Emɔsi 7:8 - ALLALA KUMƐ

⁸ Mari ya nde, Nɛbi Emɔsi manyinika ko, “I ya nfen yen n bolo?” N ko, “Dandan suman-yili.” Wo kɔma, Mari ya a fɔ tun ko, “N bi nala Isirɛla mɔgɛnu sumanna ka a yira anu na ko anu tadunɛ iko dandan min telenni ma. N ti n yisi yɛlɛma, fɔ n ba anu tɔrɔ le serr!”

Emɔsi 7:8 ပူးပေါင်းရင်းမြစ်များ

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

Aiseya 28:17

A ko telenbagayɛ si ma bon kurukɛ tinɛ wo suman-fan la. Telan-nyɛrɛ si ma a dandan telen-fan la. Wo bole lakinɛ foninyɛ minnu ma, banda-belebele si yigi wo la pon! Wo lanɛ wola kanan-koe min na, gboron-gboronna-yi si ta wo makuru-kurunna.

Aiseya 34:11

Nyamanɛ wo si ma gbingbinnyagan anubɛ mansa-wala-konanu nyagan sa tinɛ la. Duduyi-gbansan si to nyɔ. Mari si a ma wula-da-rakolɔn la.

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Nimisa Koe 2:8

Mari ara banna Yerusalɛm soe tarɛ bu-koe latɛgɛla. A ara tarɛ wo suman alako hali doni kana to sɔni. A bɛɛ ni tii mɛmɛ! A kan-tina-layan-ba wo, a tara wo, wo bɛɛ ye dila anu nyɔgɔn fɛ bawo anu tinyanɛ.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Emɔsi 7:7

Wo kɔma, Mari ya ko-rayirɛ do kɛ n ye tun. N ya Mari yen dandan dafɛ, yili ye a bolo a ya dandan natelen min na.

Emɔsi 8:2

Mari ya nde, Nɛbi Emɔsi manyinika ko, “I ya nfen yen?” N ya a fɔ a ye ko, “Sende le, kɔn-gbɔ-mɔɛ ye a rɔ.” Woletɔ Mari ya a fɔ n ye ko, “Iko kɔn-gbɔɛ kɛ mɔnɛ ye nya min kɛ la, Isirɛla mɔgɛnu kasara-wati ara mɔ wo nya na le.” A ko a ti a fonde yɛlɛma mumɛ fɔ a wa wo kasara le.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.

Sakaraya 5:2

Melika wo ya n manyinika ko, “I ye nfen yenna?” N ko, “N ya gbolo-lamininɛ le yen tenbila san ma. Ala yanyɛ, nunkan-nya mogan. A kɔnɛ, nunkan-nya tan.”