nato dogbe!”

Tɔn-Fɔɛ-Fila-Nyɔgɛ 9:21

N ya wola fen-kɔsɔnɛ wo bi, wola ninki-danla muninyɛ, kɔni, ka a lakɛ tɛ rɔ. Wo kɔma, n ya a rakerikeri ka a ramɛsɛya ha a mara gbangban la. N ya a gbangban bi ka a rawuya yi rɔ min kunyɛ sɔnɛ kɔnkɛ wo ma. Yi wo yigira gbangban wo la pon!