Emɔsi 6:8 - ALLALA KUMƐ

⁸ “Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Emɔsi 6:8 ပူးပေါင်းရင်းမြစ်များ

Ko-Dabirɛnu 22:16

Mari ya a fɔ a ye ko, “Bawo i ma ila den kelen pe dogon n ma min kɛ, n bara n keli n nyɛrɛ rɔ

Yaburi 106:40

Woletɔ Mari fonde bɔra ala mɔgɛnu kuma. Anu sɔgɔ labɔra a la lass!

Yaburi 47:4

Male, a diyana-mɔgɛnu bi sigila nyamanɛ min tɔ, ale le ya wo yabɔ ma ye. Nyamanɛ wo, a diyana-mɔgɛnu bi anu wasila wo le la.

Yaburi 50:12

“Ni kɔnkɛ le n na nun, n ti wo manyinika dɔnta ko rɔ bawo fan min bɛɛ ye duninya rɔ, ntɛ le wonu na.

Yaburi 78:59

A ya wo yen min kɛ, a diminyara dɔgɔma-ma-de! Wo le ya a ma, a ya a ban ala mɔgɛnu na feufeu!

Hɛnkilimaya-Kumɛnu 8:13

Ni i ko i ni Mari gbiliya, fɔ i ni i ban ko-yogomɛ la. Wasinteyɛ anubɛ foninya-fɔɛ anubɛ ko-yogoma-kɛ, wonu ma di nde ye.

Aiseya 28:1

Isirɛla kantɔ-nyamanɛ ye nala kasarala. Anuna gbiliyɛ ye nala fɔsɔla iko kɔn-fere minnu bi anuna mɔgɔ-ba-gbɛɛtoenu kunyɛ rɔ. Hali sɛnti-suma-diyamɛ kɛnɛ anu kunyɛ rɔ, ado anu wasinɛ, anu malɔfɔkɔrɔyanɛ sanɛ gbɛɛ bolo.

Yɛrɛmaya 12:8

Nta mɔgɛnu manɛ n kan ma iko yarɛ tenbi firɛ rɔ. Anu bi bɔrɔndɔ-bɔrɔndɔla n ma. Woletɔ anu ma di n ye.

Yɛrɛmaya 22:5

Kɔnɔ a ko ni wo ma ala kumɛ bira, Mari ya a keli ko wola bolɔn kɛ si ma sundu-kunyɛ la. Ale Mari kan le kɛ la.

Yɛrɛmaya 44:26

Mari ara a keli a nyɛrɛ rɔ ka a tɛgɛ wole, Yuda mɔgɛnu ma minnu bi Iyipiti nyamanɛ rɔ yan. Wo ni wo tole masɔ lanyiri wo la. A ko a ti sɔn wo ni a tɔgɛ rakele lanyiri-kiri-tinɛ. Ka a fɔ ko, “A ye mabɛ ma tigi Alla tɛma,” wo ti ma tun!

Yɛrɛmaya 49:13

Mari ara a keli ko mɔgɛ min ba Bɔsira soe tinya-nya yen, wo yisi si tinya bawo a ara ma wula-da-rakolɔn la. Anu si nyɔ-tɔgɛ rakele dankali-kɛ-tinɛ. Nyɔ-dafɛ-so-mɛsɛnu si to tonbonyɛ la tolon! Mari kan le kɛ la.

Yɛrɛmaya 51:14

Mari Sɛnbɛ-Bɛɛ-Tigi ara a keli ko a si sibolo-siyaman natugu Babilɔn kɛnu kan ma iko kondɔnnu. Anu si anu dɛ bolobɔ ko anu bara Babilɔn nɔ.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Isikiyɛli 24:21

a ko n ni sarakanɛ kɛ latenbi wo ma. A ko wole wasinɛ Bato-Bɔn sɛnbɛ le tɔ. A ko nyɔ di wo ye ka a mafɛlɛn kɔnɔ hali wo, a ko ale le si sɔn nyɔ-latinya-koe ma. A ko wola dan minnu tonɛ Yerusalɛm, wonu kunyɛ bɛɛ si to kɛlɛ rɔ terr!

Hoseya 11:6

Kɛlɛ si wola soe tarɛ don-dɛnu keri ka wola soenu ban fegba! N si wole nta mɔgɛnu tɔrɔ bawo wo miri ko wo ye tonyɛ le tɔ.

Saraka-Masɔlɛnuta Tɔnnu 26:11

N si to wo fɛ nta Fani-Bon-sɛnimɛ burɔ. N ti wo boloka mumɛ!

Saraka-Masɔlɛnuta Tɔnnu 26:30

Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Emɔsi 3:10

“Mari ko wo si a yen, anu bi anuna bon-hakikɛnu nafala kankanya-fannu na. Anu bi buila mɔgɛnu ma ka fan wonu bi anu bolo. Anu ma telenbagaya-kilɛ lɔn muk!

Emɔsi 3:11

Tamayi-wo-tamayi sa a rɔ, anu yogenu si na ka anuna nyamanɛ bira-a-la. Anu yogenu si anuna tarɛnu tugu a ma ka anu keri ka anuna bɔnnu tii.”

Emɔsi 4:2

Allatala-sɛnimɛ ya lanyiri kɛ kiri, a ko wati ye nala, wo yogenu si wo bira iko yungbun-kɛlɛ si yɛgɛ bira nya min ka a sa ala sole rɔ.

Emɔsi 5:21

“Mari ko wola ladɛn-sɛnimɛnu sɔgɔ-labɔnɛ le a la ka lass! Wo fenfen ma di a ye.

Emɔsi 8:3

Wo tɔrɔya-tele wa ke tumɛ min, musinu bi sewa-sigi minnu sala mansɛta bɔn la nun, sigi wonu si yɛlɛma saya-di-kɛ-kan la. Anu si a fɔ ko, “Furinu bolokanɛ belenna kan tinɛ bɛɛ rɔ. Ma ni ma rade wona.”

Emɔsi 8:7

Wole fɛlɛtenɛnu, Isirɛla mɔgɛnuta Mari Alla ya lanyiri kiri wo ye a kila-bɛrɛbɛrɛ fɛ. A ko a ti nyina yila wonuna ko-yogomɛnu ko mumɛ!

Sakaraya 11:8

N kuruta saga-fɛ-birala sawɛ minnu ma, n ya wonu gben karɛ kelen kɔrɔ. N sɔgɔ labɔra sagɛnu fanan na ha n bandanta anu kɔrɔ.

Tɔn-Fɔɛ-Fila-Nyɔgɛ 32:19

“Mari ya wo yen nkɛkuna, a fonde bɔra wo kuma. A ya a ban wole la, wole min bi ala denyɛ la, kɔni.