Emɔsi 6:11 - ALLALA KUMƐ

¹¹ “Mari wa a fɔ wo yogenu ye tumɛ min ko anu ni ta wola bɔnnu tinya, wola bon-kinama wo, a dɔgɔma wo, anu si wo damasi murundu.

Emɔsi 6:11 ပူးပေါင်းရင်းမြစ်များ

2 Mansɛnu 25:9

Anubɛ ala kɛlɛ-dannu ya tɛ tugu Mari Bato-Bɔn la anubɛ mansɛla bolɔn la anubɛ mɔgɔ-banuna bɔnnu na.

Yaburi 105:16

Alla ya kɔnkɔ-fitinɛ ladon anuta nyamanɛ rɔ ka anu beli-fan bɛɛ bi anu bolo.

Yaburi 105:31

Alla kumara nya min wo, yɔlɛ anubɛ muruntu-mɛrɛntɛnu tugura nyamanɛ wo mumɛ kun na.

Yaburi 105:34

Alla kumara nya min wo, kondɔnnu tugura anu kan ma. Anu siya ha ka a dan-natenbi.

Makawandili Kumɛnu 10:18

Tinya-mansɛla bɔn si tinya a bolo. Ala tinya-mansayɛ wo si a ma, ala bɔn si bɔ.

Aiseya 13:3

Mari ara ala kɛlɛ-kɛla-wɛnu yabɔ ka ta kɛlɛ-sɛnimɛ kɛ alako a diminyanɛ minnu ma, a ni wonu tɔrɔ.

Aiseya 55:11

Marita kumɛ ye wo nya na le. Ala kumɛ ti ma fufafuyi la. Ala kumɛ bɛɛ si bɔ-a-la iko ale ye nyinina a ma nya min.

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Emɔsi 3:15

Mari ko a si anuna bɔn damasi tinya, a mara a kinama la wo, a mara a dɔgɔma la wo. Hali anuna bon-hakikɛ minnu tabɛnnɛ sogo-ba-nyin-malɛsɛnɛnu na, wo damasi si tinya pɔ!

Emɔsi 5:11

Wo ara bolo-kolɔnnu tɔrɔ ka anuna dɔntɛnu bi anu bolo fufafu! Wo ara wo ma min kɛ, woletɔ Mari ko wo ara bon-hakikɛ minnu sɔ, wo ti don anu na. Wola ki-fen-hakikɛ minnu bi wo bolo, wo ti wonu dɔn.

Emɔsi 6:8

“Allatala ara a tanɛ sigi wo ye ka wo makawandi ko wole, Isirɛla mɔgɛnuna wasinteyɛ ma di ale ye mumɛ! A ko wo sa hɔnna mɔgɔ-gbɛrɛkɛ la, fɔ wo ye bon-hakikɛ minnu sɔla wo nyɛrɛ ye. Mari ko a si wobɛ wola so-karantan don wo yogenu bolo fasai!”

Emɔsi 9:1

N ya Mari yen, a ya a lakɔɛnma saraka-bɔ-tinɛ dafɛ. A ko, “I ni Bato-Bɔn sɛnbɛrɛn-kɔn-kumɛnu gbesi alako dandan-kɔrɛ ra ni maga. Anu kumɛ ni bui mɔgɛnu kunyɛ ma.” A ko a mɔgɛ toe si faga kɛlɛ rɔ. Mɔgɔ-wo-mɔgɔ ti ke a burila. Bɛɛ si faga tɛrr!

Emɔsi 9:9

A ko a wa a fɔ tumɛ min, Isirɛla mɔgɛnu ta si maga iko nyɔɛ wa kɛ fɛrɛ rɔ nya min. A ko a si anubɛ sibolo doinu funfan anu nyɔgɔn fɛ alako a yogenu si bɔ a kɛndɛnu ya la nya min.

Nehami 1:14

Mari ara ban kɛ latɛgɛla wole Asiriya kɛnuna ko la. A ko wo ti kegeya-wo-kegeya sɔrɔn minnu si to wo kɔmɛ lasabatila. A ko bɛsɛ minnu bi wola kɔ tinɛnu tɔ, a si wonu kasara pɔ! A ko a ye wole Asiriyanu kaburu-sinyɛ kun na kaka! Wo wunduyogo kati!

Sakaraya 14:2

Mari ko a si sibole bɛɛ kundɛn kan-tina-kelen ka Yerusalɛm kɛlɛ. Anu si wola soe bi wo bolo ka wola bɔnnu nakolonya ka digin wola musinu ma. Kɛlɛ si ta nyama tɔnkɔn la. A toenu si to wola so-tinyanɛ burɔ nyɔ.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Luka 19:44

Anu si wo halaki pɔ! Hali kuru kelen ti to a gbɛ rɔ bawo Alla nara wo wara wo kisi tinɛ tumɛ min, wo ya wo ban a la wulɔn.”