Emɔsi 7:15 - ALLALA KUMƐ

¹⁵ Mari le ya n bɔ wonu kun na ka na n na yan alako n ni wɔlɔyiya-kumɛnu fɔ wole, Isirɛla mɔgɛnu ye.

Emɔsi 7:15 ပူးပေါင်းရင်းမြစ်များ

2 Samuwɛli 7:8

“Woletɔ a fɔ Dawuda ye ko nde, Mari Sɛnbɛ-Bɛɛ-Tigi kan le kɛ la. N ko n ya ale bi sagɛnu denu fɛ ka a ma mansɛ la nta mɔgɛnu kun na Isirɛla nyamanɛ, kɔni.

1 Mansɛnu 19:19

Nɛbi Ilaya bɔra nyɔ. A ya sara-ninki mogan-ni-nani taran wɔlila fila-filanyɛ ma. Kɔnɔ Ilaisa le ye a to filɛ lawɔlila doi wonu kɔma. Nɛbi Ilaya ya ala nɛbiya-duruki bɔ a kan na ka a don Ilaisa kan na.

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Yɛrɛmaya 26:12

Wo kɔma, n ya a fɔ wo ye ko, “N bara kumɛ min fɔ Bato-Bɔn anubɛ soe kɛla ko ma, Mari le ya n sɔ wonu fɔ-tinɛ.

Matiyu 9:9

Nba, Yisa bɔra nyɔ tumɛ min, a ya duti-makelelɛ do yen. A tɔgɛ Matiyu. A siginɛ ala wɔli-kɛ-tinɛ. Yisa ya a fɔ a ye ko, “Bila n fɛ.” Matiyu ya a lasɔ ka bila a fɛ.

Kɛwɔlɛnu 1:8

Kɔnɔ Allata Ni-Sɛnimɛ wa yigi wo kuma tumɛ min, wo si sɛnbɛ sɔrɔn. Wo si ma sereyɛnu na nde ye ka a dabira Yerusalɛm soe burɔ, anubɛ Yudiya anubɛ Samariya nyamanɛ bɛɛ ha duninya dan la.”

Kɛwɔlɛnu 4:20

bawo male ara koe minnu tayen ka a lamɔɛn, a fɛrɛ sa fɔ ma ni wonu denu fɔ.”

Kɛwɔlɛnu 5:20

“Wo ta wo sɔ Alla-Bato-Bɔn la ka ni-kurɛ kɛ wara-koe fɔ mɔgɛnu ye.”

1 Samuwɛli 10:11

Mɔgɛ minnu ya Sɔli kɛ lɔn kɔrɔma la, wonu tora anu nyɔgɔn manyinikala ko, “Nfen manɛ Kisala dan kɛ la? Ale fanan bara ma nɛbi la, wa?”