Emɔsi 7:14 - ALLALA KUMƐ

¹⁴ Woletɔ Nɛbi Emɔsi ya a fɔ Saraka-Masɔla-Kun-Tigi-Wɛ Hamasa ye ko, “Wo nɛbi ma n na min bi nɛbiyɛ kɛla nɔnfulila ko la. Ki-fannu anubɛ kolo-fannu bi n bolo n barɛ.

Emɔsi 7:14 ပူးပေါင်းရင်းမြစ်များ

1 Mansɛnu 19:19

Nɛbi Ilaya bɔra nyɔ. A ya sara-ninki mogan-ni-nani taran wɔlila fila-filanyɛ ma. Kɔnɔ Ilaisa le ye a to filɛ lawɔlila doi wonu kɔma. Nɛbi Ilaya ya ala nɛbiya-duruki bɔ a kan na ka a don Ilaisa kan na.

1 Mansɛnu 20:35

Nɛbi kelen ya a fɔ a ta-nyɔgɛ do ye nɛbinu tɛma ko, “N tɔntɔn” bawo Mari ara a fɔ a ye wo nya. Kɔnɔ a ta-nyɔgɛ wo ya a ban wo ma.

2 Mansɛnu 2:15

Yɛrikɔ nɛbi-karan-dan minnu yɛ bɛnnɛ anu ma nun, wonu ko, “Nɛbi Ilayata sɛnbɛ ye Nɛbi Ilaisa fɛ!” Anu tara a labɛn ka anu madu dugu ma a kɔrɔ.

2 Mansɛnu 2:3

Anu ke Bɛtɛli, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:5

Anu ke Yɛrikɔ, nɛbi-karan-dan minnu bi nyɔ, wonu ya Nɛbi Ilaisa manyinika ko, “I ma a lɔn ko Mari si i karan-mɔgɔ bi i bolo bi, wa?” Nɛbi Ilaisa ko, “Ɔn, n ya a lɔn kɔnɔ a sɔgɔ sa n na, n ni n dɛ bila wo rɔ.”

2 Mansɛnu 2:7

Nɛbi-karan-dan mɔgɔ bi-loli bilara Nɛbi Ilaya anubɛ Ilaisa fɛ ka ta Yorodan bɛ wara la. Anu ke nyɔ, anu ya anu sɔ Yorodan bɛ dafɛ kɔnɔ nɛbi-karan-dan mɔgɔ bi-loli wonu tora anu ma wulɛ la ka anu yɛ bɛn anu ma.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 6:1

Lunyɛ do, Nɛbi Ilaisala karan-den donu nara anu masigima-koe fɔ a ye ko, “Mala bɔn radɔgɔ.

2 Ko-Kɔrɔta-Karan 16:7

Wo wati rɔ, Nɛbi Hanani tara Mansa Esa wara. A ya a fɔ a ye ko, “Bawo i wara i yigi sa Siriya mansɛ rɔ, i ma i yigi sa ita Mari Alla rɔ, wo le ya a to, tɔ-a-la, i ti nɔ-ko sɔrɔn Siriya mansɛ anubɛ ala kɛlɛ-dannu ma.

2 Ko-Kɔrɔta-Karan 19:2

Hananila den Nɛbi Yehu tara mansɛ taran ka a fɔ a ye ko, “I miri de! Alla gboyanɛ karagbɛlɛ minnu ye, a kin ka wonu dɛnbɛ, wa? I wara min ma kɛ la, wo ara Mari fonde bɔ i kan ma.

2 Ko-Kɔrɔta-Karan 20:34

Mansa Yɛhosafati ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma, wonu damasi sɛbɛnɛ Hananila den Nɛbi Yehuta nɛbiya-buku rɔ min sɛbɛnɛ Isirɛla mansɛnuna buku do rɔ.

Yobu 30:4

Wula-da-rakolɔn wo rɔ, anu si ki-fan donubɛ kɔn-sulinu dɔn hali minnu diyɛ sa a la.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Sakaraya 13:5

Ado nfan, wo tigi si a fɔ ko nɛbi ma ale la. Sɛni-salɛ le ale la. A si a fɔ ko ale ye sɛni-sɛ le la a siyi-tele-bɛɛ kɔrɔ.

1 Kɔrɛnti 1:27

Duninya si min lɔn yuwaya-koe la, Alla ya a lawuli a ma serr, ka wo le yabɔ alako a ni hɛnkilimɛnu namiliya wonu fɛ. Duninya ye a mirila min ma ko sɛnbɛ sa a bolo, Alla ya wo le yabɔ alako a ni mɔgɔ-sɛnbɛmɛnu namiliya.

1 Samuwɛli 10:11

Mɔgɛ minnu ya Sɔli kɛ lɔn kɔrɔma la, wonu tora anu nyɔgɔn manyinikala ko, “Nfen manɛ Kisala dan kɛ la? Ale fanan bara ma nɛbi la, wa?”