Emɔsi 7:4 - ALLALA KUMƐ

⁴ Wo kɔma, Mari ya ko-rayirɛ do kɛ n ye tun. N ya a yen, Alla ya tɛ rabɛn ala mɔgɛnu halaki-koe la. Tɛ wo ya yinu gbala duninya bɛɛ rɔ. Wo kɔma, tɛ ya a ya-lamunun dugu-kole la.

Emɔsi 7:4 ပူးပေါင်းရင်းမြစ်များ

Aiseya 27:4

A fondo-magboyani ma sundi wola ko la tun. Ni wɔnɛnu si taran nyɔ a si minnu kɛlɛ, fɔ a wa anu mintan gbur!

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Isikiyɛli 21:3

ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Yowɛli 1:19

Mari, i yandi, n bi dila i da la mala ki-fannuna ko la. Kolo-fannu de-nyini-tinɛnu ma ara nunku iko tɛ wa binyɛ mintan gburr!

Yowɛli 2:30

A ko a si kabana-koenu yira wo la san-kole rɔ anubɛ dugu-kole kuma. Wo si yele anubɛ ta-mɛlan anubɛ ta-sisi yen wo yɛ la.

Saraka-Masɔlɛnuta Tɔnnu 10:2

Woletɔ Mari ya tɛ layigi anu kuma ka anu mintan gburr! Anu fagara Mari nyɛrɛ yala nyɔ.

Emɔsi 1:4

Mari ko Mansa Hɛsiyɛli ya bon-hakikɛ min sɔ, a ye nala tɛ layigila a kuma ka a mintan gburr! Hali ala den Mansa Hedadi ya kata min sɔ, tɛ si wo dama mintan.

Emɔsi 1:7

a si tɛ layigi Kesa soe kuma ka anubɛ a tarɛ fanan mintan.

Emɔsi 2:5

Woletɔ a si tɛ layigi Yuda nyamanɛ kuma ka wola so-latankanɛ, Yerusalɛm mintan.”

Emɔsi 4:11

Mari ko ale le ya wole, Isirɛla mɔgɛ donu kasara iko a ya Sɔdɔm anubɛ Kɔmɔra soenu tɔrɔ nya min. Mɔgɔ-toe minnu tora anu niyi la, wonu mani de iko ta ma sɔgɔ kundi. Kɔnɔ hali wo, wo ma sɔn sɛgila Mari ma.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Emɔsi 7:1

Nde, Nɛbi Emɔsi ko Allatala ya ko-rayirɛ do kɛ n ye. N ya a yen, Isirɛla mɔgɛnu ban-san le anuna dɔn-fen-kun-fɔlɛnu tɛgɛla ka anu di mansɛ ma. Anuna sɛnɛ-bɛ minnu tonɛ, n ya a yen, kondɔnnu bara na ka kɛ wonu ma saf!

Emɔsi 7:7

Wo kɔma, Mari ya ko-rayirɛ do kɛ n ye tun. N ya Mari yen dandan dafɛ, yili ye a bolo a ya dandan natelen min na.

Maika 1:4

Kɔnkɛnu si lee a tontɛ kɔrɔ iko mɔgɔ wa kɛɛn sa tɛ rɔ. Kɔnkɔ-leenɛ wonu si to yigila folo-wɛnu tɔ iko gboron-gboronna-yi.”

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.

Hiburunu 1:7

Alla ya kɛ le fɔ melikanuna ko la ko, “Nde, Alla ye wole nna melikanu mala iko fɔnyɔ. N bi wole nna wɔli-kɛlɛnu mala iko ta-mɛlan.”

Lankɛnimayɛ 4:1

Wo kɔma, n ya Arinyɛnɛ dɛ-lakanɛ yen ko-rayirɛ rɔ. N ya kuman-kan min namɔɛn fɔlɔn, min manɛ iko buru-fɛ-kan, wo ya a fɔ n ye ko, “Yɛlɛ yan tɔ. Koe minnu si na ma yarɔ, n ni wonu yira i la.”