Emɔsi 6:2 - ALLALA KUMƐ

² Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Emɔsi 6:2 ပူးပေါင်းရင်းမြစ်များ

Ko-Dabirɛnu 10:10

Ale Nimirɔdi ya so-karantan sawɛ datɛgɛ Babilɔn nyamanɛ rɔ, Babɛli wo, Ɛreki wo, anubɛ Akadi.

2 Samuwɛli 8:9

Siriya mansɛ doi min bi Hamati soe kun na, Mansa Tɔyi, kɔni, wo ya a lamɔɛn min kɛ ko Mansa Dawuda ara Mansa Hadadisa nɔ,

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

2 Mansɛnu 17:24

So loli kɛnu, Babilɔn, Kuti, Ifa, Hamati, anubɛ Sifafeyim, Asiriya mansɛ ya ala nyamanita-mɔgɛ donu bi nyɔnu tɔ. A tara wonu to Samariya soenu tɔ Isirɛla nyamanɛ rɔ ka anu sɔ Isirɛla mɔgɛnu gbɛ rɔ. Asiriya mɔgɛ kɛnu ya Isirɛla so-kunbɛnu bi ka wonu ma anu halalɛ la.

2 Mansɛnu 17:30

Babilɔn kɛnu ya anuna bɛsɛ ladan min tɔgɛ le Sukɔti-Binoti. Kuti kɛnu ya anuna bɛsɛ ladan min tɔgɛ le Nɛragali. Hamati kɛnu ya anuna bɛsɛ ladan min tɔgɛ le Asima.

2 Mansɛnu 18:34

Mala mansɛ ko Hamati kɛnu anubɛ Arapadi kɛnuna bɛsɛnu bi mintɔ gbɛ? Sifafeyim kɛnu wo, Hena kɛnu wo, Ifa kɛnu wo, wonuna bɛsɛnu bi mintɔ? A ko bɛsɛ kɛ do kera Samariya soe kunkala, wa?

2 Mansɛnu 19:13

Hamati kɛnuna mansɛ ye mintɔ gbɛ? Arapadi kɛnuna mansɛ ye mintɔ gbɛ? Sifafeyim kɛnuna mansɛ ye mintɔ gbɛ? Hena kɛnuna mansɛ ye mintɔ gbɛ? Ifa kɛnuna mansɛ ye mintɔ gbɛ?”

2 Ko-Kɔrɔta-Karan 26:6

Ale Mansa Yusaya tara Filisitinu kɛlɛ ka anuna so-sawa-tarɛnu keri, Kati wo, Yabini wo, anubɛ Asadadi. Wo kɔma fanan, a ya so-siyaman sɔ ka tarɛ mini wonu ma Asadadi so-kɔrɛ dafɛ anubɛ Filisiti nyamanɛ kan tinɛ donu tɔ.

Yɛrɛmaya 49:23

Mari ya kɛ le fɔ Damasika kɛnuna ko rɔ. Hamati so-burɔ-mɔgɛnu wo, Arapadi so-burɔ-mɔgɛnu wo, wonu kun ma si kɔ ka a tɛgɛ anu bara yisi-tinya-kumɛ min namɔɛn. Hɔnya ye tugula anu kan ma iko gboron-gboronna-yi. Sulen sa anu ma.

Nehami 3:8

Ile Ninɛfa soe, i miri ko i fisa Tibisi soe ko Iyipiti nyamanɛ rɔ? Iko mɔgɔ ti ke Nayɛli bɛ tɛgɛla nya min, min bi ile Tibisi soe dafɛ a latanka-koe la, Yufereti bɛ min bi Ninɛfa soe dafɛ, mɔgɔ ti ke wo fanan tɛgɛla wo nya na le.

1 Samuwɛli 17:23

Dawuda anubɛ a kɔrɔnu bi kirabɔla tumɛ min, Kolati kɛ nara ka a kɔgɔ raka anu na iko a duruta a mala anu na nya min nun. Dawuda fanan ya a kuman-kan wo lamɔɛn.

1 Samuwɛli 17:4

Filisitinuna kɛlɛ-kurugbɛ min bɔra Kati soe burɔ, a tɔgɛ Kolati. Wo nara Isirɛla mɔgɛnu kan ma. A sɔra anu yakɔrɔ ka a kɔgɛ raka anu telen tɔ. Ala yanyɛ, nunkan-nya wɔrɔ.

1 Samuwɛli 5:10

Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”

1 Samuwɛli 5:8

Anu ya kilayɛnu nata Filisitinuna so-kun lolɛ mansɛnu ma ka wonu kele. Mansɛ wonu nara tumɛ min, Filisitinu ya wonu manyinika, anu ko, “Ma si nfen ma Isirɛlata Allata tɔn-kenkirɛ kɛ la?” Mansɛ wonu ko, “Wo ni a bi yan ka ta a la Kati soe burɔ.” Woletɔ anu tara a la Filisitinuna soe do burɔ min tɔgɛ Kati.